ەكى قۇرداس
بىرەۋ ناۋقاستانىپ قالعان قۇرداسىنىڭ كوڭىلىن سۇراي بارىپتى. ونى كورگەن قۇرداسىنىڭ كوڭىلى بوساپ:
— تالاي جىلدى بىرگە وتكىزدىك، كوڭىلىڭدى قالدىرعان جەرىم بولسا كەشىر، ولاي-بۇلاي بوپ كەتسەم، بالا-شاعاما باس-كوز بول، ەس-اقىلدارى شىعىپ، دوسقا كۇلكى، دۇشپانعا تابا بولىپ جۇرمەسىن، — دەپ كوڭىلدەگىسىن ايتىپتى. ناۋقاس جاعدايىن بايقاپ، تامىرىن ۇستاپ وتىرعان قۇرداسى بۇگىن ءتونىپ تۇرعان ءقاۋىپ جوق ەكەنىن اڭعارىپ:
— تالاي جىلعى باقىر اسىن ءبولىپ ىشكەن كارى سەرىگىم-اي، الىس ساپارعا بەت تۇزەپ، ەر-تۇرمانىڭدى سايلاپ العان ەكەنسىڭ عوي، قوي، توقتا دەۋگە بولماس، «دوسىڭدى توقتاتپا، جولىنان قالادى» دەۋشى ەدى عوي، جولىڭنان قالدىرمايىن. ءبىراق سەنەن تىلەيتىن ءبىر تىلەگىم بار، جاس كەزىڭدە شىداماس قورقاق ەدىڭ، ەندى بۋىنىڭدى بەكىت، ارتىڭدا كارىلەردەن كىم قالدى دەسە، الگى پالەنشە قۋ اياق ءالى بار دەپ جۇرمە. مەنى سۇراي قالسا، الدەقاشان وزدەرىڭىز الىپ كەتپەپ پە ەدىڭىزدەر دەپ بەتتەتپەي قوي، سۇراماسا، ۇندەمە، ايتپەسە، وزدەرى دە ۇمىتىپ قالعان شىعار، ءبىز تۋعالى قاي
زامان، — دەپتى. سوندا مۇڭايىپ جاتقان شال دا، جىلاپ وتىرعان بالا-شاعا دا كۇلىپ جىبەرگەن ەكەن.
You Might Also Like
-
اباي قۇنانباي ۇلى عۇلاما، ويشىل، اقىن، اعارتۋشى، ۇلتتىڭ جاڭا ادەبيەتىنىڭ نەگىزىن قالاۋشى، اۋدارماشى، كومپوزيتور رەتىندە ەل تاريحىندا وشپەس ءىز قالدىرعانى ءسوزسىز. قۇنانباي بالالارىنىڭ ىشىندەگى ەڭ ءقابى...
-
ءبىر جىگىت قۇرداسىنىڭ قوناق شاقىرعانىن ءبىلىپ كەشكە ۇيىنە بارسا، قۇرداسى بازارعا كەتىپ، ايەلى ءۇي جۇمىسىمەن كۇيبەڭدەپ جۇرگەنىن كورەدى دە، وتىر دەپ ايتا ما دەگەن ويمەن:
