سوڭعى جاڭارتۋ

(وزگەرتىلگەن ۋاقىتى 1 ساعات بۇرىن)
ءسابيت مۇقانوۆ «كوكشەنىڭ كورىنىسى»
ادەبيەتتىك وقۋ 3 سىنىپ
تاقىرىبى: ءسابيت مۇقانوۆ «كوكشەنىڭ كورىنىسى»
ماقساتى: 1. ءماتىننىڭ مازمۇنىن تۇسىنە وتىرىپ، كوكشە تابيعاتى تۋرالى تۇسىنىك الۋلارىنا جاعداي جاساۋ.
2. شىعارماشىلىق جۇمىستار ارقىلى وقۋشىلاردىڭ وي - ءورىسىن دامىتۋ، ءوز بەتىنشە جۇمىس ىستەۋ قابىلەتتەرىن ارتتىرۋ.
3. تابيعاتتى ءسۇيۋ، ونى ايالاۋعا تاربيەلەۋ.
قولدانىلاتىن ءادىس تاسىلدەر:
اكت، توپپەن جۇمىس، سۇراق - جاۋاپ ءادىسى
كورنەكىلىگى جانە قۇرال جابدىقتارى: پرەزەنتاسيا، كارتوچكا

ساباق بارىسى:
1. ۇيىمداستىرۋ
توپقا ءبولۋ، ۇناتقان گۇلدى تاڭداۋ ارقىلى. «راۋشان»، «بايشەشەك»، «قالامپىر»، «قىزعالداق». اركىم ءوز توبىنا وتىرادى

2. ءۇي تاپسىرماسىن سۇراۋ.
اۋەلبەك قوڭىراتبايەۆ. كيىكتىڭ ايلاسى
ءماتىندى بولىكتەر ارقىلى مازمۇنداۋ
- اڭ مەن جانۋارلاردىڭ ءوز جاۋلارىنان قورعاناتىن قارۋى.
- كيىكتەردىڭ سۋاتقا كەلۋى.
- قاسقىرلاردىڭ شابۋىلى.
- تەكەنىڭ ايلاسى.
- دالا ەركەسى – اقبوكەن.
ءاربىر جاۋاپ بەرگەن توپتاردى سمايليكتەر ارقىلى باعالاۋ.

3. جاڭا تاقىرىپ:
- وقۋشىلار، سەندەر قانداي اقىن - جازۋشىلاردى بىلەسىڭدەر؟
- ولاردىڭ قانداي شىعارمالارىن بىلەسىڭدەر؟
- بۇگىن سەندەر اسا كورنەكتى جازۋشى - ءسابيت مۇقانوۆپەن تانىساسىڭدار جانە ونىڭ «كوكشەنىڭ كورىنىسى» تاقىرىبىنداعى ءماتىنىن وقىپ تانىسامىز.

مۇقانوۆ ءسابيت مۇقان ۇلى (1900 - 1973) - قازاق ادەبيەتىنىڭ نەگىزىن قالاۋشىلاردىڭ ءبىرى، قوعام قايراتكەرى، قازاقستاننىڭ حالىق جازۋشىسى، قازاقستان عىلىم اكادەمياسىنىڭ اكادەميگى.
قازىرگى سولتۇستىك قازاقستان وبلىسى جامبىل اۋدانى ءسابيت مۇقانوۆ اتىنداعى اۋىلدا تۋعان.

كوكشەتاۋ تۋرالى تۇسىنىك بەرۋ
سارىارقانىڭ سولتۇستىگىندە، كوكشەتاۋ قىراتىنىڭ سولتۇستىك - شىعىس بولىگىندە وقشاۋ ورنالاسقان، جاقپارتاستى، ورماندى - كولدى تاۋ. ەڭ بيىك جەرى – كوكشە شوقىسى (947 م).
- سوزدىك جۇمىسى:
گاۋھار - اسىل تاس
سەلەۋ – ءشوپتىڭ اتى
قۇز – بيىك جارتاس
ساعىم – الىستاعى كورىنىس، ەلەس

4. ءماتىندى تىزبەكپەن وقۋشىلارعا وقىتۋ.
توپتارعا تاپسىرما:
1 توپ: تابيعات تۋرالى ماقال – ماتەل نەمەسە كوركەم ءسوز ايتۋ
2 - توپ: تۋعان جەر تۋرالى ماقال – ماتەل نەمەسە كوركەم ءسوز ايتۋ
3 - توپ: وتان تۋرالى ماقال – ماتەل نەمەسە كوركەم ءسوز ايتۋ
4 - توپ: سۋرەت سالۋ، ونى قورعاۋ
سەرگىتۋ ءساتى
مۋزىكالىق جاتتىعۋ جاساۋ.
5. ويدى قورىتىندىلاۋ
تىرەك سىزبا ارقىلى ساباقتى قورىتۋ
كوكشەتاۋ

تابيعاتى سۇلۋ
ورماندى، توعايلى
اۋاسى تازا
كولدەرى شيپالى
جەكە باتىر
جۇمباقتاس
وقجەتپەس

5. ماداقتاۋ، باعالاۋ.
6. ۇيگە تاپسىرما: ءماتىندى وقۋ، مازمۇنداۋ، ءوزىمىزدىڭ ايماقتاعى كورىكتى جەرلەر تۋرالى رەفەرات جازىپ كەلۋ.

You Might Also Like

جاڭالىقتار

جارناما