InfoHub Logo

ەرتە، ەرتە، ەرتەدە ءبىر قاريانىڭ كەلىنى بولىپتى. ول ءوزى وتە جۇمساۋىق ەكەن، ماڭايىنداعى اۋىل ءۇي ادامدارىن تالعاۋسىز جۇمساي بەرىپتى. كورشىلەرى ونى سوندىقتان «جۇمساۋىق كەلىن» دەپ اتاپ كەتىپتى.

         مۇنى ەستىپ ءبىر كۇنى قاريا وتاۋىنا بەتتەيدى. «كەلىنگە بارىپ حابارلاسايىنشى، مەنى دە جۇمسار ما ەكەن»، – دەپ ويلايدى ول.

         قارت وتاۋعا تاياي بەرگەندە، ۇيدەن:

         — ءاي، كىم بولساڭدا  انداعى سىرتتا جاتقان كەلى – كەلساپتى الا كەلشى،  –  دەگەن كەلىنىنىڭ داۋسى ەستىلەدى.

         ايتقانىن الا كىرىپ كەلىنىن ۇيالتپاق بولعان قارت ۇيگە ەنىپ كەلىپ:

         — مىنە قاراعىم، كەلى – كەلسابىڭ، – دەپتى.

         سوندا كەلىنى:

         — ويبۋ، بەتىم-اي، اتام ەكەنسىز عوي، ورنىنا اپارىپ تاستاي قويىڭىز ءوزىم بارىپ الايىن، – دەگەن ەكەن.

         امالى تاۋسىلعان اتاسى بۇعان دا كونسە كەرەك-تى.

---