InfoHub Logo

بۇرىن ءبىر قۋ جىگىت ءوزىنىڭ ەكى جولداسىن ۇيىنە شاقىرىپتى. وسى ەكەۋىنىڭ امالىن ءبىر بايقايىن دەگەن قۋ جىگىت تاباققا ورتاسىنا ماي قۇيىلعان، بورتتىرگەن تارى سالدىرىپ اكەلىپ قويعان ەكەن. ەكى قوناق ورتاداعى مايدان قوسىپ جەي الماي، ءبىراز داعدارىپ قالىپتى. سوندا ولاردىڭ بىرەۋى قاسىنداعى سەرىگىنە وكپەسىن ايتقان بولىپ:

— تالاي جىلعى دوس ەدىڭ، ساعان كوپتەن بەرى وكپەلى بولىپ ءجۇردىم. اكەم ءولدى، كەلمەدىڭ، شەشەم ءولدى، كەلمەدىڭ، وسىنىڭ اعايىنشىلىققا جاتا ما؟ — دەپ كىلكىپ تۇرعان مايدان قالاقپەن وزىنە قاراي تارتىپتى دا، الدىنا اعىپ كەلگەن ماي مەن تارىنى ارالاستىرىپ اۋزىنا سۇعا باستاپتى.

سوندا قايتەرىن بىلمەي وتىرعان جولداسى دەرەۋ:

— وي، قۇداي-اي، وعان سەنىڭ وكپەلەيتىن تۇك تە ءجونىڭ جوق. ول كەزدە زامان ويپىل-تويپىل بولدى ەمەس پە؟ — دەپ تاباقتى ارالاستىرىپ-ارالاستىرىپ جىبەرگەن ەكەن.

 

---