قۇرقۇلاق
قۇرقۇلاق، سينگا – ورگانيزمدە س ءۆيتامينىنىڭ (اسكوربين قىشقىلى) جەتىسپەۋىنەن بولاتىن اۋرۋ. اۋرۋ كوكتەم مەن قىستا كوبىرەك بايقالادى. كۇندەلىكتى پايدالاناتىن تاعام قۇرامىندا ۇزاق ۋاقىت (4-5 اي) س ءۆيتامينى وتە از نە مۇلدەم بولماسا ادام قۇرقۇلاققا شالدىعادى. س ءۆيتامينىنىڭ جەتىسپەۋى سالدارىنان قان ازايىپ، ادام يممۋنيتەتى تومەندەيدى. اۋرۋ بەلگىسى: ادام تەز شارشايدى، اسقا تابەتى تارتپايدى، السىرەپ، باسى اينالادى. ءتىس بوساپ، تۇسە باستايدى، ءتىستىڭ ءتۇبى وڭاي جاراقاتتالعىش جانە قانتالاعىش كەلەدى. سونىڭ سالدارىنان ادامنىڭ تاماق ءىشۋى مۇلدە قيىندايدى. ادامنىڭ بۇلشىق ەتى مەن تەرى استىنداعى كلەچاتكادا، تەرىدە، بۋىنداردا قان قۇيىلۋى باستالادى. اسىرەسە، كوپ كۇش تۇسەتىندىكتەن اياقتىڭ قانتالاۋى، جيىلەيدى. ناۋقاستىڭ قۇلاق قالقانى، مۇرنىنىڭ ۇشى كوگەرەدى، ادام دەنەسى ءىسىنىپ، ءولى تىنگە اينالۋى، يىستەنۋى باستالادى، ءار ءتۇرلى جۇقپالى اۋرۋلارعا شالدىعۋ كۇشەيەدى. قۇرقۇلاققا دەر كەزىندە ەم قولدانباسا، ناۋقاستىڭ ءولىپ كەتۋى دە مۇمكىن. س-گيپوۆيتامينوزىنىڭ، اسىرەسە، جاس ورگانيزمگە تيگىزەتىن زيانى كوپ. بالانىڭ بويى باياۋ وسەدى، سالماق قوسۋى ازايىپ، مي قابىلەتى باياۋ داميدى. اۋرۋدان الدىن الا ساقتانۋ ءۇشىن كۇندەلىكتى تاعامدا ۆيتامين جەتكىلىكتى، اسىرەسە، س ءۆيتامينى كەزدەسەتىن قىمىز، كوكونىس، شيە-جيدەكتەر، تۇزدالعان كاپۋستا، نە اسكوربين قىشقىلدى پرەپاراتتار مەن قۇرامىندا بەلوگى بار ەت، ءسۇت، جۇمىرتقا، بالىق تاعامدارى قاجەتتى مولشەردە بولۋى شارت. اسكوربين قىشقىلدى پرەپاراتتاردى قولدانۋ ارقىلى ەمدەيدى.
ا. الداشيەۆ
You Might Also Like
-
وڭتۇستىك قازاقستان وبلىسىندا ءبىلىم بەرۋ ۇيىمدارىنداعى تەحنيكالىق قىزمەتكەرلەردىڭ جۇمىسىن ۇيىمداستىرۋ جانە مەكتەپ ديرەكتورلارىن تاعايىنداۋ جۇمىستارى جاڭاشا فورماتتا جۇزەگە اسىرىلاتىن بولدى. وبلىس اك...
