ساعادييەۆ ەلەكتروندى كۇندەلىكتەردى جاپپاي پايدالانۋ ماسەلەسىن كوتەردى
بۇگىندە مەكتەپتەردى كەڭ جولاقتى ينتەرنەتكە قوسۋ سالاسىندا ءبىرىڭعاي تەxنيكالىق ساياسات جوق. سونىڭ سالدارىنان ءبىلىم جانە عىلىم مينيسترلىگى ەلەكتروندى كۇندەلىك سياقتى جوبالاردى تولىققاندى ىسكە اسىرا الماي وتىر.
"بۇگىندە ەلەكتروندى كۇندەلىكتەردى تولىققاندى پايدالانۋ ءۇشىن كەڭ جولاقتى ينتەرنەت اسا قاجەت. "سونىڭ ارقاسىندا ءبىز قاعازباستى جۇمىستان ارىلامىز. جالپى، وسى سالاداعى شارالار ءبىلىم بەرۋ سالاسىن سيفرلاندىرۋعا جول اشادى. سول كەزدە ءاربىر بالانىڭ جەكە كابينەتى بولادى. وندا بالاباقشادان باستاپ PhD-عا دەيىنگى بارلىق اقپارات، بارلىق باعالار ساقتالادى. وليمپيادالار، پورتفوليو، ديپلومدار - ءبارى-بارى ەلەكتروندى ۇلگىدە ساقتالادى. بۇنىڭ بارلىعىن ىسكە اسىرۋ ءۇشىن مەكتەپتەردە كەڭ جولاقتى ينتەرنەت بولۋى قاجەت"، - دەدى ق ر ءبىلىم جانە عىلىم ءمينيسترى ەرلان ساعادييەۆ ۇكىمەتتىڭ بۇگىنگى وتىرىسىندا.
ءمينيستردىڭ سوزىنە قاراعاندا، قازىرگى كەزدە رەسپۋبليكا بويىنشا مەكتەپتەردىڭ 98 پايىزى ينتەرنەتكە قوسىلعان. الايدا سەكۋندتىنا 4 مبيت بولاتىن كەڭ جولاقتى ينتەرنەت تەك 2 400 مەكتەپتە عانا بار. ول 34 پايىزدى قۇرايدى.
"بيىل كەڭ جولاقتى ينتەرنەتپەن قامتۋعا ارنالعان قارجى ترانسفەر ارقىلى جەرگىلىكتى بيۋدجەتتەردە دە قاراستىرىلدى. الايدا ءبىز جەرگىلىكتى بيلىكتىڭ مەكتەپتەرگە ينتەرنەتتى قوسۋ قىزمەتتەرىن ساتىپ الۋلارىن زەردەلەي كەلە، وسى سالاداعى جۇمىستىڭ ءتيىمسىز جۇرگىزىلىپ جاتقانىن انىقتادى. سەبەبى ءبىرىڭعاي تەxنيكالىق ساياسات جوق. وسىنىڭ سالدارىنان ينتەرنەتتىڭ جىلدامدىعى دا ءار الۋان بولىپ جاتادى. سوسىن ساتىپ الۋلار ءبىر ۋاقىتتا اتقارىلماعاننان كەيىن ينتەرنەتكە قوسىلماي قالعان مەكتەپتەر از ەمەس. بىزدىڭشە، بۇل جۇمىستى ۇيلەستىرىپ وتىرۋ قاجەت. ال اقپارات جانە كوممۋنيكاسيالار مينيسترلىگى باقىلاۋدى ءوز قولىنا الۋى ءتيىس"، - دەپ اتاپ كورسەتتى مينيستر ساعادييەۆ.
دەرەككوز: قازاقپارات
You Might Also Like
-
پاۆلودار قالاسىنىڭ 32 مەكتەبىندە حيميا، فيزيكا، بيولوگيا جانە ينفورماتيكا پاندەرى ساباقتارىندا پيلوتتىق رەجىمدە اعىلشىن ءتىلى ەنگىزىلۋدە.
