InfoHub Logo

قوشتاي تاعى دا ءبىر جولى بۋىرشىنعا پوشتا تاراتا بارعاندا، ىزدەپ جۇرگەن ءۇيىنىڭ اۋلاسى ەكەن دەپ بۋىرشىنداعى كونتوردىڭ قاقپاسىنا كىرىپ كەتەدى. اۋلادا جايىلىپ جۇرگەن ءۇيىرلى قاز مويىندارىن جەرگە سالا قوشتايعا ۇمتىلادى. اۋلادا تۇرعان ورىستار بۇعان تاماشالاي قارايدى. بىرنەشە اتا قاز قوشتايدىڭ جاسقاۋىنا قاراماي تىستەۋگە اينالادى.

— مىنا كوپ يتتەرىڭ تالاۋعا اينالدى، قورىمايسىڭدار ما؟ — دەپ قوشتاي قىزىقتاپ كۇلگەن ورىستارعا ايعايلايدى.

— ورىستىڭ انداعى يتتەرى قازاقتىڭ يتتەرىنەن قاباعان بولىپ پا، — دەپ مىسقىلداپ كۇلەدى قازاق ءتىلىن بىلەتىن بىرەۋىسى.

وسى كەزدە اتا قازدىڭ بىرنەشەۋى قوشتايدىڭ بالتىرىنا اۋىز سالادى.

— شوق، ءۇي، شوق، شوق، ءۇي شوق، ورىستىڭ وزىنە تارتقان سارى تۇمسىق، شەگىر ءيتى، — دەپ تىستەۋگە اينالعان قازداردى قامشىنىڭ استىنا الادى. تاباندا ءۇش قاز سۇلاپ قالادى. مۇنى كورگەن ورىستار:

— نەگە ۇرىپ ولتىرەسىڭ؟ ەسىڭ دۇرىس پا؟ — دەپ قوشتايدى جازعىرا باستايدى. ماناعى قازاقشا بىلەتىندى دۇمشەلىككە سالىپ، قوشتاي بىلاي دەيدى:

— يتتەرىڭ جابىلىپ تالاپ جاتسا، وزدەرىڭ مازاقتاپ كۇلسەڭدەر. جاڭا «ورىس يتتەرى قازاق يتتەرىنەن قاباعان بولىپ پا» دەگەنشە، ۇرا كورمە، ورىس يتتەرى قازاق يتتەرىندەي تاياق كوتەرمەيدى دەپ دەپ نەگە ايعايلامادىڭدار، — دەپ قاقپادان شىعىپ جۇرە بەرىپتى.

---