InfoHub Logo

قوش بول بالاباقشا!
زالعا بالالار شارمەن مۋزىكا اۋەنىمەن كىرەدى.
بارلىعى: جاقسىلىققا قۇمارمىز،
جاقسى ادام بوپ شىعامىز.
تازا ءسابي جۇرەكتەن،
قابىلداڭىز مىڭ العىس! (شارلارىن ۇشىرادى)

ولجاس: قۇرمەتتى قوناقتار ارمىسىزدار،
بارىڭىزدە ەسەن - امان بارمىسىزدار.
تاۋسىلمايتىن اعىتىپ وي ارمانىڭ،
ال، دوستارىم اق جول تىلەپ، ءسوز باستاعىن.

قاراقات: اق تىلەكتى اعىتىپ ءبىر تاستايىق،
قوشتاساتىن كەشىمىزدى باستايىق.
جۇزدەرىنەن كورەم شاتتىق ارايىن،
بولسىن سولاي ءاربىر كۇنىڭ، ءار ايىڭ.

ەرنۇر: بۇگىنگى قوشتاسۋ كەشىمىزدى باستاي وتىرىپ، ورتاعا ءبىلىم مەن تاربيە نارىنە سۋسىنداتقان اپكيلەرىمىزدى ورتاعا شاقىرايىق.
ورتاعى ەكى تاربيەشى «استاپۋراي» ولەڭىنىڭ اۋەنىمەن ءان ايتادى.

گۇلشات:
سالەم گۇلدەي جايناعان بالعىندارىم - اي،
باقشامىزدان تاربيە العاندارىم - اي.
ەندى مىنە ەر جەتىپ ءبارىڭ بىرگە – اي،
دوستارىڭمەن مەكتەپكە بارعاندارىڭ - اي
قايىرماسى
بالالارىم - اي، بالعىندارىم - اي، (2 رەت)
كىلەڭ بەسكە وقىڭدار جارقىندارىم - اي.
اقديدار:
كۇلەرسىڭدەر ءارقاشان شاتتانىڭدار - اي،
بارلىعىڭدا بولاشاققا اتتانىڭدار - اي.
اتتانىڭدار جۇپتارىڭ جازىلماسىن - اي،
ەشقاندايدا قيىندىقتىر جولىقپاسىن - اي.
قايىرماسى.
بالالارىم - اي، بالعىندارىم - اي، (2 رەت)
كىلەڭ بەسكە وقىڭدار جارقىندارىم - اي.

گۇلشات:
ءوتتى قىزىق كوپ كۇندەر،
جەتى جاسقا جەتتىڭدەر.
باراسىڭدار مەكتەپكە
ءبىر بەلەستەن وتتىڭدەر.
قىمباتتى اتا - انالار، بالاباقشا قىزمەتكەرلەرى، قوناقتار! بۇگىن ءبىز بىرنەشە جىل ماپەلەپ، كۇتىپ تاربيەلەگەن بۇلدىرشىندەرىمىزدى ۇيامىزدان ۇشىرىپ، مەكتەپكە شىعارىپ سالعالى وتىرمىز. ولاردىڭ ءار ءبىرى بالاباقشادان ءبىلىم دەگەن ىرگەتاسىن قالاپ، مەكتەپتە ۇلگىلى وقۋشى بولاتىنىنا سەنىمىز مول. قانەكەي، كىشكەنتاي تۇلەكتەرىمىزگە تاعى دا ءبىر قوشەمەتپەن قول سوعىپ قويايىق.

اقديدار:
ءوستى اقىل، ويلارىڭ،
ءوستى، مىنە، بويلارىڭ.
قۋانىشقا ورتاقپىز
قۇتتى بولسىن تويلارىڭ!

گۇلشات: بۇگىنگى كەشىمىزدىڭ تۇلەكتەرىن تانىستىرىپ وتسەك.
بيازى مىنەزىمەن
ءتۇرلى ءرولدى سومدايدى.
كۇلىمدەگەن جانەلدى
بارلىق دوسى قولدايدى.
اقديدار:
سپورتتى جانى سۇيەدى
سالاۋاتتى ءومىر سۇرەدى.
بار قوعامدىق جۇمىستىڭ،
ورتاسىندا جۇرەدى.
سەرىك توپتىڭ جۇرەگى.
گۇلشات:
قانداي دا بولسىن يگى ءىس،
ونسىز ءسىرا بىتپەيدى.
گۇل جايناعان نۇرايدى
جاۋقازىن گۇلگە تەڭەيمىز.
اقديدار:
سابىرلى، جايساڭ مىنەزى
ادالدىقتى سۇيەدى.
ءبارى دە ءبارى سىيلايدى
توپتاس قۇربى اسەمدى.
گۇلشات:
بويىندا ۇلكەن نامىس بار،
ءارقاشان العا ۇمتىلعان.
سەگىز قىرلى، ءبىر سىرلى
نامىسشىل جىگىت بەكسۇلتان.
گۇلشات:
ورتامىزدىڭ اجارى،
پەريزاتتاي ەركە قىز.
ءار قىلىعىن كوتەرىپ،
ەركەلەتە بەرەمىز.
اقديدار:
ويى ۇشقىر قۇندىز،
ماتەماتيكانى سۇيەدى.
قيىن ەسەپ بولسا دا،
لەزدە شەشىپ بەرەدى.
گۇلشات:
ايتىسكەر بولۋ ارمانى
ءوزى سونداي سالماقتى.
نۇرلاندىرعان ورتانى،
ءبىزدىڭ قاراقات جان - جاقتى.
قوش بول بالاباقشا! جۇكتەۋ