قوجاناسىردىڭ «كالەندارى»
اۋىل ادامدارى بىردە قوجاناسىرعا كەلىپ، ودان بۇگىن ايدىڭ نەشە جاڭاسى ەكەنىن سۇرايدى. قوجا شىعىپ كەتەدى دە، ازدان كەيىن قايىرا كەلىپ:
— بۇگىن ايدىڭ ءجۇز جيىرماسى ەكەن، — دەيدى.
قوجا مۇنى انشەيىن ايتا سالعان جوق. ونىڭ وزىنە ءتان كۇن ەسەپتەيتىن ەرەكشە ءتاسىلى بولاتىندى: دەربەس ءبىر ىدىسقا كۇن سايىن ءبىر تاس سالىپ، كۇندى سول تاستىڭ سانىمەن ەسەپتەيتىن ەدى. ال بۇگىن ونداعى تاس شامادان تىس كوپ بولدى. وعان سەبەپ: قوجانىڭ جۇگىرىپ جۇرگەن بالاسى اكەسىنىڭ تاس جيناپ جۇرگەنىن كورەدى دە، ونىڭ ىدىسىنا بىرنەشە ۋىس تاس اكەلىپ سالادى. قوجەكەڭ ونى سەزبەيدى، ىدىستاعى تاستىڭ سانىن كۇن سانى دەپ جاريالايدى.
تاعى بىردە قوجاناسىرعا ونىڭ تانىس ادامدارىنىڭ ءبىرى:
— جاڭا اي تۋعاندا ەسكى ايدى نە ىستەيدى ەكەن؟ — دەپ سۇراق قويادى. قوجا مۇدىرمەيدى:
— جاڭا اي تۋعاندا ەسكى ايدى قىرقىت-قىرقىت جۇلدىز ىستەيدى، — دەپ جاۋاپ قايىرادى.
قوجاناسىردىڭ وزدىك «كالەندارى» مالىمەتتەرى، مىنە، وسىنداي.
You Might Also Like
-
ءبىر كوپىرمەشى كىسى قوجاناسىرمەن باسەكە ايتىسۋعا كەلىپتى.
-
ءبىر قىستاقتا ەكەۋى دە كلاۋس دەپ اتالاتىن كورشىلەر ءومىر ءسۇرىپتى. ولاردىڭ ءبىرىنىڭ ءتورت اتى، ال ەكىنشىسىنىڭ جالعىز اتى بار ەكەن. ولاردى بىر-بىرىنەن اجىراتۋ ءۇشىن جۇرت ءتورت اتى بارىن ۇلكەن كلاۋس، ال جال...
