InfoHub Logo

 شەرزاتتىڭ قازاسىنا قاتىستى ءىس قايتا قارالىپ جاتىر،-دەپ حابارلايدى ينفوحاب.كز.

الماتى وبلىستىق سوتىندا كوپشىلىكتىڭ نازارىن اۋدارعان قىلمىستىق ءىس بويىنشا جاڭا سوت وتىرىسى باستالدى. بۇل جولى مارقۇم شەرزاتتىڭ قازاسىنا بايلانىستى سوتتالعانداردىڭ اپەللياسيالىق شاعىمى قارالۋدا.

مارقۇمنىڭ وتباسىنىڭ ادۆوكاتى مەيىرمان شەكەيەۆ مالىمدەگەندەي، اپەللياسيالىق تىڭداۋ بۇگىن ساعات 11:00-دە باستالدى. قورعاۋشىنىڭ ايتۋىنشا، سوتتالۋشىلار الدىڭعى سوت شەشىمىمەن كەلىسپەي، ءىستى قايتا قاراۋدى سۇراعان.

شەرزاتتىڭ ءولىمى قوعامدا ۇلكەن رەزونانس تۋدىرعان بولاتىن. بۇعان دەيىن ءبىرىنشى ساتىداعى سوت كىنالىلەرگە جازا تاعايىنداپ، مارقۇمنىڭ تۋىستارى ادىلەتتىڭ ورناۋىن تالاپ ەتكەن ەدى. دەگەنمەن، سوتتالعاندار مەن ولاردىڭ قورعاۋشىلارى ۇكىمنىڭ ءادىل ەمەستىگىن العا تارتىپ، اپەللياسياعا جۇگىنگەن.

بۇگىنگى سوت وتىرىسىندا نەگىزگى اپەللياسيالىق شاعىمنان بولەك، ءىس بويىنشا وتكەن ەكى كۋاگەر قىزعا قاتىستى قىلمىستىق ءىس تە قارالۋى ءتيىس. بۇل دا تاراپتاردىڭ ەرەكشە نازارىن اۋدارىپ وتىر.

شەرزاتتىڭ قازاسى جۇرتشىلىقتىڭ اشۋ-ىزاسىن تۋدىرىپ، الەۋمەتتىك جەلىلەردە كەڭىنەن تالقىلانعان. قوعام بەلسەندىلەرى مەن مارقۇمنىڭ جاقىندارى ءىستىڭ ءادىل ءارى اشىق قارالۋىن تالاپ ەتىپ وتىر.

قازىرگى تاڭدا الماتى وبلىستىق سوتىندا تىڭداۋ جالعاسۋدا. سوت پروسەسىنىڭ ناتيجەسى جاقىن كۇندەرى بەلگىلى بولماق.