InfoHub Logo

ءى. ساباقتىڭ تاقىرىبى: قۇستاردى مۇسىندەيمىز ( پرەزەنتاسياسىمەن)
ءىى. ساباقتىڭ ماقساتى:
ا) بىلىمدىلىك: ءمۇسىن ونەرى تۋرالى تۇسىنىگىن كەڭەيتۋ، ءتۇرلى مۇسىندەۋ تاسىلدەرىمەن تانىسۋ، بەدەرلى مۇسىندەۋدى ۇيرەنۋ
ءا) دامىتۋشىلىق: مۇسىندەۋ داعدىسى مەن بىلىكتىلىگىن جەتىلدىرۋ؛ بايقاعىشتىعى مەن زەيىنىن دامىتۋ؛ قول ەپتىلىگىنە جاتتىقتىرۋ.
ب) تاربيەلىك: مۇسىندەۋ ارقىلى ەستەتيكالىق تاربيە بەرۋ؛ تابيعاتتى ايالاۋعا، قۇستاردى قورعاۋعا تاربيەلەۋ.
ءىىى. ساباق ءتيپى: جاڭا وقۋ ماتەريالىن مەڭگەرتۋ.
IV. ساباق ءادىسى: سۇراق - جاۋاپ، ءتۇسىندىرۋ.
V. ساباق كورنەكىلىگى: سلايدتار: قۇس بەينەسى سۋرەتتەرىنىڭ كوشىرمەسى، فوتوسۋرەتتەر، ەرمەكسازدان جاسالعان ءمۇسىن ۇلگىلەرى.

VI. ساباق بارىسى:
ۇيىمداستىرۋ ءساتى. وقۋشىلاردىڭ نازارىن ساباققا اۋدارۋ.

ءۇي تاپسىرماسىن سۇراۋ.
ءى توپ. سىيقىرلى ورمان تۋرالى نە بىلدىڭدەر؟
ءىى توپ. سىيقىرلى ورمان نەلەردەن قۇرالادى؟
ءىىى توپ. سۋرەتكە قاراپ نەنى ۇقتىڭ؟

وي قوزعاۋ
بەيبىتشىلىك قۇسى دەپ، ايتادى ونى بارشا جۇرت. (كوگەرشىن)
قايتالاپ ءانىمدى، كوكتەمدە ءان سالام (كوكەك)
سۋ بەتىن سىزىپ، اققۇمان ءجۇر ءجۇزىپ. (اققۋ)
قوس قاناتىن ءيىپ اپ،
جارعا كەلىپ قونادى.
قارا كيىم كيىپ اپ،
بالشىقتان ءۇي سوعادى. (قارلىعاش)

ءبىر قۇس بار، ۇلپىلدەگەن ءجۇنى جۇمساق،
تۇياعى بەينە بولات الماس پىشاق.
تۇمسىعى يمەك كورمەيدى كۇندىز كوزى،
شارىقتاپ كوكتى كەزىپ، تۇندە ۇشادى. (ۇكى)

بيىك شىڭدا تۇرادى،
قالىقتايدى توبەڭدە.
كوز تاستايدى قىراعى،
قونبايدى ول تومەنگە (بۇركىت)

بارلىعىنىڭ جاۋابىن تاپتىڭىزدار. ەندى وسى جۇمباقتاردىڭ جاۋابىن نە دەپ اتايمىز.
- قۇستار.
- ولاي بولسا جاڭا ساباعىمىز قۇستاردى مۇسىندەيمىز.

جاڭا ساباق
قۇس سۋرەتىنىڭ كوشىرمەسى مەن فوتوسۋرەتتەرىنە قاراپ، قۇستار جايلى، قۇستاردىڭ پايداسى تۋرالى اڭگىمەلەسۋ.

جەر بەتىندە قانشا قۇس بار؟ وتە كوپ، تەك ءبىزدىڭ ەلىمىزدىڭ وزىندە عانا قۇستاردىڭ مىڭداعان تۇرلەرى كەزدەسەدى. ولار اۋىلدا، قالا، تاۋدا، سۋ قويمالارىندا – بارلىق وڭىردە تىرشىلىك ەتەدى. قۇستار ادامعا پايدا اكەلەدى. قۇستار بولماسا، زيانكەس جاندىكتەردىڭ كەسىرىنەن ەگىن شىقپاي قالادى.

سلايد – قۇس فوتوسۋرەتتەرىن كورسەتۋ. وتكەن ساباقتاردا ءمۇسىن ونەرىمەن تانىسىپ، ءمۇسىن جايلى تۇسىنىك الدىق. ءمۇسىن دەگەنىمىز نە؟ ءمۇسىننىڭ قانداي تۇرلەرىن بىلەسىڭدەر؟ ءمۇسىن دەگەنىمىز – تاس، اعاش، مەتالل، ساز بالشىق جانە ەرمەكسازدان سومدالعان بەينەلەر.
جۇمىر ءمۇسىن جانە بەدەرلى ءمۇسىن.
ءمۇسىننىڭ بارلىق جاعىنان كورىنەتىن ءتۇرىن جۇمىر ءمۇسىن دەپ اتايمىز.
جازىقتىق بەتىنەن جارتىلاي شىعىڭقى ءتۇرىن بەدەرلى ءمۇسىن دەپ اتايمىز. جۇمىر ءمۇسىن بەدەرلى ءمۇسىن سلايد - شوۋ – قۇستار مۇسىندەرىن كورسەتۋ.
وقۋشىلار سەندەر باۋىرساق ەرتەگىسىن بىلەسىڭدەر مە؟ بىزدەر بۇگىنگى ساباعىمىزدى ەرتەگى جەلىسى بويىنشا الدىق. بۇگىن بىزدەر باۋىرساقتى قۇتقارۋىمىز كەرەك.

