قۇلپىناي
قۇلپىناي – جارىقسۇيگىش وسىمدىك. جيدەگى قىزىل ءتۇستى، حوش ءيىستى بولىپ كەلەدى. سۇرپىنا قاراي ەرتە كوكتەمدە، جازدا، كۇزدە جەمىس بەرەدى. قۇلپىناي – دارۋمەندەرگە وتە باي. قۇرامىندا اعزاعا اسا پايدالى س دارۋمەنى كوپ. ونىڭ قۇرامىندا تەمىر، ماگنيي، كاليي، كالسيي، سينك، مارگانەس، فوسفور، كرەمنيي، مىس پەن يود تا بار. قىس بويى دارۋمەن جەتىسپەي السىرەپ شىعاتىن اعزاعا اسا پايدالى. قۇرامىنداعى كومىرتەكتەر قان قۇرامىنداعى قانتتى كوتەرمەيتىندىكتەن، ساحار ديابەتىنە شالدىققان ادامدارعا جەۋگە رۇقسات بەرىلگەن. جۋىردا قۇلپىنايدىڭ راك كلەتكالارىنىڭ ءوسۋىن باياۋلاتاتىندىعى انىقتالدى.
قۇلپىنايدىڭ پايدالارى:
دارۋمەن جەتىسپەۋشىلىككە وتە پايدالى.
تامىردىڭ بىتەلۋىن الدىن الادى جانە حولەستەريندى تۇسىرەدى.
اعزانى تازارتىپ، ءزاردى جانە تەردى ايدايدى.
قۇرامىنداعى انتيوكسيدانتتار قارتايۋ پروسەسىن تەجەيدى.
يممۋنيتەتتى كۇشەيتىپ، قان ازدىققا كومەكتەسەدى.
ميكروبقا قارسى قاسيەتى جوعارى بولعاندىقتان، اسقازان اۋرۋى بار ادامدارعا اسا پايدالى.
جۇرەك قان-تامىرلار جۇيەسىن قورعايدى.
شەك قۇرتتارىن كەتىرەدى.
قاندى تازارتادى، دەنەدەن ۋلى زاتتاردى شىعارادى.
ءتىس ەتتەرىن قۋاتتاندىرادى، اۋىز ءيىسىن كەتىرەدى.
تىنىشتالدىرادى، كۇيزەلىستى ازايتادى.
قان قىسىمىن تۇسىرەدى، دەنە قىزۋىن باسادى.
ريەۆماتيزم، بۇيرەك اۋرۋلارىنا پايدالى.
عالىمداردىڭ ايتۋىنشا، قۇلپىنايدىڭ جەۋ نورماسى كۇنىنە 500 گرامنان اسپاۋ كەرەك. اعزانى قورەكتەندىرۋ ءۇشىن وسى قالىپ جەتكىلىكتى، باسقالاي بولعاندا ىشەك جولدارىنىڭ قۇرتىلۋىنا، ال جاقسىلاپ جۋىلماعان جاعدايدا بۇيرەكتە قۇم جينالۋىنا سەبەپ بولۋى مۇمكىن. جوتەل جانە وكپە اۋرۋلارى كەزىندە قۇلپىنايدىڭ جاپىراقتارىن قايناتىپ ىشسە، تەز ارادا جازىلىپ كەتۋگە بولادى. قۇلپىنايدى دەسەرت رەتىندە جەيدى. قۇلپىنايدىڭ پايداسىن ارتتىرۋ جانە ورگانيزمگە سىڭىمدىرەك بولۋ ءۇشىن، قايماقپەن نەمەسە كىلەگەيمەن جەۋ كەرەك. قۇلپىنايدان شىرىن، توساپ، دجەم جاسايدى. حوش ءيىسى ءۇشىن پارفيۋمەريادا قولدانادى.
قۇلپىنايدى قالاي تاڭداۋعا بولادى؟
ساتىلعاندا قۇلپىنايدىڭ گۇلساباعى دا مىندەتتى تۇردە ساقتالۋى كەرەك. سەبەبى گۇلساباعىنىڭ ساقتالۋى قۇرامىندا س دارۋمەنىنىڭ قاجەتتى مولشەرى بولۋىنا كەپىل بولادى.
وتە ۇلكەن قۇلپىناي جيدەكتەرىنە قاراعاندا ورتاشا جانە ۇساق جيدەكتەرىندە دارۋمەندەر كوبىرەك بولادى.
قۇلپىنايدىڭ بەتكى قاباتىندا ءتۇرلى داقتار بولماۋى كەرەك. بۇل قۇلپىنايدى وسىرگەندە حيميالىق زاتتار قولدانعاندىعىن كورسەتەدى.
قۇلپىنايدىڭ اشىق قىزىل نەمەسە قانىق قىزىل تۇرلەرىن كەزدەستىرۋگە بولادى. بۇل قۇلپىنايدىڭ وسكەن جەرىنە، تۇرىنە بايلانىستى بولىپ، ءارقايسىسىنىڭ وزىندىك ءدامى مەن ەرەكشەلىكتەرى بولادى.
ساپالى جيدەكتەردىڭ تابيعي جاعىمدى ءيىسى بولادى. ءيىسى بايقالمايتىن جيدەكتەردىڭ "حيميا" كومەگىمەن وسكەندىگى بەلگىلى بولادى.
ونىڭ ءدامىن تاتىپ كورۋدەن قورىقپاۋ كەرەك. "مەتاللدىق ءدام" قۇرامىنداعى نيتراتتىڭ كوپتىگىن بىلدىرەدى.
You Might Also Like
-
وتكەن زاماندا قازاقتىڭ بەتباق دالاسىندا، ىشەتىن سۋى جوق، جەيتىن ءشوبى جوق دالادا كەمپىر-شال ءبىر ۇل، ءبىر قىزىمەن ءومىر ءسۇرىپتى. قىزىنىڭ اتى - قاديشا، ۇلىنىڭ اتى - جولتابار. قاديشا جولتاباردان جە...
