InfoHub Logo

نازاربايەۆ ۋنيۆەرسيتەتىنىڭ تۇلەكتەرى ترانسفورماتوردىڭ جۇمىس قابىلەتىن ۇزارتۋ ءۇشىن قۇرىلعى جاساپ شىعاردى، دەپ حابارلايدى ەلوردا اكىمدىگىنىڭ مەديا ورتالىعى.

جوبا تۋرالى ستارتاپەر كومانداسىنداعى بەس قاتىسۋشىنىڭ ءبىرى، مەنەدجەر ادىلەت زاۋرەنبەك ايتىپ بەردى.

«ءبىزدىڭ جوبا «ترانسفارماتوردى الىستان باقىلاۋ» دەپ اتالادى. بۇل جۇيە بۇلت تۇرىندە بولادى جانە سەرۆەردە ءبىزدىڭ الگوريتم جازۋلى تۇرادى، ءبىز ترانسفارماتورداعى بارلىق مالىمەتتى جيناپ، ونى وڭدەيمىز. وسى مالىمەتتەردىڭ ارقاسىندا ترانسفورماتوردىڭ ومىرشەڭدىگىن ۇلعايتا الامىز»، - دەيدى ءا.زاۋرەنبەك. 

ونىڭ ايتۋىنشا، جاس عالىمداردان قۇرالعان توپتىڭ ويلاپ تاپقان دۇنيەسى ترانسفورماتوردىڭ جۇمىسىنداعى پروبلەمالاردى ۋاقىتىندا انىقتاپ، ونى الىپ تاستاۋعا، باقىلاۋعا كومەكتەسەدى.

«ترانسفورماتور - بۇل دا دەر كەزىندە پروبلەماسىن انىقتاماساڭ، ۋاقىت وتە كەلە توزىپ سىناتىن ماشينا سياقتى. قۇرالدى تەزىرەك جوندەسەڭ، ارزانعا تۇسەدى، جۇمىسقا قابىلەتتىلىگى دە ارتىپ، قوماقتى قارجىنى ۇنەمدەۋگە بولادى»، - دەيدى ول جوبانىڭ ارتىقشىلىعىن ءتۇسىندىرىپ. 

ترانسفورماتوردىڭ قۇنى ءجۇز مىڭ دوللارعا دەيىن بارادى. ءىرى ەلەكتروستانسيالاردىڭ بالاسىندا مۇنداي اپپاراتتاردىڭ كوپتەگەن ءتۇرى بار.

«مىسالى، «استانا رەك» بالانسىندا 100 مىڭعا جۋىق ترانسفورماتور بار، ونىڭ ءارقايسىسى 150 مىڭ دوللار تۇرادى. ەگەر ولاردىڭ ومىرلىك سيكلىن 5 جىلعا ۇزارتاتىن بولسا، ول ميللياردتاردى ۇنەمدەۋگە مۇمكىندىك بەرەدى. بولاشاقتا ءبىزدىڭ جۇيە جاساندى ينتەللەكتكە باعىتتالادى»، - دەدى ءا.زاۋرەنبەك.

جاڭا قۇرالدى تاجىريبەدەن وتكىزىپ كوردى، ول اۆتوماتتى تۇردە سىنىپ تۇرعان جەردى تاۋىپ، حابارلادى.

«تاجىريبەدەن كەيىن سەگىز ساعات، 35 مينۋتتان كەيىن ترانسفورماتور كۇيىپ كەتتى، ياعني ءبىزدىڭ تاجىريبە ءساتتى ءوتتى»، - دەيدى مەنەدجەر عالىم.

ونىڭ ايتۋىنشا، زەرتتەۋ ءبىرىنشى كەزەڭدە زەرتحانادا وتكەن، كوماندانىڭ ەندىگى جوسپارى - كادىمگى ترانسفورماتوردى قولدانىپ كورۋ.

جوبانى جاساۋعا جاستاردىڭ ءبىر جىلدان اسا ۋاقىتى كەتكەن. قۇرىلعىنى ءىس جۇزىندە پايدالانۋ 2018 جىلدىڭ جازىنا بەلگىلەندى. 

---