InfoHub Logo

قازاقستاندا جۇرگىزۋشىلەردەن جينالاتىن اقىلى جول اقشاسى ناقتى قايدا جۇمسالادى؟ جول ساپاسى مەن جاعدايىنا سىن كوپ ايتىلىپ جاتقان تۇستا بۇل سۇراق كوپشىلىكتى مازالايتىنى انىق. وسى ماسەلەگە نۇكتە قويۋ ءۇشىن Ulysmedia.kz باس رەداكتورى سامال يبرايەۆا «قازاۆتوجول» ۇلتتىق كومپانياسىنىڭ باسشىسى دارحان يماناشيەۆپەن بىرگە قىزىلوردا – جەزقازعان – قاراعاندى – استانا باعىتىنداعى 1200 شاقىرىم جولدى باسىپ ءوتىپ، ارنايى ساپار ۇيىمداستىرعان.

جول بويىندا بولعان اشىق سۇحباتتا يماناشيەۆ بىرنەشە ماڭىزدى جايتتىڭ باسىن اشتى:

• اقىلى جولدان تۇسكەن تابىس ەڭ الدىمەن جولداردى كۇتىپ-ۇستاۋعا، جوندەۋگە جانە قىزمەت كورسەتۋگە جۇمسالادى. بۇل قاراجات تولىقتاي بيۋدجەتكە قۇيىلمايدى، قايتادان سول جولداردىڭ ساپاسىن جاقسارتۋعا باعىتتالادى.
• قىتايلىق مەردىگەرلەردىڭ جوبالارعا قاتىسۋى – قارجىلاندىرۋ كوزىمەن بايلانىستى. حالىقارالىق كەلىسىمدەر اياسىندا ينۆەستيسيا تارتىلعاندا، مەردىگەردى تاڭداۋ شارتتارى دا بىرگە بەكىتىلەدى.
• ءبىر شاقىرىم جول سالۋعا كەتەتىن شىعىن – ورتا ەسەپپەن 1 ميلليون دوللار شاماسىندا. ءبىراق بۇل سوما جەر بەدەرى، اۋا رايى، قۇرىلىس ماتەريالدارىنىڭ قۇنى مەن لوگيستيكاعا بايلانىستى وزگەرىپ وتىرادى.
• جول بويىنداعى دارەتحانا جانە سەرۆيس ماسەلەسى تولىق شەشىلمەگەن. يماناشيەۆ بۇل پروبلەمادان حاباردار ەكەنىن ايتىپ، الداعى ەكى جىلدا جاڭا ستاندارتقا ساي سەرۆيستىك نىساندار سالىنا باستايتىنىن جەتكىزدى.

ساپار بارىسىندا «قازاۆتوجول» باسشىسى جولاۋشىلاردان تۇسەتىن ءاربىر تيىننىڭ ەسەبى بار ەكەنىن جانە جول ينفراقۇرىلىمىن جاقسارتۋ جۇمىستارى كەزەڭ-كەزەڭىمەن ءجۇرىپ جاتقانىن ايتتى.

تولىق سۇحباتتى Ulysmedia YouTube-ارناسىنان كورۋگە بولادى.