InfoHub Logo

راقىمجان قوشقاربايەۆ (19.10.1924، اقمولا وبلىسى، اقمولا اۋدانى — 10.8.1988، الماتى) — بەرليندەگى رەيحستاگقا جەڭىس تۋىن تىككەن قازاق ازاماتى، حالىق قاھارمانى (1999). 1942 جىلى اسكەرگە الىنىپ، 1944 جىلى فرۋنزەدەگى (بىشكەك) جاياۋ اسكەر ۋچيليششەسىن بىتىرگەن. 1944 جىلى قازان ايىنان باستاپ 1-بەلورۋس مايدانىنداعى 150-يدريسك اتقىشتار ديۆيزياسى قۇرامىندا ۆزۆود باسقارىپ، پولشا جانە گەرمانيا جەرلەرىندەگى ۇرىستارعا قاتىناسادى. لەيتەنانت قوشقاربايەۆ بەرلين وپەراسياسى كەزىندە اسقان ەرلىك كورسەتتى. 30 ساۋىردە ول جاۋىنگەر گريگوريي بۋلاتوۆ ەكەۋى كەڭەس اسكەرلەرى اراسىنان رەيحستاگقا الدىمەن جەتىپ، جەڭىس تۋىن تىكتى. سوعىستان كەيىنگى جىلدارى ەلبا بويىنداعى كەڭەستىك وككۋپاسيالىق اسكەر بولىمىندە قىزمەت اتقاردى. 1947-67 جىلدارى اقمولا وبلىسى اتكومىندا نۇسقاۋشى، قازاق كسر مينيسترلەر كەڭەسى جانىنداعى قونىس اۋدارۋشىلار جونىندەگى باس باسقارمادا ينسپەكتور، 1967 جىلدان «الماتى» قوناق ءۇيىنىڭ ديرەكتورى بولدى. قىزىل تۋ، ءى دارەجەلى وتان سوعىسى وردەندەرى، كوپتەگەن مەدالدارمەن ماراپاتتالعان.

---