InfoHub Logo

تاقىرىبى: قۇستار ءبىزدىڭ دوسىمىز.
ماقساتى: 1. بالالارعا قۇستار تۋرالى تۇسىنىك بەرۋ.
2. قۇستارعا قامقور بولۋعا، ايالاۋعا بەيىمدەۋ.
3. قۇستار تۋرالى وي - ورىستەرىن دامىتۋ.
كورنەكىلىگى: قۇستاردىڭ سۋرەتتەرى، كورونالار، شارلار، گۇلدەر، ەرتەگىدەگى ءۇي، قۇستىڭ ۇياسى.
ۇيىمداستىرۋ كەزەڭى:
بالالار بىزگە اپايلار قوناققا كەلىپتى. ءبىز اپايلارمەن سالەمدەسىپ الايىق.
امانداسۋ ۇلكەنگە،
تاربيەنىڭ باسى عوي.
ال، قانەكەي، ءبارىمىز،
سالەم دەيىك ۇلكەنگە
سالەمەتسىز بە، اپايلار!
وتە جاقسى، بالالار. بالالار جىل مەزگىلدەرىنە توقتالايىق. – بالالار ءبىر جىلدا نەشە مەزگىل بار؟
- ءبىر جىلدا 4 مەزگىل بار.
- ءقازىر قاي مەزگىل؟
- كوكتەم مەزگىلى.
- كوكتەم مەزگىلىنىڭ قانداي ەرەكشەلىكتەرى بار؟
- قار ەرىدى. اعاشتار بۇرشىك جارا باستادى. كۇن جىلىندى. جىلى جاقتان قۇستار كەلدى.
- وتە جاقسى، بالالار.
ولاي بولسا ءبىز بۇگىن قۇستارمەن تانىسامىز. ءقازىر ءبىز قۇس تۋرالى جىلۋلىق شەڭبەرىن قۇرامىز.
تاربيەشى: - ەگەر مەنىڭ قولىما قۇس كەلىپ قونسا، مەن ونى ايالاپ ماپەلەر ەدىم.
«تاربيەشى قۇس ءمۇسىنىن الاقانىنا سالىپ، كەلەسى بالاعا ۇسىنادى.»
سلۋجان:- ەگەر مەنىڭ قولىما قۇس كەلىپ قونسا، مەن ونى جۋىندىرار ەدىم.
اينات:- ەگەر مەنىڭ قولىما كەلىپ قونسا، مەن وعان ادەمىلەپ ۇيا جاساپ بەرەر ەدىم.
ديلنارا:- ەگەر مەنىڭ قولىما كەلىپ قونسا، مەن ونىڭ اۋزىنا ءدام سالار ەدىم.
جانەل:- ەگەر مەنىڭ قولىما كەلىپ قونسا مەن ونىڭ قاناتتارىن تازالار ەدىم.
جانگۇل:- ەگەر مەنىڭ قولىما قۇس كەلىپ قونسا، مەن ونى قۇشاعىما قىسار ەدىم.
وتە جاقسى بالالار، سونىمەن ءبىز قۇستاردى جاقسى كورەمىز. ولاردى كۇتىپ باپتايمىز، قامقور بولامىز.
ياعني، بۇگىنگى ءبىزدىڭ اشىق تاربيە ساعاتىمىزدىڭ تاقىرىبى:--
«قۇستار ءبىزدىڭ دوسىمىز»

سلۋجان: كولدىڭ بەتى كوك اينا،
كەلدى قۇستار توعانعا.
كوكتەم دەگەن عاجايىپ،
كوكتەم دەگەن كەرەمەت.
ديلنارا: كوكتەم. كوكتەم دەگەنىڭ،
دالادا وسكەن كوپ ەگىن.
بۇلقىنۋى بۇلاقتىڭ،
قۇلپىرۋى دالانىڭ.
سالتانات: ۇيا جاساپ تاقتايدان،
تالعا اپارىپ بايلادىم.
جىل قۇسىنىڭ شاتتانعان
كۇتتىم قالاي سايراۋىن.
دياس: جىل قۇستارى كەلدى دەپ،
بالدىرعاندار ءماز بولدى.
قوس قاناتى جەلپىلدەپ،
كولگە ۇيرەك – قاز قوندى.
مەرۋەرت قۇستار - ءبىزدىڭ دوسىمىز
باۋ - باقشانى قورعايدى
ۇيا جاساپ قارسى الساق
قۇستار ءبىزدى قولدايدى.
ءان. «ءبىز ءومىردىڭ گۇلىمىز»

