تالاپتىڭ پايداسى
پەتر ۆەليكيي دەگەن وسى كۇنگى اق پاتشامىزدىڭ باباسى ءبىر كۇنى شىركەۋدە تۇرعاندا كوپ ادامنىڭ ارتقى جاعىندا ءۇڭىلىپ پاتشاعا قاراپ، بوركىمەن قالقالاپ قانا ءبىر نارسەنى سىزىپ تۇرعان بالاعا كوزى تۇسەدى. مۇنىمەن بوتەن كىسىنىڭ ءىسى جوق، جالعىز-اق اقىلى كەمەل پاتشا سول بالا-ەكەش بالاعا دا كوزىن سالىپ تۇرعان ەكەن. تىلەك تىلەپ بولعان سوڭ، جۇرت ەكى جارىلىپ، پاتشاعا جول بەرىپتى. سوندا پاتشا تۇپ-تۋرا ماناعى بالاعا بارادى. بالا قولىنداعى سىزۋمەن بولىپ تۇرىپ، ءتىپتى پاتشانىڭ قاسىنا كەلگەنىن دە بايقاماي قالىپتى. سوندا جۇمساق شىرايمەن پاتشا سۇرادى:
— نەعىلىپ تۇرسىڭ؟
— سەنىڭ ءجۇزىڭدى جازىپ الايىن دەپ ەدىم.
— ونى نەعىلماقسىڭ؟
— داڭقىڭ، دابىلىڭ جەر جۇزىنە جايىلعان پاتشام، سەنىڭ سۋرەتىڭدى سىزىپ الىپ، ومىرىمە شەيىن بويىمدا ساقتايىن دەپ ەدىم.
— قانە، كورسەتشى سىزعانىڭدى؟
سول ۋاقىتقا شەيىن قورىقپاي جاۋاپ بەرىپ تۇرعان بالا، «سىزعانىڭدى كورسەت» دەگەندە، قىسىلايىن دەپتى. سويتسە دە، سىزعان قاعازىن ادەپپەن پاتشانىڭ قولىنا بەردى. قاراسا، سۋرەت رەۋىشتى دە ەمەس، ايتەۋىر ءوز بىلىمىنشە سىزعان سىزىق، بالا ول كۇندە سۋرەت سالۋدى قايدان ءبىلسىن؟! سولاي دا بولسا، الەمگە اقىلى جەتكەن پاتشا بالانىڭ تالاپتى، زەرەك ەكەنىن اڭعارىپ، وقۋعا بەرگىزىپ، اقىرىندا سول بالا بۇكىل ورىس جۇرتىنا داڭقى شىققان ماتۆەيەۆ دەگەن سۋرەتشى بولعان.
You Might Also Like
-
اتاسى ون جاسار ۇل بالاسىمەن دالادا كەلە جاتىپ، بالاسىنان سۇرادى:
-
مۇسىلماندار جايلى ءبىرجاقتى پىكىرلەر مەن جاقتىرماۋشىلىق قارىم-قاتىناسقا قاراماستان، ولار الەمگە كوپ نارسە بەردى. بۇگىندە كوفە ءىشىپ وتىرعانىمىز جانە مەيرامحانادا ءۇش ءتۇرلى تاعامنان تۇسكى اس ءىشىپ، كەيى...
