InfoHub Logo

مەكتەپكە دەيىنگى بالالارعا ارنالعان جۇمباقتار
بەتتەسكەن قوس تاباق،
ورتاسىندا باس تاماق.
كيىزبەن شوققا وراسا،
ءدام پىسەدى تاماشا.
(تابا نان)
***
ءۇستى تاس، استى تاس،
ورتاسىندا پىسكەن اس.
(نان)
***
zhumbakhtar - zhauabimen
تىراۋ - تىراۋ تىرنالار،
تاۋ باسىنا جورعالار.
ەتى ارام، سورپاسى ادال،
ول نە بالالار؟
(ارالار)
***
ۋاقىتتى ولشەپ، ساناپ،
تاپپايدى ءبىر تاعات.
بۇل نە سوندا؟…
(ساعات)
***
قوزعالماستان ءبىر ەلى،
ءتۇنى بويى جۇرەدى.
(ساعات)
***
ءۇش ءتىلى بار،
تىقىلداعان ءۇنى بار
(ساعات)
***
ۇزىن موينى، ەكى ىشەك،
قاتار - قاتار تەپكىشەك.
باسىپ كورسەڭ ءبىر - بىرلەپ،
ءۇن شىعادى كۇمبىرلەپ.
(دومبىرا)
***
كوتەرىلىپ تەڭىزدەن،
اسپانعا بيىك بارامىن.
ورىنەن مەن تۇسكەندە،
ءوڭى كىرەر دالانىڭ.
(جاڭبىر)
***
تاڭمەن كوزىن اشادى،
الەمگە نۇرىن شاشادى.
(كۇن)
***
اسپاندا الىپ دوپ،
جارقىرايدى جارىق بوپ.
(كۇن)
***
تىرس - تىرس تامادى،
سايعا قاراي اعادى.
(جاڭبىر)
***
ءبىر نارسە جوعارىدا وت جاعىپ تۇر،
دابىلداپ دابىلىن ول قاعىپ تۇر.
(نايزاعاي)
***
جاڭبىر جاۋىپ باسىلدى،
اسپان شايداي اشىلدى.
قىزىل، سارى، جاسىلدى،
كوكتە ءبىر زات اسىلدى.
(كەمپىرقوساق)
***
تەرەزەنى ورنەكتەپ،
ادەمى سۋرەت سالىپتى.
كىم ەكەنىن تابايىق،
كورىنبەي كەتىپ قالىپتى.
(اياز)
***
سۋمەن كىردى اشادى،
ءوزى سۋدان قاشادى.
(سابىن)
***
ادەمى تۇندە،
مەن جۇرسەم، جۇرەدى بىرگە.
(اي)
***
ءدامىن تاتتساڭ – ءتاتتى - اق،
ءتۇسىن كورسەڭ - ءاپپاق.
(قانت)
***
ەكى باستى ايداھار،
ءبارىن قىرىپ جويادى.
ەكى اياقپەن جەر تىرەپ،
قاعازدى جەپ قويادى.
(قايشى)
***
پەشسىز پىسكەن
ىدىسسىز ىشكەن.
(انا ءسۇتى)
***
اياعى جوق، جۇرەدى،
سىلق - سىلق كۇلەدى.
(بۇلاق)
***
مۇرتى بار، ساقالى جوق،
تونى بار، شاپانى جوق.
(مىسىق)
***
بەلى بۇكىر،
الىسقا تۇكىر.
(مىلتىق)
***
قىستاي جەگىپ قوس اتتى،
كوكتەم شىعا بوساتتىم.
(شاڭعى)
***
شىركىننىڭ وزىنە وبال - اق،
جۇرەدى اياقتا دومالاپ.
(دوپ)
***
ۇرلەسەڭ جەپ - جەڭىل،
ەلپىلدەپ كەتەدى.
ۇشىرساڭ، كوك - تەڭبىل،
بۇلتقا دا جەتەدى.
(شار)
***
قاراپ تۇرساڭ وزىڭە،
سۋرەت تۇسەر كوزىڭە.
ول سۋرەتىڭ ۇقسايدى،
تۋرا سەنىڭ وزىڭە
(اينا)
***
ءۇش كوزدى باتىر
جولدى اڭدىپ جاتىر.
(باعدارشام)
***
ءارى توسەك، ءارى ءۇي.
يەسى ونىڭ ءسابي.
(ءسابي)
***
شۇقشيتقان كەپ اۋەلى، سەنى ءاربىر ارىپكە.
سۋرەتتەرى ادەمى، بۇل قاي كىتاپ؟
(الىپپە)
***
كورەدى ءبارىن وزگەنىڭ،
كورمەيدى ءبىراق وزدەرىن
(كوز)
***
كەرەك ساندى تەرەسىڭ،
ەلگە سالەم بەرەسىڭ.
(تەلەفون)
***
ايبات شەككەن الىستان
اڭ پاتشاسى……
(ارىستان)
***
وزىنشە نويان
قورقاق كىم؟
(قويان)
***
دالادا ءجۇر شاپقىلاپ
كەرەمەت ءبىر ساققۇلاق.
(قويان)
***
ءتاتتى كورسە باس سالار،
اينىمايدى بالادان.
(ايۋ)
***
قاڭعىرامىن ءۇيىم جوق، اۋىلداردىڭ قويى كوپ.
ۇرلىق، زورلىق كاسىبىم، تاماقتانار - ءناسىبىم.
(قاسقىر)
***
ءتۇرى - جىلقى بەينەسى،
جولاق - جولاق جەيدەسى.
(زەبرا)
***
تونىن كيىپ تۋعان،
جالاپ بەتىن جۋعان.
(مىسىق)
***
اياعى بار، باسى بار،
ارقاسىندا تاسى بار.
(تاسباقا)
***
ورماندا - تۇراعى
توق - توق ەتىپ تۇرادى.
(توقىلداق)
***
باسىندا ۇشكىر ىستىگى بار،
وزىنە لايىقتاپ تون پىشكەن، سەكىرىپ تاستان تۇسكەن.
(ەشكى)
***
بۇل نە قىلعان ەر ەدى؟ قانداي مىقتى جۇرەگى.
ءتۇزدىڭ ماڭعاز تۇلەگى، ءبىر ۇرتتام سۋ تاتپاستان،
مىڭ شاقىرىم جۇرەدى.
(تۇيە)
***
باسىندا ءمۇيىزى بار،
ۇستىندە كيىزى بار.
(سيىر)
***
ەكى نايزاسى بار، ەكى ايناسى بار.
ءتورت اياعى بار، ءبىر تاياعى بار.
(سيىر)
***
اسپاندا جۇزەدى، قاناتىن قاقپايدى
جەردە دە جۇرەدى، باۋىرلاپ جاتپايدى
(ۇشاق)
***
ءبىر - بىرىنە قاراي ۇيلەر تىركەسىپ،
قارا تۇلپار ءجۇر ءارى - بەرى كوشىپ.
(پوەزد)
***
سىمعا اسىلىپ، ءجۇر اسىعىپ.
دىز - دىز ەتىپ جۇرەگى، سىمنان ۇستاپ جۇرەدى.
وزىنە ادام مىنەدى، ول نە، ال كىم بىلەدى؟
(تروللەيبۋس)