InfoHub Logo

قىزمەت بابىندا قاستاندىققا ۇشىراعان شەنەۋنىك رۋسلان بەردەنوۆ كۇدىكتى ەرلان جيەنبايدىڭ سوتتاعى سوزىنە بايلانىستى رەسمي تۇسىنىكتەمە بەردى. ونىڭ ايتۋىنشا، قاقتىعىستىڭ ءتۇپ تامىرى – كاسىبي جانە كەلىسىمشارتتىق مىندەتتەمەلەرگە بايلانىستى بولعان.

"قاقتىعىستىڭ تۇپ-توركىنى — كاسىبي، قىزمەتتىك سيپاتتا. جاۋاپكەر كەلىسىم اياسىنداعى جۇمىسىن ادال اتقارعىسى كەلمەدى، ەسەپ بەرۋدەن جالتاردى. مەن تەك اشىقتىق پەن مىندەتتەمەلەردىڭ ورىندالۋىن تالاپ ەتتىم. ال قوعام نازارىن "قىزعانىش"، "جەكە قاتىناس"، "جۇبايى" سەكىلدى جالعان سەبەپتەرگە بۇرۋ — مانيپۋلياسيا، شىندىقتان الىستاتۋ. مەن ونىڭ جۇبايىن دا، وتباسىن دا تانىمايمىن. ول مەن ءۇشىن تەك مەردىگەر ەدى"، — دەدى بەردەنوۆ.

سونداي-اق، ول جيەنبايدىڭ سوتتا ايتقان “بەردەنوۆ قاستاندىققا شىمكەنت اكىمى عابيت سىزدىقبەكوۆ تاپسىرىس بەردى دەپ ايتۋىمدى سۇرادى” دەگەن مالىمدەمەسىن دە تەرىسكە شىعاردى.

شەنەۋنىك دەنەسىندە وق جاراقاتىنىڭ سالدارى ءالى بار ەكەنىن ايتىپ، رەنتگەن سۋرەتتەرىن جاريالادى. سول سەبەپتى سوت پروسەسىنە جەكە قاتىسا المايتىنىن مالىمدەدى.

 قىلمىستىق ءىستىڭ سوتتا قارالۋى جالعاسىپ جاتىر. رۋسلان بەردەنوۆ تاراپىنان بەرىلگەن جاۋاپ قوعامدا ۇلكەن رەزونانس تۋدىردى.