تەمەكى تۇتىنۋ ازايدى: قازاقستاندا شىلىم شەگەتىندەر سانى قىسقاردى
تەمەكى تۇتىنۋ ازايدى: قازاقستاندا شىلىم شەگەتىندەر سانى قىسقاردى
2024 جىلمەن سالىستىرعاندا تەمەكى شەگۋشىلەر ۇلەسى 3،2 پايىزعا تومەندەگەن
ۇلتتىق ستاتيستيكا بيۋروسىنىڭ سوڭعى مالىمەتىنشە، ەلىمىزدە تەمەكى شەگەتىندەردىڭ ۇلەسى ازايعان. 2024 جىلى حالىقتىڭ 20،7 پايىزى شىلىم شەكسە، بيىل بۇل كورسەتكىش 17،5 پايىزعا دەيىن تومەندەگەن.
ساۋالناما بارلىق وبلىستاردا جانە استانا، الماتى، شىمكەنت قالالارىندا جۇرگىزىلىپ، 12 مىڭ ءۇي شارۋاشىلىعىنان ءبىر مۇشەدەن قاتىستى. زەرتتەۋ ناتيجەسى اۋىل مەن قالا اراسىنداعى ايىرماشىلىقتى دا كورسەتتى: اۋىل تۇرعىندارىنىڭ 19،1 پايىزى تەمەكى شەكسە، قالادا بۇل كورسەتكىش 16،7 پايىز.
تەمەكى تۇتىنۋشىلاردىڭ باسىم بولىگى – ونەركاسىپتىك جولمەن وندىرىلگەن سيگارەتتەردى شەگەتىندەر (93،8%). گەندەرلىك بولىنىسكە كەلسەك، ەر ادامداردىڭ 34 پايىزى شىلىم شەگەدى، ال ايەلدەر اراسىندا بۇل كورسەتكىش – 5 پايىز.
ماماندار بۇل ءۇردىستى سالاۋاتتى ءومىر سالتىنا بەتبۇرىستىڭ جانە قوعامدىق اقپاراتتاندىرۋ جۇمىستارىنىڭ ناتيجەسى دەپ باعالاپ وتىر.
You Might Also Like
-
قاماۋدا وتىرعانىنا ءبىر جىلعا جۋىقتاعان جۋرناليست ءارى بەلسەندى دۋمان مۇحاممەدكارىمنىڭ دەنساۋلىعى كۇرت ناشارلاعانى بەلگىلى بولدى. بۇل تۋرالى ونىڭ ادۆوكاتى عالىم نۇرپەيىسوۆ مالىمدەدى.
-
الماتى قالاسىنىڭ ماڭىندا ورىن العان جول-كولىك وقيعاسى سالدارىنان ءبىر ۋاقىتتا بىرنەشە كولىك سوقتىعىسىپ، 20 ادام مەديسينالىق كومەككە جۇگىندى.
