InfoHub Logo

ساباقتىڭ بارىسى:
I العاشقى ۇيىمداستىرۋ ءبولىمى
1. امانداسۋ.
2. وقۋشىلاردىڭ ساباققا قاتىسىمىن تەكسەرۋ
3.«كوكتەم» تاقىرىبىندا ينتەراكتيۆتى تاقتا ارقىلى پەيزاجدىق سۋرەتتەر كورسەتە وتىرىپ، ا.قۇنانبايەۆتىڭ «جازعىتۇرىم» ولەڭىن تىڭداتۋ.
م: - ولاي بولسا، تاماشا كوكتەم مەزگىلىمەن كەلگەن قازاق ءتىلى ساباعىن باستايىق.
بارىڭە ساباقتا ساتتىلىك تىلەيمىن.
ءمۇعالىمنىڭ اسسيستەنتى سايلانىپ، «باعالاۋ پاراعىن» جۇرگىزۋ ەسكەرتىلەدى.

II جاڭا ماتەريالداردى حابارلاۋ
م: - سونىمەن، ساباعىمىزدىڭ تاقىرىبى – ساباقتاس قۇرمالاس سويلەم، ونىڭ جاسالۋ جولدارى.
م: - داپتەرگە كۇننىڭ جادىن، تاقىرىپتى جازىپ قويالىق.
(ساباقارالىق بايلانىس جاسالادى.)
ا) ءمۇعالىمنىڭ جاڭا ماتەريالدى ءتۇسىندىرۋى
- قۇرامىنداعى جاي سويلەمدەرىنىڭ العاشقىسى تياناقسىز بولىپ، سوڭعىسىنا باعىنا بايلانىسقان قۇرمالاس سويلەمنىڭ ءتۇرى ساباقتاس قۇرمالاس دەپ اتالادى.
سلايد №1
باعىنىڭقى سويلەم - قۇرمالاس سويلەمنىڭ ءبىرىنشى جاي سويلەمى تياناقسىز، سوندىقتان ءوز الدىنا بولەك ايتۋعا كەلمەيدى.
باسىڭقى سويلەم - قۇرمالاس سويلەمنىڭ ەكىنشى جاي سويلەمى تياناقتى، وزدىگىنەن دەربەس ايتىلا بەرەدى.

سلايد №2
- ساباقتاس قۇرمالاستىڭ جاسالۋ جولى باعىنىڭقى سويلەمنىڭ بايانداۋىشىنا قاراي بەلگىلەنەدى.
باعىنىڭقىنىڭ بايانداۋىشى:
شارتتى راي:- سا، - سە
كوسەمشە:- ا، - ە، - ي، - ىپ، - ءىپ، - پ، - قالى، - كەلى، - عالى، - گەلى
ەسىمشە:
- عان (- گەن) + - شا (- شە)
- عان (- گەن) + - داي (- دەي)
- عان (- گەن) + - دا (- دە)
- عان (- گەن) + - مەن
- عان (- گەن) + - دىقتان (- دىكتەن)
- عان (- گەن) + سايىن، سوڭ، كەزدە، ۋاقىتتا
- عان (- گەن) + - عا + شەيىن
- عان (- گەن) + - نان (- نەن) + بەرى، كەيىن، بۇرىن
ەتىستىك نەگىزى:- ىسىمەن، - ىسىمەن

سلايد №3
- ساباقتاس قۇرمالاس سويلەمنىڭ قۇرامىنداعى جاي سويلەمدەر سانى جاعىنان ەكەۋ عانا ەمەس، ودان دا كوپ بولۋى مۇمكىن. قۇرامىندا ەكى يا ودان دا كوپ باعىنىڭقى سويلەمى بار سويلەم كوپ باعىنىڭقىلى ساباقتاس قۇرمالاس سويلەم دەپ اتالادى.
كوپ باعىنىڭقىلى ساباقتاس قۇرمالاس:
1. جارىسپالى كوپ باعىنىڭقىلى ساباقتاس
2. ساتىلى كوپ باعىنىڭقىلى ساباقتاس
ءا) جاتتىعۋ جۇمىستارى
120 - جاتتىعۋ. وقۋلىقپەن جۇمىس. ءماتىن وقىلىپ، قۇرمالاس سويلەمدەردىڭ قايسىسى سالالاس، قايسىسى ساباقتاس ەكەنى انىقتالادى. ساباقتاس سويلەمدەر تاقتاعا جازىلىپ، باعىنىڭقى سويلەمنىڭ استىن يرەك، باسىڭقى سويلەمنىڭ استىن ءتۇزۋ سىزىقپەن سىزدىرتامىز.
سلايد №4
سەمانتيكالىق كارتامەن جۇمىس (ينتەراكتيۆتى تاقتا ارقىلى كەستە تولتىرىلادى)
121 - جاتتىعۋ. ءوز بەتىمەن جۇمىس. «سىزبانى سويلەت»
ماتىننەن بەرىلگەن سىزباعا ساي ساباقتاس قۇرمالاس سويلەمدەردى تاۋىپ جازۋ، سىزباسىن سىزۋ.

سلايد №5
/............................../.......- ىپ، /............................/. (كوسەمشە تۇلعالى ساباقتاس قۇرمالاس سويلەم)
/............................./.......- عان، /............................/. (ەسىمشە تۇلعالى ساباقتاس قۇرمالاس سويلەم)
/....................... /، /...................../، /.................../. (كوپ باعىنىڭقىلى ساباقتاس قۇرمالاس سويلەم)
/...................... /، /...................../، /..................../. (ارالاس قۇرمالاس سويلەم)

سلايد №6 «ويلان دا،...» ساباقتاس قۇرمالاس سويلەم تاقىرىبىنا تىرەك سوزدەر جازۋ.
III بەكىتۋ.
سلايد №7
1. سايكەستەندىرۋ تەست (تەست ينتەراكتيۆتى تاقتا ارقىلى كورسەتىلەدى)

سلايد №8
2. ۆەنن دياگرامماسىن تولتىرتۋ
قۇرمالاس سويلەم، سالالاس سويلەم، ساباقتاس سويلەم

IV ۇيگە تاپسىرما بەرۋ.
1. 122 - جاتتىعۋ. ساباقتاس قۇرمالاس سويلەمدەردى تەرىپ جازىپ، سىزباسىن سىزۋ.
2. «تابيعات جانە ءبىز» تاقىرىبىنا ويتولعاۋ جازۋ.
V باعالاۋ. باعالاۋ پاراعى بويىنشا قورىتىندىلاۋ.