قوجا مەن جىگىتتىڭ قاعىسۋى
ناعىزجان قوجا تاپقىر دا ءتىلۋار ادام ەكەن. ول كىممەن قاعىسسا دا، سوزدەن توسىلىپ كورگەن ەمەس. بىردە كورشىلەس ەلدەن قۋان دەيتىن پىسىقشا جىگىت كەلىپ، قوجامەن قاعىسقىسى كەلەتىنىن ايتادى. قوجا ونى قابىلدايدى.
— وھ، جار قۇلادى-اۋ! — دەيدى قوجا.
— ونىڭىز راس، قۇلاعان بولار، — دەپ ماقۇلدايدى قۋان.
— قايدان ءبىلدىڭ؟
— بەتىمە سۋ شاشىرادى.
قوجا ءسال كىدىرەدى دە، جۇمباق ايتادى.
— شىم-شىتىر، شيدەي قوتىر، — دەيدى.
— شىم-شىتىر دا ەمەس، شيدەي قوتىر دا ەمەس، — دەپ جاۋاپ قايتارادى جىگىت. قوجا:
— مەنىڭ جۇمباعىم ءتۇن ەدى دەسە، قۋان:
— مەنىكى كۇن ەدى، — دەيدى.
ەكىنشى جۇمباق ايتىلادى.
— تاقىر جەردە تايدىڭ ءىزى، — دەيدى قوجا.
— قوبىلاۋ جەردە قويدىڭ ءىزى، — دەپ جاۋاپ بەرەدى جىگىت.
جۇمباقتىڭ شەشۋى ايتىلادى. قوجا:
— تاقىر جەردە تايدىڭ ءىزى دەگەنىم كىندىك ەدى، — دەسە، قۋان:
— قوبىلاۋ جەردە قويدىڭ ءىزى دەگەنىم جۇندىك ەدى، — دەپ شەشەدى.
ناعىزجان قوجا توسىلعانىن مويىندايدى.
You Might Also Like
-
ينتەرنەتتىڭ پايدا بولۋى الەمدى ءدۇر سىلكىندىردى. ول گازەت بار كەزدەگى راديو مەن تەلەارنانىڭ شىعۋىنان تىم بولەك، تىم جات. سول ساتتەگى گازەتتىڭ وقىلماي قالادى ما دەگەن ساۋالى سانالى جاننىڭ ءبارىن مازال...