ايۋدىڭ تاپسىرماسى
قۇستارمەن تانىسايىق. كورسەتىلگەن قۇستاردى ءۇي قۇستارىن جانە دالا قۇستارىن اجىراتىپ جازۋ كەرەك.

سەرگىتۋ ءساتى: اق كوگەرشىن ءبيى
قاسقىردىڭ تاپسىرماسى
«ويعا جينا» دۇنيەتانۋ، ادەبيەتتىك وقۋ كىتاپتارىنان قۇستارعا بايلانىستى ءماتىن ءۇزىندىسى بەرىلگەن. تاپسىرما سونىڭ تاقىرىبىن تابۋلارىڭىز كەرەك.

ءى توپ قۇستار جىل سايىن ۇيا سالادى نەمەسە ەسكىلەرىن جوندەيدى. بۇل ءۇشىن ولارعا نەشە ءتۇرلى ماتەريالدار - بۇتاقتار، سابان، ءشوپ، مامىق جانە قاۋىرسىن قاجەت. ( قۇستار قالاي ءوسىپ - ونەدى )

ءىى توپ قۇستاردىڭ اراسىندا جىرتقىشتارى دا بار. ولار قىران، بۇركىت، كەزقۇيرىق، جاپالاق، ۇكى. كەيبىر قۇستار ۇياسىن شالعىنعا سالادى. بۇلبۇل ۇياسىن بيىك بۇتا باسىنا سالادى.(قۇستاردىڭ الۋان تۇرلىلىگى)

ءىىى توپ ميداي جازىق، كەڭ دالا، جەلى جوق. كۇن شۋاق. اسپاندا اق سابىننىڭ كوبىگىندەي اق بۇلتتار. اندا ساندا شىق-شىق ەتكەن تورعايدىڭ داۋىسىنان باسقا جاڭعىرىققان ەشبىر تىقىر ءۇنى ەستىلمەيدى. (قۇشتارلىق)

قوياننىڭ تاپسىرماسى
ءى توپ شاعىن ەسسە جازۋ
ءىى توپ ولەڭ شىعارۋ
ءىىى توپ ەرتەگى قۇراستىرۋ

تۇلكىنىڭ تاپسىرماسى
ەرمەكسازدى پايدالانىپ قۇستاردى مۇسىندەۋ.
وقۋشىلار سەندەر بارلىق تاپسىرماعا جاۋاپ بەرىپ باۋىرساقتى قۇتقاردىڭىزدار. ال سىزدەرگە باۋىرساقتىڭ اتا - اناسى ريزا بولىپ سىزدەرگە باۋىرساق بەرىپ جىبەرىپتى. سىزدەرگە ساباق اياقتالعاسىن تاراتىلادى.

ساباقتى قورىتۋ
قانداي قۇستاردى بىلەسىڭدەر؟
قۇستاردىڭ قانداي پايداسى بار؟
ءمۇسىن تۇرلەرىن اتاڭدار.

باعالاۋ
جۇمىستىڭ ورىندالۋ رەتى: قاتىرما قاعازعا قۇس سۋرەتىن جاي قارىنداشپەن سالىپ الامىز. ءتۇرلى - ءتۇستى ەرمەكسازدان شيراتپالار ەسىپ دايىندايمىز. شيراتپالاردى قۇس بەينەلەنگەن سىزىقتار بويىمەن جاپسىرىپ، ونىڭ ءىشىن ءوز قالاۋىمىزشا قۇستاردىڭ تولىق بەينەسىن بەرەتىن ءارتۇرلى ورنەكتەرمەن تولىقتىرامىز. ەرمەكسازدان ەسىلگەن شيراتپالارمەن مۇسىندەۋ ءادىسىن كورسەتۋ. وزىندىك جۇمىس جاساۋعا قاجەتتى قۇرال - جابدىقتارىمىزدى دايارلايىق: ءتۇرلى ءتۇستى ەرمەكساز، جۇمىس تاقتايشاسى، قالاقشالار، قاتىرما قاعاز، جاي قارىنداش، جۇمىس سوڭىندا قول سۇرتۋگە ارنالعان شۇبەرەك.

تاپسىرما: شيراتىلعان ەرماكسازدان قۇس ءمۇسىنىن مۇسىندەيمىز. جەكە جۇمىس كەزىندە وقۋشىلارعا مىناداي كەڭەس بەرۋ: ەرمەكسازدى قاعازعا جاعىپ، نەگىز دايىنداۋ كەزىندە بەت بىركەلكى شىعۋى ءۇشىن ەرمەكسازدى بىردەي قالىڭدىقتا جاعامىز، سەبەبى شيراتپالار نەگىزگە ءتۇزۋ جانە ادەمى ورنالاسۋى كەرەك؛
ءتۇسى ءبىر - بىرىنە قاراما - قارسى ەكى ەرمەكساز بولىگىن ارالاستىرا وتىرىپ، ەرمەكساز شيراتپالارىن ءار الۋان ەتىپ جاساۋعا بولادى؛
قۇس دەنەسىن ورنەكتەرمەن تولىقتىرعان كەزدە ونىڭ ءپىشىنىن ءبۇلدىرىپ الماۋعا تىرىس.

ساباقتى قورىتىندىلاۋ.
قورىتىندى سۇراقتار:
قانداي قۇستاردى بىلەسىڭدەر؟
قۇستاردىڭ قانداي پايداسى بار؟
ءمۇسىن تۇرلەرىن اتاڭدار.
وقۋشى جۇمىستارىنا تالداۋ جاساۋ، ۇزدىك جۇمىستاردى ماداقتاۋ، وقۋشىلاردى باعالاۋ.

پرەزەنتاسياسىن جۇكتەۋ