شىعىس قازاقستاندا مەديسينا سالاسىنىڭ IT ماماندارىن دايىنداماق
د. سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە وتاندىق سيفرلىق مەديسينانى دامىتىپ جاتىر، دەپ وقۋ ورنىنىڭ باسپا ءسوز قىزمەتى حابارلايدى.
كەلەسى جىلدان باستاپ وقۋ ورنىندا باعدارلامالىق جاساقتاماعا، سەرۆيستىك قىزمەت كورسەتۋگە، جوندەۋگە مامانداندىرىلعان، سونداي-اق مەديسينالىق قۇرىلعى وندىرۋشىلەرمەن (رەنتگەن، ۋدز، توموگرافتار جانە ت.ب.) بىرگە جۇمىس ىستەسەتىن ينجەنەر-مەدتەحنيكتەر دايىندالاتىن بولادى.
بۇگىندە ەلىمىزدەگى ەشقانداي وقۋ ورنىندا مۇنداي ماماندار دايىندالمايتىنى اتالىپ ءوتىلدى. شقمتۋ پرورەكتورى شاقىرعان كلاۋستال تەحنيكالىق ۋنيۆەرسيتەتىنىڭ پروفەسسورى (گفر) ءتۇسىندىرىپ وتكەندەي، مۇنداي شەشىم «سيفرلىق قازاقستان» مەملەكەتتىك باعدارلاماسىن جۇزەگە اسىرۋ اياسىندا قابىلدانعان.
IT-دارىگەرلەر 2 باعىت بويىنشا وقىتىلماق: مەدتەحنيكا جانە تەلەمەديسينا. جاڭا ماماندارعا شقمتۋ وقىتۋشىلارى، بەلارۋس رەسپۋبليكاسى مەن اۋستريا ەلدەرىنەن شاقىرىلعان ماماندار ساباق بەرەتىن بولادى.
«قازاقستاندا ينجەنەر-مەدتەحنيكتەر وتە تاپشى. د. سەرىكبايەۆ اتىنداعى شقمتۋ-دىڭ IT ماماندىقتارىن مەڭگەرىپ شىققان تۇلەكتەردىڭ وسى سالادا جۇمىس ىستەۋى ءۇشىن شەتەلدەردە قايتا وقىپ كەلىپ جاتقانىن بىلەمىز. ەندى جاستاردىڭ قازاقستاندا وسى سالا بويىنشا ءبىلىم الۋىنا مۇمكىندىك تۋدى»، - دەپ اتاپ ءوتتى پروفەسسور تالانت رىسپايەۆ.
You Might Also Like
-
اسپان استىن، جەر ءۇستىن الاي-دۇلەي ەتىپ، جان-جاعىما نۇر شاشىپ، نايزاعايدىڭ جارقىلىنان كوڭىلشەڭ بۇلتتاردىڭ ءوزى جىلاپ hءام قۋانىپ وتىرعان شاقتا “ادام” اتاۋى جاراتىلدى جانە سول ك...
-
№ 47 جالپى ورتا ءبىلىم بەرەتىن مەكتەبىنىڭ 1 "ءا"- كلاسس وقۋشىسى سىرىموۆا ەركەناز ميرجان قىزى يمانوۆا گۇلىم امانعالي قىزى
