InfoHub Logo

تاقىرىبى: «قىز ەركەم، كەستەسىمەن كوركەم» اتتى جاس شەبەرلەر سايىسى
ماقساتى: قىزداردىڭ بويلارىنداعى يكەمدىلىك، سىمباتتىلىق، قابىلەتتىلىك، يناباتتىلىق، ىزەتتىلىك، بىلىكتىلىك، تانىمدىلىق قاسيەتتەرىن دارىپتەپ دامىتۋعا باۋلۋ. قىز بالالاردى ءوزىن - ءوزى كۇتە بىلۋگە، ۇقىپتىلىققا تاربيەلەۋ. قىزىقتىرۋ ارقىلى ءبىلىمىن تەرەڭدەتۋ، زياتكەرلىك قابىلەتىن دامىتۋ.
مىندەتتەرى: ويىن ءتاسىلى ارقىلى وقۋشىلاردىڭ ويىن دامىتىپ، پانگە دەگەن قىزىعۋشىلىعىن وياتۋ. ونەردى ءتۇسىنىپ، باعالاپ، مەڭگەرۋگە باعىت - باعدار بەرۋ. ونەر ۇيرەنۋدە ءوز بەتتەرىنشە ىزدەنۋدىڭ قاجەتتىلىگىن سەزىندىرۋ.
ءتۇرى: سىنىپتان تىس شارا.
قاتىساتىن سىنىپتار: 8 «ا»، 8 «ءا»، 8 «ب» سىنىپ قىزدارى.
1 - جۇرگىزۋشى: قايىرلى كۇن قىمباتتى ۇستازدار جانە وقۋشىلار. بۇگىنگى زامان تالابىنا ساي ادام سەگىز قىرلى ءبىر سىرلى بولۋى كەرەك. «ۇيرەتۋ - ۇلكەننەن، ۇيرەنۋ - كىشىدەن» دەمەكشى، وتكەننىڭ ونەگەسىن، ءداستۇردىڭ تاتىمدىسىن ساباق ۇستىندە بالا بويىنا ءسىڭىرۋ ءاربىر ۇستازدىڭ مىندەتى. بارشاڭىزعا ءمالىم وسى اپتا بويى مەكتەبىمىزدە كوركەم ەڭبەك، مۋزىكا، دەنە شىنىقتىرۋ اپتالىعى ءوتىپ جاتىر، وسى اپتالىق اياسىندا بۇگىن سىزدەرگە ارناپ وتكىزگەلى وتىرعان «قىز ەركەم، كەستەسىمەن كوركەم» اتتى جاس شەبەرلەر سايىسىنا قوش كەلدىڭىزدەر. بۇگىنگى كەشتىڭ دە ماقساتى - ازدا بولسا ءبىلىم قورلارىن جەتىلدىرىپ، بىلمەگەنىن بىلۋگە، بىلگەنىن وزگەگە جەتكىزە ءبىلۋ ماقساتىندا ۇيىمداستىرىلىپ وتىر.
2 - جۇرگىزۋشى:
مىنا عاسىر ءبىلىمدىنىڭ عاسىرى،
سارالانار ادامزاتتىڭ اسىلى.
قازاقستان وركەنيەت ەل بولسا،
زاڭدى ەلىمنىڭ قۋانىشتان تاسۋى.
مىنا زامان ءبىلىمدىنىڭ زامانى،
شاكىرتتەردىڭ تاۋداي بيىك تالابى.
ءبىلىمدىنى انىقتايتىن سايىستا،
سايىسكەرلەردىڭ ءساتتى بولسىن قادامى
1 - جۇرگىزۋشى:
جول سىلتەگەن بيىكتەرگە ۇستازدارىم
ىشتەرىڭنەن شىعار ءالى جاڭا دارىن
ادىلدىكتى تەك العان ماقسات ەتكەن
تانىستىرام ءادىلقازى القالارىن
بۇگىنگى كەشتىڭ ءادىلقازى القالارىمەن تانىس بولىڭىزدار.
1.
2.
3.
2 - جۇرگىزۋشى:
كوپ سويلەپ ءجون جوبادان ءبىز اسپايىق
قانداي سايىس بولسا دا ءبىز قاشپايىق
ال، ەندەشە رۇقسات بولسا «قىز ەركەم، كەستەسىمەن كوركەم» اتتى جاس شەبەرلەر سايىسىن ءبىز باستايىق دەپ سايىستىڭ شارتتارىمەن تانىستىرىپ وتەيىن.
