InfoHub Logo

جاسىرىن ەمەس، پسيحولوگيالىق جانە مەديسينالىق تۇرعىدان العاندا ادام تاۋلىگىنە 8 ساعات جۇمىس ىستەۋى كەرەك. ودان ارتىق جۇمىس اعزاعا، ساناعا سالماق تۇسىرەدى. تاۋلىكتىك 8 ساعاتتىڭ وزىندە ادام كەمىندە 3 رەت ءۇزىلىس جاساپ، قيمىل-قوزعالىستى كوبەيتۋ كەرەك. دەگەنمەن سوڭعى زەرتتەۋلەر وتكەن عاسىردىڭ 80-جىلدارمەن سالىستىرعاندا ادامداردا قيمىل-قوزعالىس 40 پايىزعا ازايعانىن، ال وتىرىقشى جۇمىس ىستەيتىندەردىڭ قاتارى 70 پايىزعا ارتقانىن انىقتاپتى.

ارينە، مۇنىڭ ءبارى زاماناۋي تەحنيكانىڭ ارقاسى، ادامنىڭ ارى-بەرى ءجۇرۋى ازايدى دەپ ماقتانارمىز. الايدا مۇنىڭ زياندى جاعى دا باسىم بولىپ بارادى. «مەديكال بليللينگ...» ۇيىمى ءتۇرلى مەديسينالىق زەرتتەۋ جۇرگىزىپ، قوزعالىسى از ءومىر سالتى، از ۋاقىتتا ادامداردى قاتەرلى ىسىك، جۇرەك-قانتامىر، ديابەت اۋرۋلارىنا الىپ كەلەدى دەگەن تۇجىرىم جاسادى. ماماندار زەرتتەۋ كەزىندە ءۇش جىل بويى تاۋلىگىنە 6 ساعاتتان ارتىق ءبىر ورىندا وتىراتىن ادامدار مەن ۇنەمى قيمىل-قوزعالىستا بولاتىن ەكى توپتى باقىلاۋعا العان. ءۇش جىلدان كەيىن كوپ وتىراتىن ادامداردىڭ اعزاسىندا قارتايۋ بەلگىسى 40 پايىزعا ارتقانىن، 29 پايىزىندا توق ىشەكتىڭ قاتەرلى ىسىگى، تاعى 13 پايىزىندا سەمىزدىك پەن قانت ديابەتى بايقالعان.

شىعىس ونتاريو زەرتتەۋ ورتالىعىنىڭ سالاۋاتتى ءومىر سالتى مەن سەمىزدىك پروبلەمالارىنىڭ زەرتتەۋ ءبولىمىنىڭ جەتەكشىسى مارك ترەمبلي باستاعان كانالادىق دارىگەرلەردىڭ ايتۋلارىنشا، دەنەگە ۇدايى جانە ۇزاق ۋاقىت سالماق تۇسىرەتىن جۇمىستار كوكىرەك قاتەرلى ىسىگىنە شالدىعۋ ءقاۋپىن 30 پايىزعا، جىنىس بەزى قاتەرلى ىسىگى ءقاۋپىن 10-20 پايىزعا ازايتادى ەكەن. ماماندار ءار ۋاقىتتا كرەسلودان تۇرىپ، جاتتىعۋ جاساپ سەرگىپ الۋ، تۇسكى ۇزىلىستە ءجۇرىپ قايتۋ ارتىق ەتپەيدى دەيدى.

وقۋعا كەڭەس بەرەمىز:

ءبىر اي بويى كۇنىنە 100 رەتتەن جاتتىعۋ جاساۋ

قاتەرلى ىسىكتى ارتتىراتىن ازىقتار

قاتەرلى ىسىك ءقاۋىپىن ازايتۋ ءۇشىن

وكپەنىڭ قاتەرلى ىسىگى

قاتەرلى ىسىكتەن ساقتانۋ

قاتەرلى ىسىكتىڭ الدىن الۋشى — ءجۇزىم

---