InfoHub Logo

قازاق حالقىندا اتام زاماننان بەرى ايەل ادامعا اسا قۇرمەتپەن، مارتەبەمەن قاراپ، «قىز بالا - تىلەكشى»، «قىز بالانىڭ ورنى - ءتور» دەپ قىز بالانى ەرەكشە قادىرلەگەن. ەلباسىمىز نۇرسۇلتان ءابىش ۇلى نازاربايەۆتىڭ ءوزى «ايەل - ءار شاڭىراقتىڭ شامشىراعى، ءار وتباسىنىڭ نۇر-شۋاعى، دەمەك، مەملەكەتتىڭ قۇت-بەرەكەسى» دەپ ايەلدەر قاۋىمىنىڭ ادامزات قوعامىنداعى ءمان-ماڭىزىن وتە جوعارى باعالايدى.
⠀
ءبىراق ءىس جۇزىندە زورلىققا، ءوز جۇبايىلارىنان سوققىعا جىعىلعان ايەلدەر مەن قىزداردىڭ وزدەرى حالىق كوزىندە كىنالى، ال زاڭ جۇزىندە قورعاۋسىز قالادى. ءسوزدىڭ ادەمىلىگى سوندا، كوبىنە شىن ومىرمەن سايكەس كەلمەۋى. ايەل زاتىنا قانشا ولەڭ-جىرلار ارناپ، اسپاننان جۇلدىز ۋادە ەتكەن ەرلەر قازىرگى تاڭدا ايەلدەرگە قارسى جاسايتىن وپاسىزدىعى، جازاسىز قالعان قىلمىسى تۋرالى ەستۋ جانىما اۋىر تيەدى. قاشاننان بەرى ايەل- قىزداردى نازىك، ءالسىز رەتىندە كورەتىن بولعان؟! عاسىرلار بويىنا توميريس، بوپاي حانشا، ايتولقىن، ايبيكە، ەسەنبيكە، ءاليا، مانشۇك، حيۋاز اتتى باتىر قىزدارى ەرلەردەن قالماي، تەڭبە تەڭ جاۋعا شىققانى كوپشىلىك ەسىندە وكىنىشكە وراي ۇمىتىلادى.
⠀
“قۇرمەتپەن” قاراعان قازاق حالقىم، ەلىم نەلىكتەن وزدەرىنىڭ قىزدارىن زاڭ، كونستيتۋسيا اياسىندا قورعاپ، قىلمىسكەر جازاسىن ارتقىزبايدى؟ تۇرمىستىق زورلىق زومبىلىقتى دەكريميناليزاسيالاۋ ۇكىمەتتى بۇل سوسيالدى ماسەلەدەن اۋلاق ۇستاۋ ايلاسى ما؟
⠀
2019 جىلعى ستاتيستيكا بويىنشا، قازاقستاندا جىلىنا 400 ايەل تۇرمىستىق زورلىق-زومبىلىق كەسىرىنەن قازا تابادى. ال ءاربىر 5،5 ساعات سايىن قازاقستاندا  ءبىر ايەل زورلاۋعا ۇشىرايدى.(ستاتيستيكا @femagora ينستاگرام پاراقشاسىنان الىندى)

---