مادەنيەت – ادامزات الەمىنىڭ ايناسى
قاي ەلدىڭ بولماسىن دامۋىندا ۇلتتىق مادەنيەتتى وركەندەتۋدىڭ ماڭىزى وراسان زور. قازاق ەلى دە وسى جولمەن ءجۇرىپ كەلەدى. مادەنيەتى دامىماعان حالىقتىڭ كەلەشەگى دە جوق. تەك ۇلتتىق مادەنيەتىن وركەندەتكەندە عانا دامۋدىڭ جولىنا تۇسەتىنى حاق. مادەنيەتتىڭ اۋقىمى وتە كەڭ. ونىڭ اياسىندا سان عاسىرلىق اتا-بابا داستۇرىنە ساي قالىپتاسقان مادەنيەت جاتادى. تاۋەلسىزدىك العانىمىزعا بيىل عانا جيىرما بەس جىل بولعانىمەن، الەم جۇرتشىلىعى قازاقستان دەگەن ەل بار ەكەنىن قاي سالادا بولماسىن مويىنداپ قالدى. «قازاقستان-2050 ءبىر ماقسات، ءبىر مۇددە، ءبىر بولاشاق» ستراتەگياسىندا ەلباسىمىز قازاقستاندىقتارعا جاڭا بەلەسكە شىعۋ جولىنداعى ناقتى باعىتتار بويىنشا ناقتى مىندەتتەر تۇجىرىمدادى. سونداي-اق «قازاقستان-2050» ستراتەگياسى – «قالىپتاسقان مەملەكەتتىڭ جاڭا ساياسي باعىتى» جولداۋىندا «ءبىز ءوزىمىزدىڭ ۇلتتىق مادەنيەتىمىز بەن داستۇرلەرىمىزدى وسى ارالۋاندىعىمەن جانە ۇلىلىعىمەن قوسىپ قورعاۋىمىز كەرەك، مادەني يگىلىگىمىزدى بولشەكتەپ بولسا دا جيناستىرۋىمىز كەرەك» ەكەندىگىن اتاپ وتكەن بولاتىن. سوعان سايكەس، مادەنيەت ماسەلەلەرىنىڭ ارا-جىگىن كاسىبي تۇرعىدان اشىپ، عىلىمي دارەجەدە نەگىزدەيتىن مادەنيەتتانۋ سالاسىنىڭ ماڭىزى وراسان زور. «ەلiمiزدiڭ ەرتەڭى-بۇگiنگi جاس ۇرپاقتىڭ قولىندا، ال جاس ۇرپاقتىڭ تاعدىرى – ۇستازدىڭ قولىندا» – دەپ ەلباسىمىز ن.ءا. نازاربايەۆ ايتقانداي بiلiمدi، جان-جاقتى قابىلەتتى ۇرپاقتى تاربيەلەۋ بارلىعىمىزدىڭ مىندەتىمىز.
بۇگىنگى تاڭدا قازاق ەلى 2030 جىلعا دەيىنگى ستراتەگيالىق دامۋ باعدارلاماسىن نەگىزگە الا وتىرىپ، ءوزىنىڭ الدىنا باسەكەگە بارىنشا قابىلەتتى ەلۋ ەلدىڭ قاتارىنان كورىنۋ ماقساتىن قويىپ وتىر. بۇل ورايدا، پرەزيدەنت ن.ءا.نازاربايەۆ «جاس كاسىبي ماماندار ەل ومىرىندە بولىپ جاتقان ۇدەرىستەردە ءوز ورنىن تاۋىپ، بولاشاقتى ورناتۋعا بەلسەندى قاتىسۋى كەرەك»، — دەپ اتاپ كورسەتكەن-دى. ياعني، قازىرگى قازاق قوعامىنىڭ كوپشىلىگى جاستار. كەز-كەلگەن جاعدايدا جاستار قاۋىمى بۇقارالىق كۇش. وسىنداي جاعدايدا جاستار تاربيەسى، مادەنيەتى الدىڭعى ورىنداعى ماسەلە بولىپ سانالادى. مادەني ءوسۋ، ءبىلىم، تاربيە بولماي قازىرگى جاستاردىڭ ءوزىن كەمەلدەندىرۋى، قوعامدى العا باستىرۋى مۇمكىن ەمەس. قازاق ۇلتىن العا باستىرۋ دا، ارتتا قالدىرۋ دا جاستاردىڭ قولىندا. سوندىقتان، كەز-كەلگەن ادام ءار ءىسى مەن پىكىرىندە ادامگەرشىلىك، پاراساتتىلىق تانىتىپ، مادەنيەتتى جولدى تاڭداعانى ءجون.
فيلوسوفيا عىلىمدارىنىڭ دوكتورى،
پروفەسسور ماساليموۆا ا.ر
ءال-فارابي اتىنداعى
قازۇۋ ماگيسترانتى داۋلەتوۆا گ.و
You Might Also Like
-
الماتى قالاسى SmART Kids بالاباقشاسىنىڭ تاربيەشىسى پالمۋحانبەت ءلاززات ەرحان قىزى
-
ءماجىلىس دەپۋتاتى يرينا سميرنوۆا ۇبت مەن ءمۇعالىم مارتەبەسىنە قاتىستى ۇكىمەت باسشىسىنىڭ اتىنا دەپۋتاتتىق ساۋال جولدادى.
