ءپۋتيننىڭ 1994 جىلعى مالىمدەمەسى: قازاقستاننىڭ سولتۇستىگىن "ەشقاشان شەتەل بولماعان" ايماق دەپ اتاعان
ءپۋتيننىڭ 1994 جىلعى مالىمدەمەسى: قازاقستاننىڭ سولتۇستىگىن "ەشقاشان شەتەل بولماعان" ايماق دەپ اتاعان
گەرمانيا سىرتقى ىستەر مينيسترلىگىنىڭ ارحيۆىنەن تابىلعان جاڭا قۇجات رەسەي پرەزيدەنتى ۆلاديمير ءپۋتيننىڭ وتارلىق ۇستانىمىنىڭ كەڭەس وداعى قۇلاعاننان كەيىن-اق قالىپتاسقانىن دالەلدەيدى. 1994 جىلى سانكت-پەتەربۋرگتە گەرمانيانىڭ كونسۋلىمەن كەزدەسۋدە پۋتين قىرىم، ۋكراينانىڭ شىعىسى جانە قازاقستاننىڭ سولتۇستىگىنە قاتىستى پىكىر بىلدىرگەن.
قۇجاتتا جازىلعانداي، سول كەزدەگى قالا مەرىنىڭ ورىنباسارى بولعان پۋتين بۇل ايماقتاردى «ەشقاشان شەتەل بولماعان، ءاردايىم رەسەيدىڭ قۇرامىندا بولعان» دەپ سيپاتتاعان. ونىڭ ايتۋىنشا، باتىس ەلدەرى رەسەيدىڭ مۇنداي ۇستانىمىن «يمپەرياليزم» ەمەس، «ۇلتتىق مۇددەنى قورعاۋ» دەپ ءتۇسىنۋى كەرەك.
بۇل مالىمدەمە ءپۋتيننىڭ كەيىنگى ساياساتىمەن تولىق ۇندەس. 2014 جىلى ول: «قازاقتاردا ەشقاشان مەملەكەت بولماعان»، ال 2021 جىلى: «قىرىم – ءاردايىم بىزدىكى» دەگەن مالىمدەمەلەر جاساپ، كورشى ەلدەردىڭ ەگەمەندىگىنە كۇمان كەلتىرەتىن كوزقاراسىن اشىق ايتقان.
قازاقستان تاراپىنان مۇنداي شەكتەۋلى ۇستانىمدارعا بىرنەشە مارتە جاۋاپ بەرىلگەن. ماسەلەن، 2020 جىلى مەملەكەتتىك دۋما دەپۋتاتىنىڭ ارانداتۋشىلىق پىكىرىنە ق ر پرەزيدەنتى قاسىم-جومارت توقايەۆ: «بۇل جەردى قازاقتارعا ەشكىم سىيلاعان جوق!» دەپ ناقتى جاۋاپ قاتقان.
تاريحي قۇجاتتار مەن قازىرگى گەوساياسي مالىمدەمەلەر رەسەي بيلىگىنىڭ كەڭەستىك كەزەڭنەن كەيىن دە ايماقتىق ۇستەمدىككە ۇمتىلۋىن توقتاتپاعانىن كورسەتەدى.
You Might Also Like
-
شىمكەنت قالاسىندا تۇراتىن كوپبالالى وتباسى ءبىر ساتتە باسپاناسىز قالۋى مۇمكىن ەدى. تۇراقتى تولەم جاساي الماعان تۇرعىننىڭ ماسەلەسى سوتقا دەيىن جەتىپ، تەك مەدياسيا ارقىلى وڭ شەشىمىن تاپتى.
-
تايلاندتا بىرنەشە جىل بويى يتتەرمەن بىرگە ءومىر سۇرگەن بالا تابىلدىاناسى جاردەماقى الىپ تۇرعان، ءبىراق بالا مەكتەپكە بارماعان
