شىمكەنتتە ۇستازدار تەست تاپسىرىپ جاتىر
شىمكەنتتە ۇستازدار تەست تاپسىرۋدى باستادى. مۇعالىمدەردىڭ ءبىلىم دەڭگەيىن تەكسەرەتىن سىناق ناتيجەسىندە جوعارى بالل جيناعاندار ءپانارالىق وليمپيادالارعا ىرىكتەلەدى. ال، تومەن بالل جيناعاندارعا تاعى ءبىر مۇمكىندىك بەرىلەدى.
قازىرگى تاڭدا شىم شاھاردا 14 مىڭداي ۇستاز بار. مەكتەپتەردە كەزەكتى دەمالىستى پايدالانعان سالا باسشىلارى ۇستازداردى تەستىلەۋدەن وتكىزۋدە.
قالالىق ءبىلىم ءبولىمى باسشىلىعىنىڭ مالىمەتىنشە، تەست قورتىندىسى بويىنشا جينالعان بالل كورسەتكىشتەرى ۇستازداردىڭ جۇمىسىنا ەش اسەر ەتپەيدى. بۇل شارا تەك ۇزدىكتەردى ىرىكتەپ الۋدىڭ زاماناۋي ءادىسى عانا. سىناقتا ءار ۇستاز تەك ءوزىنىڭ پانىنە قاتىستى سۇراقتارعا جاۋاپ بەرەدى. سەبەبى، بۇگىنگىنىڭ ءبىلىم قىزمەتكەرلەرى ۇنەمى شەبەرلىگىن شىڭداپ، بىلىكتىلىگىن ارتتىرىپ وتىرۋى قاجەت. تەستىلەۋ كەزىندە ۇستازداردىڭ باسىم كوپشىلىگى جوعارى ناتيجەگە قول جەتكىزىپ، ءوز بىلىمدەرىن دالەلدەپ شىقتى. ال، تومەن بالل جيناعاندارىنا تەستتى قايتا تاپسىرۋعا مۇمكىندىك بەرىلەتىن بولدى. ەگەر ەكىنشى رەت سىننان وتە الماسا، ورنىن بوساتۋى ءتيىس بولادى.
«جاسىراتىنى جوق، كەيبىر جوعارعى وقۋ ورنىن ءبىتىرىپ كەلگەن ۇستازدار تالاپقا ساي كەلمەي جاتادى. كەشەگى قورىتىندىنى قاراساق، ەڭ تومەن ناتيجە كورسەتكەندەر بار. وتە تومەن بالل جيناعان ۇستازدار بىلىمدەرىن جەتىلدىرە الماسا، جۇمىسىنان كەتەدى دەپ ويلايمىن»،- دەدى شىمكەنت قالالىق ءبىلىم ءبولىمىنىڭ باسشىسى جانات تاجييەۆا.
قازاقپارات
You Might Also Like
-
ءبىلىم جۇيەسىنە لاتىن گرافيكاسىنداعى قازاق ءتىلى ءالىپبيىن ەنگىزۋدىڭ ءار كەزەڭى تىڭعىلىقتى پىسىقتالادى. بۇل تۋرالى ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