بۇل سايىس ەكى جۇلدىز جوباسى مەن كۇز حانشايىمى سايىسىنىڭ قوسىندىسى. سەبەبەى، شارتتارى كۇز حانشايىمى سايىسىنىڭ شارتتارى سەكىلدى، ءبىراق قاتىساتىن قاتىسۋشىلار جۇپ بولىپ ونەر كورسەتەدى.
1 - جۇرگىزۋشى: بۇل سايىسىمىزعا 8 سىنىپتاردان ەكى جۇپتان 3 توپ قاتىسقالى وتىر. سايىس شارتتارى 5 كەزەڭنەن تۇرادى:
1. «جۇمباق قىزدار»- ءار جۇپ وزدەرىن تانىستىرىپ وتەدى./5مين/
2. «بۇرىمدى قىزدار» - شاش ءورۋ ونەرى.( ورىلگەن شاشتى ءتۇسىندىرۋ). ءار توپتاعى ءبىرىنشى قىز ەكىنشى قىزدىڭ شاشىن ورەدى. ورگەن شاشىن سيپاتتاپ بەرەدى، سول ارقىلى بۇرىمدى قىز ەكەندىگىن كورسەتەدى./5مين/
3. «ونەرلى قىزدار» - توقۋ ونەرىن كورسەتۋ، توقىلعان زاتتار، ءوز قولدارىنان شىققان بۇيىمدار (كورمە كورسەتۋ) /5مين/
4. «اقىلدى قىزدار» سۇراق - جاۋاپ ايدارى. توپتاعى ءبىرىنشى قىز سالت - ءداستۇر بويىنشا، ەكىنشى قىز كوركەم ەڭبەك ساباعى بويىنشا سۇراققا جاۋاپ بەرەدى. /5 مين /
5. «اسپازشى قىزدار» ءار توپ 10 مين ىشىندە بەلگىلى سالات ءتۇرىن جاساپ، ونى قورعاپ بەرۋى كەرەك
سايىسكەرلەردى 5 پەن 10 ارالىعىنداعى ۇپايمەن باعالاساڭىزدار بولادى.
2 - جۇرگىزۋشى:
ونەر قۋىپ سايىسكەرلەر وتسە دەيمىز
ءبىر باسىنا ونەرلەرىنە جەتسە دەيمىز
باسكە تۇسكەن سايىسكەرلەر كەزەكتەسىپ
تانىستىرىپ وزدەرىن وتسە دەيمىز.
(ءار توپ وزدەرىنىڭ تانىستىرۋلارىن ورىندايدى)
ەندەشە، ءبىرىنشى «جۇمباق قىزدار» كەزەڭىن باستاساق. ءبىرىنشى باستايتىن 8 «ا» سىنىبىن قارسى الايىق.
1 - جۇرگىزۋشى:
كورىنەر قىزدار سۇلۋ شاشباۋىمەن،
بۇرىمىن كەيىن سەرپىپ تاستاۋىمەن.
جاراسقان شاشباۋىمەن تەڭگەلەرىم
تەڭگەنىڭ كىم ءبىلىپتى دوڭگەلەگىن.
قوس بۇرىمدى سۇلۋلىقتىڭ بەلگىسى دەپ تانىعان حالقىمىز قىزداردىڭ شاشاىن ءوسىرىپ ۇشىنا زەرگەردىڭ قولىنان شىققان شاشباۋ، شولپى تاعىپ، سۇلۋلىققا جاستايىنان باۋلىعان، قىز بالاعا كەرەك قاسيەت – تالعام، جاراسىم، اقىل، ءبىلىم، ىسكەرلىك ءومىر تىرشىلىگىنەن ءنار الىپ تامىرعا جايىلادى. ەندەشە، «بۇرىمدى قىزدار» كەزەڭىن باستايىق. بۇل سايىس - شاش ءورۋ ونەرى.( ورىلگەن شاشتى ءتۇسىندىرۋ). ءار توپتاعى ءبىرىنشى قىز ەكىنشى قىزدىڭ شاشىن ورەدى. ورگەن شاشىن سيپاتتاپ بەرەدى، سول ارقىلى بۇرىمدى قىز ەكەندىگىن كورسەتەدى./5مين/
2 - جۇرگىزۋشى:
سايىسكەرلەر ءوز ونەرىنە دايىن بولعانشا اسەم اۋەنگە كەزەك بەرەيىك. قارسى الىڭىزدار ورتادا _______
راحمەت! ونەرىڭ ورگە ءجۇزسىڭ!
