InfoHub Logo

جۋرناليستيكا سالاسى ەڭ الدىمەن - بۇقارالىق اقپارات قۇرالدارىنىڭ كومەگىمەن اقپارات جيناۋ، ونى وڭدەۋ جانە تاراتۋ قىزمەتىن اتقارادى. جۋرناليستيكا-الەمدەگى ەڭ كونە ماماندىقتاردىڭ ءبىرى. سەبەبى، ادامدار ءاردايىم اقپارات الۋعا تاۋەلدى بولعان. بۇل سالا ادامنان تەك شىعارماشىلىق، ينتەللەكتۋالدى جانە شەشەندىك قابىلەتتەردى عانا ەمەس، سونىمەن قاتار، ەتيكا مەن ادامگەرشىلىكتى تالاپ ەتەتىن، جاۋاپكەرشىلىگى جوعارى سالا بولىپ تابىلادى. ءجۋرناليستىڭ ادەبيەت سالاسىنداعى تالانتىمەن قاتار، ومىرگە دەگەن قىزىعۋشىلىعى جوعارى جانە وسى سالادا جۇمىس ىستەۋگە دەگەن قۇشتارلىعى بولۋى كەرەك. جۋرناليست-بۇل تەك ماماندىق قانا ەمەس، ءول-ومىر سالتى.

الەمدە جاڭالىقتاردى جەتكىزۋدىڭ، تىڭداۋدىڭ جانە كورۋدىڭ كوپتەگەن جولدارى بار. سەبەبى، ادامزات ءاردايىم اقپارات الۋعا تاۋەلدى بولادى.قازىرگى زاماندا بۇقارالىق اقپارات قۇرالدارى ەلدە بولىپ جاتقان وقيعالاردى، شەشىلۋى كەرەك جانە جۇرتشىلىقتى الاڭداتاتىن ماسەلەلەردى كەڭ اۋديتورياعا جەتكىزەدى.  XXI عاسىردى بۇقارالىق اقپارات قۇرالدارىنسىز ەلەستەتۋ مۇمكىن ەمەس، ولار ءار قادامدا اداممەن بىرگە جۇرەدى. جۋرناليستيكا قوعامدى قانداي اقپارات العىسى كەلەتىنى تۋرالى ويلانۋعا ءماجبۇر ەتەدى. باسقاشا ايتقاندا، بارلىق جاعدايدا جۋرناليستيكا قوعامعا، ال قوعام بۇقارالىق اقپارات قۇرالدارىنا باعىتتالعان بولىپ كەلەدى. ءبىزدىڭ ءار كۇنىمىز قانداي دا ءبىر جاڭالىق ەستۋ، جاڭا اقپارات الۋمەن تىعىز بايلانىستى. اقپارات الا الماعان جاعدايداعى ءوز ءومىرىمىزدى ەلەستەتۋ مۇمكىن ەمەس. قازىرگى الەمدە كۇن سايىن بولىپ جاتقان وقيعالاردىڭ بارلىعى بۇقارالىق اقپاراتتاردىڭ قاتىسۋىنسىز وتپەيدى. وسىلايشا جۋرناليستيكا سالاسى قازىرگى بۇقارالىق اقپارات قۇرالدارىمەن تىعىز بايلانىستا بولادى.

ءححى عاسىردا بۇقارالىق اقپارات قۇرالدارىنىڭ جاڭا تۇرلەرى تولىعىپ، ينتەرنەت باسىلىمدار دا قاتارعا قوسىلدى. زاماناۋي باسپا ءسوز قۇرالدارى كۇن ساناپ جاڭارىپ كەلەدى، سونىڭ ىشىندە تەليەۆەدەنيە مەن الەۋمەتتىك جەلىلەر وتە قارقىندى دامۋدا. ونلاين جۋرناليستيكا جاقسى دامىپ كەلە جاتقانىمەن، گازەت – جۋرنالدار ءوز ماڭىزىن جويعان جوق. وقيتىن وقىرمان بولسا باسپا ءسوز گازەتتەرى ەش ۋاقىتتا نازارسىز قالمايدى. قازىرگى تاڭدا قازاقستاننىڭ بۇقارالىق اقپارات قۇرالدارى الەمىندە شامامەن 9 000 – عا جۋىق سايت بار. سونىڭ ىشىندە اقپاراتتىق، تانىمدىق، ساياسي، ەكونوميكالىق جانە تاعى دا باسقا حالىققا قاجەتتى ءتۇرلى سايتتار جۇمىس اتقارۋدا.

قازىرگى ۋاقىتتا رەداكسيادا ەڭ كوپ سۇرانىسقا يە بولعانى – الەۋمەتتىك جەلىلەرمەن جۇمىس جاسايتىن جۋرناليستتەر نەمەسە SMM مەنەدجەرلەر  بولىپ تابىلادى. ولار وزدەرىنىڭ كاسىبي دايىندىعىنىڭ ارقاسىندا قازىرگى زامانعى اقپاراتتىق، كوممۋنيكاسيالىق جانە مەديا جۇيەلەرىندە قىزمەت اتقارا الادى. سەبەبى، جوعارىدا ايتىپ وتكەندەي، زاماناۋي تەحنولوگيالار قازىرگى كەزدە ادام ءومىرىنىڭ بارلىق سالالارىندا قولدانىسقا يە بولادى. وسىلايشا قازىرگى تاڭدا جۋرناليستيكا الەۋمەتتىك جەلىلەرگە قاراي ۇلكەن بەتبۇرىس جاسادى. XXI عاسىردا تەحنولوگيانىڭ دامۋىنىڭ ارقاسىندا ءبىز تەك قازاقستان توڭىرەگىندەگى عانا ەمەس، بۇكىل الەمدەگى جاڭالىقتاردان حاباردار بولىپ وتىرا الامىز.

قورىتىندىلاي كەلە، جاڭا زامانداعى جۋرناليستيكا سالاسى بۇقارالىق اقپارات قۇرالدارىمەن جانە الەۋمەتتىك جەلىلەرمەن تىعىز بايلانىستى. سوندىقتان دا، قازىرگى ۋاقىتتاعى جۋرناليست مامانىنىڭ نەگىزگى مىندەتى – الدىنا بەرىلگەن ماسەلەنى شەشىپ، زاماناۋي تەحنولوگيالاردى پايدالانۋ ارقىلى، جاڭا زامانداعى  جۋرناليستيكانى جوعارى دەڭگەيگە كوتەرۋ بولىپ تابىلادى.

قاسىمحانوۆا گاۋحار جومارت قىزى

---