سارايشىق
سارايشىق — XIII عاسىردىڭ باسىندا جايىق وزەنىنىڭ جاعالاۋىندا نەگىزى قالانعان قالا، ورتا عاسىرلارداعى ءىرى ساياسي، مادەني جانە ساۋدا ورتالىعى.
ول شىعىس پەن باتىستى بايلانىستىراتىن ساۋدا جولىنىڭ بويىندا ورنالاسقان. XIV عاسىردا سارايشىق اق وردا مەملەكەتىنىڭ، سودان كەيىن نوعاي ۇلىسىنىڭ ورتالىعى سانالعان. XV عاسىردان باستاپ ول قازاق حاندىعىنىڭ ايگىلى استانالارىنىڭ ءبىرى بولعان. سونداي-اق سارايشىق — التىن وردا حاندارى جەرلەنگەن قاسيەتتى جەر (موڭكە تەمىر، جانىبەك، بەردىبەك).
سارايشىقتا ءوزىنىڭ ادىلدىگىمەن، اقىلدىلىعىمەن، ۇلىلىعىمەن اتى شىققان از-جانىبەك حان 1347 - 1350 جىلدارى بيلىك قۇرعان. سول كەزەڭدە حالىق شالقىعان داۋرەن كەشىپتى. بۇل تۋرالى:
سارايشىقتىڭ سازدارى،
قاڭقىلدادى قازدارى،
سۋ سۇراساڭ، بال بەرگەن،
نوعايلىنىڭ قىزدارى، — دەپ حالىق اندەتكەن.
سارايشىقتىڭ قيراندىسىن قازىرگى اتىراۋ قالاسىنان 50 شاقىرىم جەردەن جايىقتىڭ جاعاسىنان كورۋگە بولادى. قازبا جۇمىستارى كەزىندە قالا ورنىنان اقشا سارايى، مەشىت، مونشا، اۋقاتتى ادامداردىڭ سارايلارى، ادەمى قىش قۇمىرالار مەن تاس تاباقتار، اشەكەي بۇيىمدار تابىلعان.
وقۋعا كەڭەس بەرەمىز:
سۋياب
ساۋران
نۇرلان نوعايەۆ جەتى حان جاتقان سارايشىققا ءۇيىندى دەپ قاراۋعا بولمايتىنىن ايتتى
جەتى حان جاتقان سارايشىقتاعى جۇمىس الاڭىنان ادام سۇيەكتەرى شىقتى
You Might Also Like
-
قازاقستانعا ەڭبەگى سىڭگەن سپورت شەبەرى، 1979 جانە 1981 جىلدارداعى ەۋروپا جەڭىمپازى، 1982 جىلعى الەم بىرىنشىلىگىنىڭ كۇمىس جۇلدەگەرى، 1979، 1981 جىلدارداعى الەم كۋبوگىنىڭ يەگەرى، 1980 جىلى XXII وليمپ...
-
جەڭىسكە 76 جىل تولۋىنا جانە ءوزىمىزدىڭ بيىل ورتا مەكتەپ ءبىتىرۋىمىزدىڭ 35 جىل تولعانىنا ارنالادى.