1 - جۇرگىزۋشى:
ال كىمنىڭ ونەرى بار قانشالىقتى،
كىلەمگە بىرەۋلەر ورنەك سالىپتى.
تەرمە ۇستاپ، ەندى ءبىرى شي توقىسا،
ويۋدان ءتۇيىن ءتۇيىپ تامسانىپتى، - دەپ كەلە، كەزەكتى «ونەرلى قىزدار» كەزەڭىنە بەرەيىك. سايىسكەرلەر ءوز قولدارىنان جاساعان بۇيىمدارىن تانىستىرادى.
2 - جۇرگىزۋشى:
قانداي جاقسى مايىسىپ تۇرعاندارىڭ،
بويىڭا جيناعانداي ونەر باعىن.
«انا كورگەن تون پىشەر» دەگەن بار عوي،
ونەرلىلىر كورسەتسىن بۇيىمدارىن « ونەرلى قىزدار» وزدەرىنىڭ قولدان جاساعان بۇيىمدارىن ءادىل قازىلارعا اكەلىپ تاپسىرسىن
1 - جۇرگىزۋشى:
«بىلەكتى ءبىردى جىعادى،
ءبىلىمدى مىڭدى جىعادى.
ينەمەن قۇدىق قازعانداي
ءبىلىمنىڭ شىڭىنا شىعادى، - دەي وتىرىپ، كەزەكتى «اقىلدى قىزدار» سايىسى
بۇل شارتتا ورتاعا ساندىققا سالىنعان سۇراقتار اكەلىنەدى. ءار توپقا ارنالعان 2 سۇراق بار جانە ءبىر سۇراققا 5 ۇپاي ەگەر ەكەۋىنە دە دۇرىس جاۋاپ بەرسە 10 ۇپاي بەرىلەدى. جاۋاپ بەرۋگە 2 مينۋت ۋاقىت بەرىلەدى. ايتا كەتكەندەي، توپتاعى ءبىرىنشى قىز سالت - ءداستۇر بويىنشا، ەكىنشى قىز كوركەم ەڭبەك ساباعى بويىنشا سۇراققا جاۋاپ بەرەدى
1) ءۇش ارسىز، ءۇش جاماندىقتى اتاپ بەرىڭىز؟
- ۇيقى ارسىز، تاماق ارسىز، كۇلكى ارسىز؛
- ناقاق قان توگۋ، كىسى مالىن ۇرلاپ الۋ، اتا - بابادان قالعان جۇرتتى بۇزباۋ؛
2) قازاقشا اي اتتارىن اتا؟
- قاڭتار، اقپان، ناۋرىز، مامىر، ماۋسىم، شىلدە، تامىز، قىركۇيەك، قازان، قاراشا، جەلتوقسان؛
3) ءتورت تۇلىك مالدىڭ يەسى قالاي اتالادى؟
- تۇيە - ويسىلقارا، جىلقى - قامبار اتا، قوي - شوپان اتا، ەشكى - سەكسەك اتا، سيىر - زەڭگى بابا؛
4) قازاقتىڭ ۇلتتىق اسپاپتارىن اتا؟
- دومبىرا، سازسىرناي، جەتىگەن، قوبىز، سىبىزعى ت. ب.
