InfoHub Logo

ءى. كىرىسپە ءبولىمى
لوگوپەد: - سالەمدەسۋ. بالالاردى وقۋ قىزمەتىنە دايىنداۋ.
- مەزگىل جانە اۋا رايى ەرەكشەلىگىن سۇراۋ.
- جۇمباق جاسىرۋ:
گۇلگە قونادى،
شىرىنىن سورادى.
ءتۇر – ءتۇسى سارى الا
بۇل نە؟
بالالار: «ارا»
لوگوپەد: - ارا ءسوزىنىڭ ورتاسىندا قانداي دىبىس ورنالاسقان ەكەن؟ – سۇراق قويىپ، جاۋاپ الۋ.
- دىبىستىق تالداۋ جاساتۋ
بالالار: - دىبىستىق تالداۋ جاسايدى
عاجايىپ ءسات!
- «ارا» كىرەدى.
- بالالارمەن امانداسادى، ءوزىنىڭ تىلەگىن جانە ءوتىنىشىن ايتىپ، سيقىرلى كىتاپ - «لەپبۋك» تاپسىرماسىن بەرەدى.
- بالالار تاڭ قالىپ، قۋانادى.
- ارا بالالاردان گۇلدەرگە قونىپ، گۇلدەن ءنار، شىرىن جيناۋعا كومەكتەسۋىن سۇرايدى. (لەپبۋك تاپسىرمالارىن ورىنداۋ ارقىلى)

ءىى. نەگىزگى ءبولىم
بالالار: «ر» دىبىسى اتتى لەپبۋگىن اشىپ، تانىسادى.
1 - تاپسىرما
سلايد - پرەزەنتاسيا
- بۇگىنگى تاقىرىپپەن تانىستىرۋ
- [رر] دىبىسىنا سيپاتتاما بەرۋ
- ارتيكۋلياسيالىق قالپى جانە ارىپتىك تاڭباسىمەن تانىستىرۋ؛

2 - تاپسىرما
تىلگە ارنالعان ارتيكۋلياسيالىق جاتتىعۋلاردى ۆيدەو - ماتەريالدان كورۋ ارقىلى اينا الدىندا ورىنداتۋ؛
ماقساتى: دىبىستى دۇرىس ايتۋعا قاجەت سويلەۋ مۇشەلەرىنىڭ قالپىن، قيمىل قوزعالىسىن دامىتۋ.
جاتتىعۋلار: «باقا»، «كەسە»، « اتكەنشەك»، «ات شاۋىپ كەلەدى»، «ساڭىراۋقۇلاق»،«بايان تارتۋ» جاتتىعۋى؛
بالالار: - كورۋ ارقىلى، مۇقيات تىڭداپ، تىلگە ارنالعان جاتتىعۋلاردى قايتالاي وتىرىپ، ايناعا قاراپ ورىندايدى.

3 - تاپسىرما تىنىس الۋ جاتتىعۋى
- «زىمىراندى ۇشىر» جاتتىعۋى
ماقساتى: دىبىستى ايتۋ كەزىندە تىنىستىڭ قالپىن ساقتاۋ جانە دۇرىس تىنىستاۋعا ماشىقتاندىرۋ
شارتى: مۇرىن ارقىلى تەرەڭ تىنىس الىپ، زىمىران سۋرەتىن تۇتىكشە كومەگىمەن ۇرلەپ اسپانعا ۇشىرۋ كەرەك.
بالالار: - تىنىس الۋ جاتتىعۋىن ورىندايدى، زىمىران سۋرەتىنە بەكىتىلگەن تۇتىكشەدەن ۇرلەيدى.
لوگوپەد: - بالالارعا «ر» دىبىسىنىڭ ارتيكۋلياسياسىمەن تانىستىرۋ

4 - تاپسىرما «ر» دىبىسىنىڭ ارىپتىك تاڭباسىمەن جانە ارتيكۋلياسيالىق قالپىمەن، ايتىلۋىمەن تانىستىرۋ (سۋرەت ارقىلى)
لوگوپەد: - جولبارىس اشۋلانعاندا، اڭداردى قورقىتۋ ءۇشىن قانداي دىبىس شىعارادى؟
- اۋديو دىبىس ارقىلى جولبارىستىڭ دىبىستاۋى ەستىلەدى.
- قانە، بىرگە قايتالاپ ايتايىق! - ر - ر - ر - ر - ر
بالالار: اۋديو جازبانى مۇقيات تىڭداپ، قايتالاپ بىرگە ايتادى. جولبارىستىڭ داۋىسىن سالادى: - ر - ر - ر - ر - ر
-«ر» دىبىسىن قايتالايدى.

5 - تاپسىرما بۋىنداردى قايتالاۋ (سلايد ارقىلى)
«جاڭعىرىق» ويىنى
را - را - را – ۇشىپ ءجۇر ارا!
را - را - را – كومىردىڭ ءتۇسى قارا.
ار - ار - ار – جاۋدى اپپاق قار.
رە - رە - رە – كىتاپ تولى سورە.
ەر - ەر - ەر – تەگىس ەكەن جەر!
رى - رى - رى – كۇننىڭ ءتۇسى سارى!
ىر - ىر - ىر – اسپاننان جاۋدى جاڭبىر!
- بۋىنداردىڭ جالعاسىن سۋرەتتەن كورۋ ارقىلى ايتادى.

