سادىقبەك ادامبەكوۆكە
سادىقبەك اعا، ءوزىڭدى ساعىناد كوزى كورگەندەر،
كورمەسە دە سوزىڭنەن مارجان تەرگەندەر.
ساتيرانىڭ ساربازى سوڭىڭىزدان ەرگەندەر،
بۇگىنگى سۇر مەرگەندەر.
ۋداي ەدى ءتىلىڭىز،
ايتسە دە ءبىر ءمىنىڭىز-
پاراقورلارعا جاقپاۋشى ەڭ.
جاتىپ- ىشەر جالقاۋدى،
اشىق اۋىز اڭقاۋدى،
ۇرى مەنەن قارىنى،
جەردى سىزعان قارىنى
جەمقورلاردى قاقتاۋشى ەڭ.
شىڭعىرتىپ ساتيرا وتىنا،
سالۋشى ەڭ اردىڭ سوتىنا.
ولار دا قاراپ قالمايتىن،
جاعاڭىزدى قارمايتىن،
ساقالىڭىزدى تالدايتىن،
جانىڭىزدى المايتىن،
كەزەنىپ مىلتىق اتپايتىن.
«ءبىر ساباپ بەر»،- دەپ بۇزىقتى
جوق ەدى ءداستۇر جالدايتىن.
ەسەسىنە ەستى الىپ،
نايزا ءتىلىن تۇيرەيتىن،
سوتتان سوتقا سۇيرەيتىن.
ءبىر سيقىرىڭ بار ەدى،
وتقا سالسا كۇيمەيتىن،
سۋعا سالسا باتپايتىن.
سەنى مايىپ ەتەم دەگەندەر
اقىر سوڭىندا كۇيرەيتىن.
ساتيرانىڭ ساردارى،
سىقاق ءسوزدىڭ تارلانى.
ساكەڭدەردىڭ ءسىرا دا
بولدى ما ەكەن ارمانى؟!..
سۇلەيمەن بايازيتوۆ
You Might Also Like
-
عۇمار قاراش – اقىن، قوعام قايراتكەرى، ءدىندار، اراب، پارسى، تۇركى تىلدەرىن جەتىك مەڭگەرگەن اعارتۋشى، عۇلاما. 1875 جىلى باتىس قازاقستان وبلىسى جانىبەك اۋدانى، قىرقۇدىق ەلدى مەكەنىندە دۇنيە...
