InfoHub Logo

قىتايدا بۇرىن-سوڭدى بولماعان چيكۋنگۋنيا ۆيرۋسىنىڭ ءورشۋى تىركەلىپ، ەل بيلىگى مەن دۇنيەجۇزىلىك دەنساۋلىق ساقتاۋ ۇيىمى دابىل قاقتى. 7 تامىزداعى جاعداي بويىنشا ىندەتكە شالدىققاندار سانى 7 مىڭنان استى. جۇقتىرعانداردىڭ كوبى — فوشان قالاسىنىڭ تۇرعىندارى.

چيكۋنگۋنيا — ماسا ارقىلى تارايتىن ينفەكسيا. نەگىزگى بەلگىلەرى: دەنە قىزۋى مەن بۋىنداردىڭ قاتتى اۋىرۋى. اۋرۋ ۇزاققا سوزىلعان السىزدىك پەن مۇگەدەكتىككە اكەلۋى مۇمكىن. ەڭ سوراقىسى — جۇڭگو حالقىنىڭ بۇل ۆيرۋسقا قارسى يممۋنيتەتى جوق.

بيلىك ىندەتتى توقتاتۋ ءۇشىن قاتاڭ شارالار قابىلداۋدا: درون ارقىلى دا، قولمەن دە ينسەكتيسيدتەر سەبىلىپ، سۋ جينالاتىن ورىندار قۇرعاتىلۋدا. ماسالارعا قارسى تورلار ورناتىلىپ، تالاپتى ورىنداماعاندارعا 10 مىڭ يۋانعا دەيىن ايىپپۇل سالىنىپ جاتىر.

اۋرۋ ادامنان ادامعا جۇقپايدى. سوندىقتان العاشقىدا جاريالانعان ەكى اپتالىق كارانتين توقتاتىلدى. ال ناۋقاستار كەمى ءبىر اپتا اۋرۋحانادا وقشاۋلانىپ ەمدەلەدى.

ماسا پوپۋلياسياسىن ازايتۋ ءۇشىن سۋ قويمالارىنا دەرناسىل جەيتىن بالىقتار مەن جىرتقىش ماسالار جىبەرىلۋدە. بۇعان دەيىن ددسۇ بۇل ۆيرۋستىڭ جاھاندىق ىندەتكە اينالۋ ءقاۋپى بارىن ەسكەرتكەن ەدى.