قىزىلوردادا ايەلىن بالتالاپ تاستاعان ءمۇعالىم 15 جىلعا سوتتالدى
قىزىلوردا وبلىسىندا ءوز ايەلىنە قاتىگەزدىكپەن شابۋىل جاساعان ەر ادامعا ۇكىم شىقتى. وقيعا بيىل، 19 ساۋىردە بولعان. تەرگەۋ دەرەكتەرىنە سايكەس، پەداگوگ رەتىندە جۇمىس ىستەيتىن ەر ادام تۇنگى ساعات 4:00 شاماسىندا ۇيىقتاپ جاتقان ايەلىنە بالتامەن شابۋىل جاساعان.
ول وتكىر قۇرالمەن جۇبايىنىڭ باسىن، يىعىن جانە قولىن اۋىر جاراقاتتاعان. سودان كەيىن وقيعا ورنىن تاستاپ، سىرتقا شىعىپ كەتكەن. سول ساتتە ۇيدە بولعان قىزى شوشىپ ويانىپ، اناسىن قانسىراپ جاتقان كۇيدە تاۋىپ، دەرەۋ جەدەل جاردەم شاقىرعان.
مەديسينا قىزمەتكەرلەرى 42 جاستاعى ايەلدىڭ ءومىرىن امان الىپ قالعانىمەن، ول اۋىر جاراقاتتار سالدارىنان مۇگەدەك بولىپ قالعان. جابىرلەنۋشى – بەس بالانىڭ اناسى.
سوت پروسەسى بارىسىندا ەر ادامنىڭ قىلمىسى تولىق دالەلدەنىپ، ول 15 جىلعا باس بوستاندىعىنان ايىرىلدى.
بۇل جاعداي قوعامدا تۇرمىستىق زورلىق-زومبىلىققا قاتىستى الاڭداۋشىلىقتى كۇشەيتىپ وتىر. جەرگىلىكتى بەلسەندىلەر قىلمىسكەرلەرگە قاتىستى جازانى قاتاڭداتۋ قاجەتتىگىن ايتىپ، بيلىككە ۇندەۋ جولداپ جاتىر.
You Might Also Like
-
ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ەكى اياعىنان ايىرىلعان الۋا ەسىمدى قىز بالاعا مەملەكەت تاراپىنان قانداي كومەك كورسەتىلەتىنىن مالىمدەدى.
-
تاكسي جۇرگىزۋشىلەرىنىڭ ەندى تاكسوپارككە تىركەلمەي-اق، ءوز بەتىنشە جۇمىس ىستەۋىنە زاڭ اياسىندا مۇمكىندىك بەرىلۋى مۇمكىن. بۇل تۋرالى ءماجىلىس دەپۋتاتتارىنىڭ ساۋالىنا جاۋاپ بەرگەن پرەمەر-مينيستردىڭ ورىن...
