توقايەۆ قاۋىپسىزدىك كەڭەسىندە كولىك سالاسىن سىنعا الدى
مەملەكەت باسشىسى قاسىم-جومارت توقايەۆتىڭ توراعالىعىمەن قاۋىپسىزدىك كەڭەسىنىڭ وتىرىسى ءوتىپ، وندا ەلىمىزدىڭ كولىك-لوگيستيكا سالاسىن دامىتۋ ماسەلەلەرى قارالدى. جيىن بارىسىندا كولىك ءمينيسترى مارات قارابايەۆ پەن ءبىرقاتار ورتالىق مەملەكەتتىك ورگاندار باسشىلارىنىڭ باياندامالارى تىڭدالدى.
پرەزيدەنت كولىك سالاسىنداعى قوردالانعان ماسەلەلەر مەن بەلگىلەنگەن مەجەلەردىڭ ورىندالماۋىن سىنعا الىپ، بۇل جاڭعىرتۋ جۇمىستارىن تەجەپ وتىرعانىن اتاپ ءوتتى. ول شەكاراداعى جۇك وتكىزۋ قيىندىعىن، وتكىزۋ بەكەتتەرىنىڭ توزعانىن جانە ءىرى ينفراقۇرىلىمدىق جوبالاردىڭ كەشىگۋىن ايرىقشا اتاپ كورسەتتى.
قاسىم-جومارت توقايەۆ "جاسىل ءدالىز" جۇيەسىن ەنگىزۋ ارقىلى لوگيستيكالىق الەۋەتتى ءتيىمدى پايدالانۋعا ۇندەدى. ونىڭ ايتۋىنشا، قازىرگى جاھاندىق سىن-قاتەرلەر جاعدايىندا قازاقستان ءوزىنىڭ باسەكەلەستىك ارتىقشىلىعىن نىعايتا ءتۇسۋى ءتيىس.
سونداي-اق، پرەزيدەنت جۇك تاسىمالى كولەمىن ارتتىرۋ ءۇشىن اۆياوتىنمەن قامتاماسىز ەتۋ ماڭىزدى ەكەنىن ايتتى. ول ەلىمىزدىڭ جاھاندىق جەتكىزۋ تىزبەكتەرىنە بەلسەندى قوسىلۋى جانە جۇك تاسىمالى كولەمىن كوبەيتۋ مىندەتىن قويدى.
جيىن سوڭىندا مەملەكەت باسشىسى مينيستر مارات قارابايەۆقا جۇمىسىنداعى كەمشىلىكتەر ءۇشىن سوگىس جاريالاپ، كولىك-لوگيستيكا سالاسىنداعى تۇيتكىلدەردى شەشۋ بويىنشا ناقتى شارالار قابىلداۋدى تاپسىردى.
You Might Also Like
-
اقش-تىڭ بۇرىنعى پرەزيدەنتى دونالد ترامپ ۆلاديمير زەلەنسكييدىڭ قىرىم ماسەلەسىندەگى ۇستانىمىنا قاتىستى پىكىر ءبىلدىردى. ونىڭ ايتۋىنشا، ۋكراينا باسشىسى تۇبەكتەن باس تارتۋعا دايىن كورىنەدى، دەپ جازادى ...
-
سەناتتىڭ قارجى جانە بيۋدجەت كوميتەتىنىڭ دەپۋتاتتارى ۇلتتىق قور قاراجاتىن باسقارۋ تيىمدىلىگى تاقىرىبىندا مەملەكەتتىك ورگاندار وكىلدەرىمەن كەزدەسۋ وتكىزدى.
