قىزىلوردادا بالاباقشا قىزمەتكەرىنىڭ ابايسىزدىعىنان ءبۇلدىرشىن كۇيىپ قالدى
22 مامىردا قىزىلورداداعى جەكەمەنشىك بالاباقشانىڭ بىرىندە كىشكەنتاي قىزدى قايناعان سۋعا كۇيدىرگەن قايعىلى جاعداي تىركەلدى. ءبۇلدىرشىننىڭ اناسىنىڭ ايتۋىنشا، قىز قازىرگى ۋاقىتتا اۋرۋحانادا ەم الۋدا. وعان دەنەسىنىڭ ءبىرىنشى، ەكىنشى جانە ءۇشىنشى دارەجەلى كۇيىگى قويىلعان، ءارى اۋىر جاعدايدا جانساقتاۋ بولىمىندە جاتقان. ءقازىر بالا پالاتاعا اۋىستىرىلعان.
بالاباقشا مەڭگەرۋشىسىنىڭ حابارلاۋىنشا، وقيعا كەزىندە بالا دارەتحانادا بولعان جانە كيىمىن لاستاپ العان. كۇتۋشى ونى جۋىندىرماق بولىپ، ابايسىزدا ىستىق سۋدىڭ شۇمەگىن اشىپ العان، ناتيجەسىندە ءبۇلدىرشىن قاتتى كۇيىك العان.
جۇمىس بەرۋشى تاراپتان كىنالى دەپ تانىلعان ەكى قىزمەتكەر جۇمىستان بوساتىلعان. بالاباقشا زارداپ شەككەن بالانىڭ اناسىمەن ۇنەمى بايلانىستا بولىپ، قاجەتتى بارلىق مەديسينالىق جانە مورالدىق قولداۋدى كورسەتىپ جاتىر.
You Might Also Like
-
قازاقستاندىقتار ەكولوگيالىق ماسەلەلەردى شەشۋگە @TazaQazBot ارقىلى بەلسەندى اتسالىسۋدا،-دەپ جازادى ينفوحاب.
-
ChatGPT قازاقستاندا قوسىلعان قۇن سالىعىن تولەيتىن بولدى،دەپ حابارلايدى ينفوحاب.
