رەسمي ءىس-قاعازدارىندا قولدانىلاتىن سوزدەر
ەسىڭدە بولسىن، بۇل ماڭىزدى....
1. مەملەكەتتىك ناگرادالار، قۇرمەتتى اتاقتار باس ارىپپەن جازىلادى: «پاراسات» وردەنى، «ەرەن ەڭبەگى ءۇشىن» مەدالى، «حالىق قاھارمانى» جوعارى دارەجەلىك بەلگىسى، قازاقستان رەسپۋبليكاسى مەملەكەتتىك سىيلىعىنىڭ يەگەرى، قازاقستاننىڭ حالىق جازۋشىسى.
2. اسكەري جانە عىلىمي اتاقتار، عىلىمي دارەجەلەر كىشى ارىپپەن جازىلادى: اۆياسيا مارشالى (ەسكەرتۋ: ەگەر اۆياسيانىڭ باس مارشالى بولسا، باس ارىپپەن جازىلادى)؛ ارميا گەنەرالى، گەنەرال-مايور؛ پروفەسسور، اكادەميك، تەحنيكا عىلىمدارىنىڭ دوكتورى، دوسەنت.
3. مەرزىمدى باسپا ءسوز اتاۋلارى تىرناقشاعا الىنىپ، باس ارىپپەن جازىلادى: «ءتىل» جۋرنالى، «ايقاپ» جۋرنالى، «ەگەمەن قازاقستان» گازەتى، «قازاقستان ايەلدەرى» جۋرنالى؛
4. «مەملەكەتتىك» دەگەن ءسوز مىنا جاعدايدا باس ارىپپەن جازىلادى: قازاقستان رەسپۋبليكاسىنىڭ مەملەكەتتىك تۋى؛ قازاقستان رەسپۋبليكاسىنىڭ مەملەكەتتىك ەلتاڭباسى؛ قازاقستان رەسپۋبليكاسىنىڭ مەملەكەتتىك ءانۇرانى؛ ەسكەرتۋ: تومەندەگىدەي جاعدايلاردا «مەملەكەتتىك» ءسوزى كىشى ارىپپەن جازىلادى: مەملەكەتتىك ۇيىم، مەملەكەتتىك ورگان، مەملەكەتتىك باسقارۋ ورگاندارى، مەملەكەتتىك مەنشىك، مەملەكەتتىك كوميسسيا؛
5. دۇنيەجۇزىلىك قوعامدىق ۇيىمداردىڭ اتالارى باس ارىپپەن جازىلادى: بىرىككەن ۇلتتار ۇيىمى بىرىككەن ۇلتتار ۇيىمىنىڭ قاۋىپسىزدىك كەڭەسى
6. رەسمي قۇجاتتاردا كۇردەلى اتاۋلاردىڭ قىسقارعان نۇسقاسى قولدانىلادى جانە ولار باس ارىپپەن جازىلادى: ەتزك– ەڭبەك تۋرالى زاڭدار كودەكسى؛ بۇۇ –بىرىككەن ۇلتتار ۇيىمى؛ ق ر اق –ق ر ازاماتتىق كودەكسى؛ اق –اكسيونەرلىك قوعام؛ حقو –حالىققا قىزمەت كورسەتۋ ورتالىعى؛ جك –جەكە كاسىپكەر؛ ۇبت –ۇلتتىق ءبىرىڭعاي تەست؛
7. تومەندەگىدەي اتاۋلاردا بارلىق ءسوز باس ارىپپەن جازىلادى: قازاقستان رەسپۋبليكاسىنىڭ پرەزيدەنتى؛ قازاقستان رەسپۋبليكاسىنىڭ ۇكىمەتى؛ قازاقستان رەسپۋبليكاسىنىڭ پرەزيدەتىنىڭ جارلىعى؛ قازاقستان رەسپۋبليكاسىنىڭ پارلامەنتى؛ قازاقشالانبايدى! سامميت، ۋەفا، يۋنەسكو، ناتو. بۇلارعا جالعاناتىن قوسىمشالار دىبىستالۋىنا سايكەس جالعانادى.
You Might Also Like
-
قولونەر بۇيىمدارىن جاساعاندا حالىق شەبەرلەرى ءتۇرلى اسىل تاستار، ماتالار مەن مەتالداردى پايدالانعان.
-
ەرتە، ەرتە، ەرتەدە ءبىر قاريانىڭ كەلىنى بولىپتى. ول ءوزى وتە جۇمساۋىق ەكەن، ماڭايىنداعى اۋىل ءۇي ادامدارىن تالعاۋسىز جۇمساي بەرىپتى. كورشىلەرى ونى سوندىقتان «جۇمساۋىق كەلىن» دەپ اتاپ كەتىپتى.
