گانادا تىكۇشاق اپاتىنان ەكى مينيستر قازا تاپتى
6 تامىز كۇنى گانادا اسا اۋىر تىكۇشاق اپاتى ورىن الىپ، سالدارىنان ەلدىڭ ەكى بىردەي جوعارى لاۋازىمدى تۇلعاسى – قورعانىس ءمينيسترى ەدۆارد ومانە بواما مەن قورشاعان ورتا، عىلىم جانە تەحنولوگيا ءمينيسترى يبراگيم مۋرتالا مۇحاممەد كوز جۇمدى. بۇل تۋرالى ەلدىڭ قارۋلى كۇشتەرى باس شتابىنىڭ باسشىسى دجۋليۋس دەبراح رەسمي تۇردە مالىمدەدى، دەپ حابارلايدى ينفوحاب.كز.
قايعىلى وقيعا گانانىڭ وڭتۇستىگىندە، اكروفۋون قالاسىنىڭ ماڭىندا بولعان. تىكۇشاق جەرگە قۇلاعاننان كەيىن وتقا ورانىپ، ءتورت ادامنىڭ ءومىرىن جالمادى. قازا تاپقانداردىڭ قاتارىندا ەكى مينيستر دە بار.
الدىن الا مالىمەتتەر بويىنشا، مەملەكەتتىك دەلەگاسيا تابيعي رەسۋرستاردىڭ زاڭسىز ءوندىرىسى ءجۇرىپ جاتقان ايماققا بارا جاتقان. قازىرگى ۋاقىتتا اپاتقا قاتىستى تەرگەۋ امالدارى باستالىپ كەتكەن.
گانا قوعامى بۇل وقيعاعا بايلانىستى تەرەڭ كۇيزەلىسكە ءتۇسىپ، قايتىس بولعانداردىڭ وتباسىلارى مەن ۇكىمەتكە كوڭىل ايتۋ حاتتارى تولاسسىز ءتۇسىپ جاتىر.
You Might Also Like
-
اقتاۋلىق ەرلان شونتابايەۆ – ەرلىكپەن كوز جۇمعان اكە: بەس بالاسىن جەتىم قالدىردى
-
بۇگىن، شىلدەنىڭ 31ء-ى كۇنى ساعات 14:00 شاماسىندا جەتىسۋ وبلىسىندا ءىرى ەلەكتر اقاۋى ورىن الىپ، تۇتاس ءوڭىر جارىقسىز قالدى. ەلەكتر قۋاتىنىڭ ءوشۋى تالدىقورعان قالاسىن، تۇرعىن ۇيلەردى، ينفراقۇرىلىم مەن ءال...