6 - تاپسىرما «ر» دىبىسىن سوزدە ماشىقتاندىرۋ
«تىزبەكتە!» ديداكتيكالىق ويىنى
ماقساتى: سوزدەگى «ر» جانە «ل» دىبىسى بار سۋرەتتەردە دىبىستى دۇرىس ايتۋعا ماشىقتاندىرۋ.
شارتى: سۋرەتتەر اراسىنان «ر» جانە «ل» دىبىسى بار سۋرەتتى الىپ، ارىپتىك تاڭبا استىنداعى جىپكە ورنالاستىرىپ، تىزبەكتەۋ كەرەك.
بالالار: تاپسىرمانى تاراتپا سۋرەتتەر ارقىلى ۇستەل ۇستىندە جانە ەلەكتروندى تاقتا كومەگىمەن ورىندايدى.
-«ر» جانە «ل» دىبىسىنىڭ ارىپتىك تاڭباسىنا سۋرەتتى تاۋىپ، جىپكە تىزەدى.

سەرگىتۋ ءساتىن ورىنداۋ:
راكەتا - زىمىران!
عارىشقا ونى ۇشىرام.
اسپانعا قاراپ اي كوردىم.
تومەن قاراپ جەر كوردىم.
وڭعا - سولعا بۇرىلىپ،
ەگەمەندى ەل كوردىم.
بالالار: قيمىل ارقىلى كورسەتىپ، «ر» دىبىسىن سوزدە دۇرىس ايتادى.

7 - تاپسىرما «ر» دىبىسىنىڭ سوزدەگى ورنىن انىقتاۋ
«ءۇيىن تاپ!» تاپسىرماسى (فليپپچارت تەحنولوگياسى ارقىلى ورىنداۋ)
ماقساتى: «ر» دىبىسىنىڭ سوزدە (ءسوزدىڭ باسىندا، ورتاسىندا، سوڭىندا) ورنالاسۋىن انىقتاۋعا ۇيرەتۋ.
شارتى: تاقتا كومەگىمەن «ر» دىبىسىنىڭ سوزدە ورنالاسۋىنا قاراپ، ءوز ۇيلەرىنە سۋرەتتەردى قويىپ، ءسوزدى اتاپ بەرۋى كەرەك.
بالالار: الدىندا ورنالاسقان تاراتپا سۋرەتتەرمەن «ر» دىبىسى بار سۋرەتتەردى ۇيشىككە ورنالاستىرادى جانە ەلەكتروندى تاقتادا ورىندايدى.

8 - تاپسىرما «ر» دىبىسىن سويلەمدە ايتىپ ماشىقتاندىرۋ
«سويلەم قۇرا» تاپسىرماسى
ماقساتى: تىزبەكتى سۋرەت ارقىلى سويلەم قۇراپ ايتۋعا ۇيرەتۋ.
شارتى: تاقتاداعى بىرنەشە سۋرەتتەردىڭ تىزبەگى ارقىلى سويلەم قۇراستىرادى.
- ارا گۇلگە قوندى.
- اينۇر شاشىن تاراقپەن تارادى.
- زىمىران عارىشقا ۇشتى.
- اتا دومبىرا تارتتى.
- بالالار شارلى ۇشىردى.
- بالالار تەلەديدار كورىپ وتىر.

بالالار:
- تىزبەكتى سۋرەتكە قاراپ سويلەم قۇرايدى.
- سويلەمدى انىق ايتۋعا تىرىسادى.

ءىىى. قورىتىندى:
9 - تاپسىرما فونەماتيكالىق ەستۋ قابىلەتىن دامىتۋ
«ساق قۇلاق» ويىنى
ماقساتى: تاقىرىپتى مەڭگەرتۋ، «ر» دىبىسىن ەستۋ ارقىلى «ل» دىبىسىنان اجىراتۋىن دامىتۋ.
شارتى: بالاعا بىرنەشە سوزدەر ايتىلىپ، سول سوزدەر اراسىنان «ر» دىبىسى كەزدەسەتىن سوزدەردى ەستىگەندە بالالار قول شاپالاقتايدى، ەگەر «ر» دىبىسى جوق بولسا اياقتارىن قوزعاپ بەلگى بەرۋى كەرەك.
بالالار: -«ر» دىبىسىن ەستۋ ارقىلى «ل» دىبىسىنان اجىراتادى؛
- بالالار ءسوزدى تىڭداپ ءتۇسىنىپ، قايتالايدى.

لوگوپەد: - وقۋ قىزمەتىن قورىتىندىلاۋ، بەكىتۋ(سۇراق - جاۋاپ ارقىلى).
- بالالار بۇگىن سەندەر ارانىڭ گۇلدەردەن ءنار، شىرىن جيناۋىنا كوپ كومەكتەستىڭدەر.
- بالالارعا العىس ايتىپ، ماداقتاۋ.
- بالالاردى ويىنعا بەلسەندى قاتىسقانى ءۇشىن العىس ايتىپ، قولدارىنا «ارانىڭ سىيى» بالدى بەرىپ، ماداقتاۋ.

كۇتىلەتىن ناتيجە:
قولدانا الادى: «ر» دىبىسىنىڭ سوزدە ناقتى، انىق ايتۋدى، ەلەكتروندى تاقتامەن جۇمىس جۇرگىزۋدى؛
تۇسىنەدى: ەستۋ ارقىلى «ر» دىبىسىن ءسوزدىڭ باسىندا، ورتاسىندا، سوڭىندا ورنالاسۋىن انىقتاي الۋى. سۋرەتتەگى ءماتىن ماعىناسىن، سۇراق مازمۇنىن، ويىن، جۇمباق مازمۇنىن؛
قايتالاي الادى: داۋىس ىرعاعىن دۇرىس قالىپتاسۋى. «ر» دىبىسىنىڭ ارتيكۋلياسياسى مەن ايتىلۋ قالپىن. ديداكتيكالىق ويىننىڭ ارەكەتىن. «ر» دىبىسى كەزدەسەتىن سوزدەردى ايتۋى. دىبىستى باسقا دىبىستان اجىراتىپ ايتۋ.