5) جەتى اتانى اتاپ بەرىڭىز؟
- اتا، اكە، بالا، نەمەرە، شوبەرە، شوپشەك، نەمەنە؛
6) جەتى قازىنانى اتاپ بەرىڭىز؟
- ەر جىگىت، سۇلۋ ايەل، اقىل - ءبىلىم، جۇيرىك ات، قىران بۇركىت، بەرەن مىلتىق، جۇيرىك تازى؛
7) ءۇش ءجۇزدى جانە ءۇش كوزدى اتاڭىز؟
- ۇلى ءجۇز، ورتا ءجۇز، كىشى ءجۇز؛
- سۋ اناسى – بۇلاق، جول اناسى – تۇياق، ءسوز اناسى – قۇلاق؛
8) بەس قارۋ دەگەن نە؟
- ساداق، قىلىش، نايزا سۇڭگى، ايبالتا، شوقپار؛
1. تىگىن ماشيناسىنىڭ اكەسى كىم؟ (ەليوس حوۋ)
2. ءارتۇرلى ماتالاردىڭ قيىندىلارىن جاپسىرىپ، ماعىنالى كوركەم جۇمىس ورىنداۋدى قالاي اتايدى؟ (كوللاج)
3. ويۋدى ۇلكەن نەشە توپقا بولەمىز؟ (4 توپقا. جانۋارلىق، عارىشتىق، وسىمدىك تەكتەس، گەومەتريالىق)
4. حالات، كۇرتە، جەيدە، كويلەك بۇلار قانداي كيىم تۇرلەرىنە جاتادى؟ (يىق بۇيىمدارى)
5. ەڭ العاشقى تىگىن ماشيناسىن ويلاپ تاپقان كىم؟ (لەوناردا دا ۆينچي)
6. ءىس تىككەندە ساۋساقتىڭ ۇشىنا كيىلەتىن زاتتى قالاي اتايدى؟ (ويماق)
7. ءار نارسەنى كوركەمدەپ جوبالاۋ قالاي اتالادى؟ (ديزاين)
8. 1900 جىلى رەسەيدەگى پودولسك قالاسىندا تۇڭعىش تىگىن ماشينالار زاۋىتى اشىلدى. بۇل زاۋىت قالاي اتالادى؟ (زينگەر)
2 - جۇرگىزۋشى: «اسپازشى قىزدار»
شاڭىراقتىڭ جايىلادى داستارقانى،
داستارقاننىڭ ءبىر ءسانى بار – ون تاعامى.
ءتاتتى تاعام ءار ادامدى سۇيسىندىرەر،
اسپازدىققا بەرەيىك ءبىر باعانى. دەي كەلە ارۋلار ءوز اس دامدەرىن ۇسىنادى. ءاربىر جۇپ وزدەرىنىڭ جاساعان سالات تۇرلەرىن ءتۇسىندىرىپ، جاسالۋ جولدارىن ايتىپ بەرەدى.
1 - جۇرگىزۋشى:
سايىسكەرلەر ءوز ونەرىنە دايىن بولعانشا اسەم اۋەنگە كەزەك بەرەيىك. قارسى الىڭىزدار ورتادا _______
راحمەت! ونەرىڭ ورگە ءجۇزسىڭ!
قۇرمەتتى ءادىلقازىلار القاسى وقۋشىلاردىڭ ونەرلەرىن باعالاڭىزدار.
قورىتىندى:
سىزدەر، ءبىزدىڭ شەبەر، ىسكەر جانە قيىننان قيىستىرار تاپقىر وقۋشىلار ونەرىن تاماشالادىڭىزدار. ونەر - قۇدىرەت، كۇش، ادامنىڭ جان سەرىگى، رۋحاني بايلىعى. كەز كەلگەن وزىپ شىقپايدى، تالاپتى، ونەرلى وقۋشى جارقىراپ بىرىنشىلىككە شىعادى. تالانت پەن ونەر اتاۋلىنىڭ كوتەرىلەر شىڭى - دارىندىلىق. وسىنداي سايىسقا ءجيى قاتىسىپ، تالاپتارىڭىز تالماي، دارىندىلىق قاسيەتىڭىز ارتا بەرسىن. ولاي بولسا، العان بىلىمدەرىمىزدى كۇندەلىكتى ومىردە قاجەتتەرىمىزگە جاراتا بىلسەك، ەڭبەكتەرىمىزدىڭ ەش كەتپەگەنى. وسىمەنەن سايىسىمىز اياقتالدى. سايىسقا ءادىل باعا بەرگەن ءادىلقازىلارىمىزعا، قاتىسۋشىلارىمىزعا جانە كورەرمەندەرىمىزگە ۇلكەن راحمەت. قوش، ساۋ بولىڭىزدار!
2 - جۇرگىزۋشى:
دەمەڭىز ءبىز ونەردى اياپ قالدى،
ۋاقىت ءبىراز جەرگە تاياپ قالدى.
كورىسكەنشە حوش ساۋ بولىپ تۇرىڭىزدار،
«قىز ەركەم، كەستەسىمەن كوركەم» سايىسى اياقتالدى