InfoHub Logo

ساباقتىڭ تاقىرىبى: «قىس كەرەمەتى»

ءبىلىم بەرۋ سالاسى: قاتىناس. تانىم. شىعارماشىلىق
ءبىلىم بەرۋ ءبولىمى: ءتىل دامىتۋ. ق. م. ۇ. ق. سۋرەت
ماقساتى:
1. بالالاردىڭ قىس مەزگىلى جانە ونىڭ ەرەكشەلىكتەرى تۋرالى بىلىمدەرىن بەكىتۋ.
2. لوگيكالىق ويلاۋ قابىلەتتەرىن، ءتىلىن دامىتۋ
3. ەستەتيكالىق تاربيە بەرۋ. شىعارماشىلىققا باۋلۋ.
ءتۇرى: ارالاس
ءادىسى: ءتۇسىندىرۋ. سەرۋەن. راۋند - روبين.
كورنەكىلىكتەر: تاقىرىپتىق سۋرەتتەر (ەلەكتروندى)، قىسقى ورمان
كورىنىسى، سۋرەت سالۋعا قاجەتتى قۇرال - جابدىقتار.

ءىس - ارەكەت ەتاپتارى
تاربيەشىنىڭ ءىس - ارەكەتى. بالالاردىڭ ءىس - ارەكەتى
موتيۆاسيالىق قوزعاۋشى تاربيەشى بالالاردىڭ نازارىن وزىنە اۋدارىپ، ولاردى شاتتىق شەڭبەرىنە شاقىرادى.
ارايلانىپ تاڭ اتتى،
التىن شاپاق تاراتتى.
قايىرلى تاڭ اپايلار!
قايىرلى تاڭ بالالار!
سىزدەردى كورگەنىمە قۋانىشتىمىن. ورىندارىنان تۇرىپ، قيمىلمەن ورىندايدى
- بالالار، ءقازىر جىلدىڭ قاي مەزگىلى؟ قىس مەزگىلى
- قىس مەزگىلىندە نەشە اي بار؟ 3 اي بار
- قانە ساناي وتىرىپ، رەت - رەتىمەن اتايىقشى
1. جەلتوقسان،
2. قاڭتار
3. اقپان
- قىس مەزگىلىندە اۋا - رايى قانداي بولادى ەكەن؟ سالقىن بولادى
- تاعى قانداي وزگەرىستەر بولادى؟ سۋرەتتەرگە قاراي وتىرىپ ايتادى.
- كوكتەم مەزگىلىندە نەمەسە جاز مەزگىلىندە قار جاۋادى ما؟ جوق، جاۋمايدى
- قاي كەزدە عانا جاۋادى؟ قىس مەزگىلىندە
- جارايسىڭدار. مىنە كوردىڭدەر مە، بالالار، بۇل دا قىستىڭ ءبىر كەرەمەتى.
ياعني ءبىزدىڭ بۇگىنگى ۇيىمداستىرىلعان وقۋ ءىس - ارەكەتىمىزدىڭ تاقىرىبى: قىس كەرەمەتى دەپ اتالادى.

ىزدەنۋ، ۇيىمداستىرۋ (وسى كەزدە ەسىك قاعىلىپ، قولىندا سيقىرلى تاياعى بار قىس حانشايىمى كەلەدى) نازار اۋدارىپ قارايدى
حانشايىم: سالەمەتسىزدەر مە، بالالار، قوناقتار! سىزدەردىڭ مەن تۋرالى ايتقاندارىڭدى ەستىپ ەدىم، قىس مەزگىلى تۋرالى جاقسى بىلەدى ەكەنسىڭدەر. ال قىس تۋرالى قانداي بولجامدار بىلەدى ەكەنسىڭدەر؟
- قىس ايازدى بولسا جاز ىستىق بولادى رينات
- قىس قارلى بولسا جاز جاڭبىرلى بولادى مەرۋەرت
حانشايىم: جارايسىڭدار بالالار، ال مىنا جۇمباقتى شەشە الاسىڭدار ما؟ ءيا
- قولى جوق سۋرەت سالادى
ءتىسى جوق تىستەپ الادى.
ول نە؟ اياز
تاربيەشى: قىس حانشايىمى ءبىز ورمانعا بارىپ قىس كەرەمەتىن تاماشالاعىمىز كەلەدى. سولاي ما، بالالار؟ يا، سولاي
حانشايىم: جارايدى. وندا ءبارىمىز ورمانعا بارايىق. مەن سەندەرگە سيقىرلى تاياعىممەن قانات بىتىرەيىن.
(بارلىعى ۇشىپ ورمانعا كەلەدى)
تابيعاتتى تاماشالايدى
بۇتاقتا وتىرعان ءتيىندى كورەدى.
تاربيەشى: - وي، بالالار، مىناۋ قانداي اڭ؟ ءتيىن
- ءتيىن تۋرالى كىم تاقپاق بىلەدى ەكەن؟