ەسماعامبەت پەن اپپاز
كوشپەلى جاپپاس اپپاز ءبىر كۇنى قىپشاق بەيىس قاجى دەگەن ءدىن جولىندا ءقادىرلى كىسىنى قوناققا شاقىرىپ اكەپ وتىرعاندا، ەل ارالاپ كەلە جاتقان ەسماعامبەت كىرىپ كەلەدى. اپپاز ەسماعامبەتتى ۇناتپاسا دا، قۇرمەتتى قوناعى بەيىس قاجى كەلگەنىن ءتاۋىر كورگەن سوڭ، ۇيىنە ەنگىزەدى. ءبىراق تا سويلەڭكىرەپ وتىرادى. بۇل كوزقاراستى ەسماعامبەت تە ابايلاپ وتىردى. ءبىر كەزدە اپپاز وتىرىپ:
— اقۋن، ءبىرتالاي اۋىلعا بارساڭىز دا تارتەڭىزگە ەشنارسە بايلانباعان ەكەن، — دەپ ەل قىدىرعانىن مىنەپ كەكەتەدى.
— ۋاي، اپپاز-اي، سەن بىلمەيدى ەكەنسىڭ عوي. قۇداي جاراتقاندا ادامدى ءۇش سورتقا ءبولىپ جاراتىپتى: 1-سورت: مىنا بەيىس قاجى سياقتىلار، ءوزىنىڭ نەسىبەسى ۇيدە جاتسا دا دايىن، جۇرت ءوزى شاقىرىپ بەرەدى. 2-سورت: مەن سياقتىلار، نەسىبەمىزدى ەل ۇستىنە شاشقان. بارساق، الىپ جەيمىز، جاتساق، قۇرى قالامىز. 3-سورت: ەڭ پوسلەدنىي سورت سەن سياقتىلار، اتادان قالعان مالىن باعىپ كۇن كورمەسە، بۇلاردىڭ ءوز باسىنا قۇداي بەرگەن نەسىبەسى جوق، — دەپتى.
You Might Also Like
-
جاعالبايلى ەلىنىڭ سۇلتانى بولعان دەربىسالى بەركىنباي پاتشادان شەن الىپ، سۇلتاندىق (ءحىح عاسىردىڭ اياعىندا) لاۋازىم الىپ كەلگەن سوڭ، قاقپادان كىسى كىرگىزبەيتىن ادەت شىعارىپ، كۇزەتشى سولدات قويىپتى.
-
بۇرىن ءبىر قۋ جىگىت ءوزىنىڭ ەكى جولداسىن ۇيىنە شاقىرىپتى. وسى ەكەۋىنىڭ امالىن ءبىر بايقايىن دەگەن قۋ جىگىت تاباققا ورتاسىنا ماي قۇيىلعان، بورتتىرگەن تارى سالدىرىپ اكەلىپ قويعان ەكەن. ەكى قوناق ورتاداع...
