سالەم ءسوزىم الىستاعى ەلىمە،
الىستاعى اق سەلەۋلى بەلىمە.
ايدان دا ايقىن سەندەردى ىزدەپ قايتۋىم
كۇنىم ءبىتىپ، كىرگەنىمشە كورىمە.
قار قالانىڭ تاستاپ قىزىل-جاسىلىن،
ساردالانىڭ اڭساپ جۋسان، ساسىرىن،
قايتۋىم حاق ءبىر كۇن قوڭىر ىڭىردە
قار قالادان قاشىپ شىعىپ جاسىرىن.
Top ىزدەگەن قۇشىپ جولىن مۇسانىڭ،
قۇشقانىم راس Top دەپ قالا قۇشاعىن.
ەندى قايتۋ قۇر بوس ايتۋ ەمەس قوي،
قۇشاعىندا كوردىم قاندى بەيشاعىم.
تۇكپىر ەدى تۇرعان ۇزاق ءۇي قىلىپ،
كوپ كىتاپتى كوپ تەزەكتەي ءۇيدىرىپ،
ءبىر شەتىنەن لاۋىلداتىپ وت قويىپ،
كەتەرمىن-اۋ ءبارىن كۇل عىپ كۇيدىرىپ.
كىتاپ كۇل بوپ، ولەر وتتىڭ جالىنى...
كوكتى باسار قارا بۇلتتىڭ قالىڭى...
تاپ سول ساعات قۇلاعىما كەلمەي مە
قوڭىر جەل مەن سارى بەلدىڭ زار ءۇنى.
زار ءۇن قويماس جانعا بويلاپ جۇگىرمەي،
سول ىڭىردە اقىرىن سونگەن ومىردەي.
ارقامدى اڭساپ، قار قالادان شىعارمىن،
قوڭىر جىرمەن سوناۋ قوڭىر ىڭىردەي.
مەن قايتارمىن بولماق ءۇشىن ەلمەن ەل،
ەل بەل اسسا، اسپاق ءۇشىن بىرگە بەل -
از عانا ەلدىڭ ءومىرى قۇرعىر قالتىلداق،
ەل شەر تارتسا، تارتپاق ءۇشىن بىرگە شەر.
قايتۋىم حاق، بەلدى بۋدىم تاس قىلىپ،
«كەت!» دەمە، ەلىم، ەندى مەنى باسقا ۇرىپ.
دەيتىن بولساڭ: «قوي جىرىڭدى، جىراۋىم
قوبىزىمدى قيراتارمىن تاسقا ۇرىپ.
ءسوزىم وسى الىستاعى ەلىمە،
الىستاعى اق سەلەۋلى بەلىمە.
جاتسىڭ دەمەي، ءوزىمسىڭ دەپ باۋرىڭا ال،
قولىڭ بەرىپ مەندەي ساياق سەرىڭە.

---