InfoHub Logo

ءبىر جىگىت قۇرداسىنىڭ قوناق شاقىرعانىن ءبىلىپ كەشكە ۇيىنە بارسا، قۇرداسى بازارعا كەتىپ، ايەلى ءۇي جۇمىسىمەن كۇيبەڭدەپ جۇرگەنىن كورەدى دە، وتىر دەپ ايتا ما دەگەن ويمەن:

— مەن قايتايىن، الگىندە جىگىتىڭ جۇمىسىم بار دەگەن ەدى، ول كەلمەدى، — دەگەن ەكەن، ايەلى ۇندەمەپتى. الگى جىگىت قۇرداسىنا ءوزىن ءبىر تانىتقىسى كەلىپ دالاعا شىعىپتى دا، اس ۇيدە تۇرعان قويدىڭ ءبىر سانىن قوينىنا تىعىپ الىپ «ەگەر مەنى شاقىراتىن بولسا، قايتا اكەلىپ ورنىنا قويا سالايىن» دەگەن ويمەن كوشەدەن قۇرداسىنىڭ جولىن توسىپتى. ازدان سوڭ قۇرداسى كەزىگىپ:

— وي، قايدان كەلەسىڭ؟ — دەپتى.

— سەندەردىكىنەن كەلەمىن، — دەپ شىنىن ايتىپتى. قۇرداسى ۇندەمەي ۇيىنە كەتىپتى. ساندى العان جىگىت تە ءوز جايىنا كەتىپتى.

— ىمىرت جابىلا قوناقتار كەلە باستاپتى. ەكى جۇباي تاماق ازىرلەمەك بولىپ، اس ۇيدەگى ساندى تابا الماي دال بولىپتى. سوندا قۇرداسىنىڭ ايتقانى ەسىنە ءتۇسىپ، قوناق شاقىرعان جىگىت سانىن ءبىر-اق ۇرىپ وتىرا كەتكەن ەكەن.

 

---