قالىڭ قالاي، قازاق سايتى؟
ينتەرنەتتىڭ پايدا بولۋى الەمدى ءدۇر سىلكىندىردى. ول گازەت بار كەزدەگى راديو مەن تەلەارنانىڭ شىعۋىنان تىم بولەك، تىم جات. سول ساتتەگى گازەتتىڭ وقىلماي قالادى ما دەگەن ساۋالى سانالى جاننىڭ ءبارىن مازالاعان ەدى. ال ءقازىر شە؟
دامۋدىڭ داڭعىل جولىنا تۇسكەن قازاقستانعا جاڭا ءۇردىس كەشتەتىپ كەلدى. بىزدە قازىرگى مودىداعى ۆاي-فاي مودەم، 4 G جەلىلەرى ەتەك السا، شەتەلدە، ءتىپتى، جارىق فايعا دەيىن بار. ءجا، تاقىرىپتان اۋىتقىماي نەگىزگى وزەگىمىزگە قايتىپ ورالايىق. عالامتور، الەۋمەتتىك جەلىلەردىڭ ىقپالى ەرىكسىز سايت اشۋعا الىپ كەلدى. بايقاساڭىز ءقازىر اۋداندىق گازەتتىڭ دە جەكە سايتى بار. مىسالى، ءداستۇرلى ب ا ق (گازەت، راديو، تەلەارنا) ارقىلى جاڭالىق، اقپارات حالىققا كەشىگىپ جەتەدى. اقپارات مايدانىندا ءاربىر مينۋت، ساعات ماڭىزدى. ال، وقىرماعانعا بولعان وقيعانى جىلدام ءارى ءتيىمدى جەتكىزۋدە سايتىڭ ءرولى ەرەكشە. وسىلايشا قازاق ءتىلدى سايتتىڭ سانى كۇن سايىن ءوسىپ جاتىر. ساپاسى شە؟
جۇرت جاپپاي «زورلاندى»، «قورلاندى»، «ءولدى»، «ءولتىردى» دەگەن جاڭالىقتارعا ابدەن قۇمارتىپ الدى. ونسىز سايتتىڭ رەتينگىسىن كوتەرۋ ءشول دالادا كولگە كەزىگۋمەن بىردەي. Nur.kz، 365info.kz، zakon.kz، stan.kz جانە ءبىر كەزدەگى «الاش ايناسى» گازەتى جابىلىپ، ءقازىر alashainasy.kz سايتى ارقىلى وسى باعىتتى ۇستانىپ كەلەدى. ارينە، بۇل قوعام ءۇشىن جاقسى ءۇردىس ەمەس. «جامانىن جاسىرىپ، جاقسىسىن اسىرعان» حالىقتىڭ باتەرەگىنە بالتا شاپتى دەسە دە بولاتىنداي. كەرىسىنشە، وسى باعىتقا قاراما-قارسى، رۋحاني باعىتتا شىعىپ جاتقان سايتتاردى جالتارماي تىزبەلەپ جازۋعا دا بولادى. باسەكە بار جاردە ءوسۋ دە بار. سوندىقتان وتكەن كۇنمەن سالىستىرعاندا قازاق ءتىلدى سايتتار دا ادەۋىر ورلەۋ باسىم. الدىمەن سانى وسكەن سوڭ عانا ساپا وسەدى. دەي تۇرعانمەن اقپارات اعىنداي اعىلعان زامان دا ءاربىر جاڭالىققا كۇمانمەن قاراپ، وزىنشە سارالاي ءبىلۋ دە كەرەك. سەبەبى جالعان اقپارات جەلدەي ەسىپ تۇرعاندا ءاربىر اقپارات ادام اسىرەسە جاسوسپىرىمدەردىڭ پسيحولولياسىنا كەرى اسەر ەتەدى.
يسيمسارتوۆا بوتا مۋكاشوۆنا
You Might Also Like
-
ناعىزجان قوجا تاپقىر دا ءتىلۋار ادام ەكەن. ول كىممەن قاعىسسا دا، سوزدەن توسىلىپ كورگەن ەمەس. بىردە كورشىلەس ەلدەن قۋان دەيتىن پىسىقشا جىگىت كەلىپ، قوجامەن قاعىسقىسى كەلەتىنىن ايتادى. قوجا ونى قابىلد...
-
ءبىر قويشىنىڭ جەتى ۇلى بولىپتى. ايەلى ەكەۋى ءبىر قىزدارى بولۋىن قاتتى ارمانداپتى. جەتى ۇلدان سوڭ كوپتەن كۇتكەن قىزى دۇنيەگە كەلگەندە، ولار قاتتى قۋانىپتى! شاقالاق وتە كىشكەنتاي ءارى ءالجۋاز بولىپتى. كى...