تاربيەشى:- بالالار قۇستار 2 تۇرگە بولىنەدى
- ءۇي قۇستارى جانە دالا قۇستارى.
- دالا قۇستارىمەن ءۇي قۇستارىنىڭ ايىرماشىلىعى نەدە؟
- ءۇي قۇستارىنا قانداي قۇستار جاتادى؟
- تاۋىق، اتەش، قاز، ۇيرەك. ت.ب.
قانەكەي ولاي بولسا ءۇي قۇستارىن ورتاعا شاقىرايىق.
اتەش
جاقىن تۇگىل شالعايدى
وياتۋدان تالمايدى.
توبەلەسكە كەلگەندە
الدىنا جان سالمايدى
ۇيرەك
شىعىپ اۋىل شەتىنە،
جايىلادى بەتىمەن.
قىزىقتىرار ول ءبىزدى،
جۇمىرتقامەن، ەتىمەن.
تاۋىق
بالاپانىن تاۋىق،
قىزعانادى جامان.
قاناتىمەن جاۋىپ
ساناتپايدى ماعان
قاز
ءقاۋىپ قاتەر جوق الدا،
مالتۋ كەرەك وعان دا.
جۇمىرتقادان شىعا ساپ،
جۇگىرەدى توعانعا.

تاربيەشى:- وتە جاقسى بالالار. ءۇي قۇستارىنىڭ بىزگە تيگىزەر پايداسى قانداي؟
- ۇيدە وسىرەمىز. جۇمىرتقا بەرەدى. ەتىن جەيمىز. مامىقتارىنان جاستىق جاسايمىز.
- تاربيەشى:- جاقسى. ەندى دالا قۇستارىنا قانداي قۇستار جاتادى.؟
- قارلىعاش، تورعاي، قارعا، كوگەرشىن، كوكەك.
- ولاي بولسا دالا قۇستارىن شاقىرايىق.

قارلىعاش.
مەن ادامنىڭ دوسىمىن
مەكەنىندە تۇرامىن.
شىبىن كەلسە كاسىبىم
ۇستاپ جەيمىن قىرامىن.
تازالايمىن ءۇي - ءىشىن
شىبىن دەگەن كەسەلدەن.
ەل اۋزىندا ماقتاۋلى
سانيتارمىن توسەلگەن.
تورعاي.
ۇشىپ كەلگەن ەڭ العاش،
قارا تورعاي قىراعى.
ۇيالارعا قوناقتاپ،
دەيدى مەنىڭ تۇراعىم.
قارعا.
تىسقا شىقسام اۋلا قار
باسىپ قاپتى ماڭايدى.
تال باسىندا قارعالار
تاماشالاپ قارايدى.
ساۋىسقان.
الا قانات ساۋىسقان،
قۇرتتى كورسە جابىسقان.
ءبىر توماردان تومارعا،
سەكەڭ-سەكەڭ اۋىسقان.
كوگەرشىن.
قانات قاعىپ شارىقتاپ،
مۇحيت اسىپ قالىقتاپ.
شارلاپ بۇكىل الەمدى
شاتتاندىرىپ بار ەلدى.
بەيبىت كۇنگە ءسان بولعان،
مەن كوگەرشىن ءان بولعان.
كوكەك
جارشىسىمىن كوكتەمنىڭ
كوكەك دەيدى مەنى جۇرت.
ءوز اتىن ايتار ءان قىلىپ،
كوكتەمدى كۇتسەڭ مەنى كۇت.
تاربيەشى:- ال ەندى بالالار دالا قۇستارىنىڭ بىزگە تيگىزەر پايداسى قانداي؟
- ولار اعاش باسىنا ۇيا سالادى. اعاشتاردى قۇرتتاردان تازالايدى. اينالانى اسەم انگە بولەيدى.
- وتە جاقسى، بالالار.
ەندى ءبىز «تۇلكى مەن تىرنا» ەرتەگىسىن تاماشالايىق.