ساتەمىر حان
ساتەمىر جەتى جاسار كۇنىندە اتاسىنان جەتىم قالىپتى. كۇندەردە ءبىر كۇن ساتەمىر دالادا ويناپ ءجۇرىپ، ءبىر ەسكى تامنىڭ تۇبىندە شارشاعان سوڭ سۇيەنىپ، جان-جاعىنا قاراپ جاتسا، ءبىر اياعى اقساق قۇمىرسقا تامنىڭ توبەسىنە قاراي ورمەلەپ بارادى دا، ورتا شەنىنە بارعاندا قۇلاپ تۇسەدى.تۇرا سالىپ تاعى دا ورمەلەيدى، ماناعىدان گورى جوعارىراق بارعاندا تاعى قۇلاپ تۇسەدى. ءۇشىنشى رەت قۇمىرسقا جانە تىرمىسادى. اقىر بار كۇشىن سالىپ، قيسايا-ميسايا بارىپ، تامنىڭ توبەسىنە شىعىپ كەتەدى. مۇنى كورىپ ساتەمىر ويعا قالدى: قۇداي-تاعالانىڭ جاراتقان جان-جانۋارىنىڭ ەڭ كىشكەنتايى وسى قۇمىرسقا - ەكەش قۇمىرسقا دا تىنباي جۇمىس ىستەپ ءجۇر. ءوزى اقساق، ءبىر تىرمىسىپ، ەكى تىرمىسىپ، جىعىلىپ، سوندا دا قويماي، اقىرىندا مۇراتىنا جەتتى. تامنىڭ باسىنا شىقتى. مۇنى كورىپ وتىرىپ مەنىڭ دە تالاپ ىزدەمەي، جۇمىسسىز ويناپ جۇرگەنىم اقىلسىزدىق ەكەن، دەپ ويىنىن تاستاپ، قالاعا باردى.
قالادا ءبىر زور ءبىلىمدى، وقىمىستى مولدا بار ەكەن، سوعان ءۇي سىپىرۋعا جالدانىپ، اقىسىنا وقۋ وقىپتى-مىس.
اقىرىندا سول ساتەمىر اسقان دانىشپان، ايداي الەمگە پاتشا بولعان.
You Might Also Like
-
ەرتە مە، كەش پە ءاربىر ۆەلوشاباندوز وزىنە جاڭا ۆەلوسيپەد ساتىپ الۋدى ويلايدى. كەيبىرەۋىنىڭ ۆەلوسيپەدى سىنىپ قالادى، بىرەۋ ءوز ۆەلوسيپەدىنەن شارشايدى، ال كەيبىرىنىڭ ءتىپتى ەشقاشان ۆەلوسيپەدى بولماعان. ...
-
ءبىر ادام ون جاسار بالاسىن ەرتىپ، ەگىننەن جاياۋ كەلە جاتسا، جولدا قالعان اتتىڭ ءبىر ەسكى تاعاسىن كورىپ، بالاسىنا ايتتى:
