جاڭا ءالىپبيدى ءبىلىم جۇيەسىنە ەنگىزۋ تىڭعىلىقتى تۇردە پىسىقتالىپ جۇرگىزىلەدى
ءبىلىم جۇيەسىنە لاتىن گرافيكاسىنداعى قازاق ءتىلى ءالىپبيىن ەنگىزۋدىڭ ءار كەزەڭى تىڭعىلىقتى پىسىقتالادى. بۇل تۋرالى ءبىلىم جانە عىلىم ءمينيسترى ەرلان ساعادييەۆ ءمالىم ەتتى.
«وزدەرىڭىز بىلەسىزدەر، بۇگىندە عالىمدار جۇمىستارىن جالعاستىرىپ جاتىر. وسى ورايدا ەملە-ەرەجە كەرەك، بىزگە گرامماتيكانى جازىپ، قاجەتتى سوزدىكتەردى شىعارۋ كەرەك، سونداي-اق تەرمينولوگيانى پىسىقتاۋ قاجەت. جالپى، بەلگىلەنگەن اۋقىمدى جۇمىس جۇزەگە اسىرىلعاننان كەيىن، ءبىز اپروباسيا پروسەسىن باستايمىز»، - دەپ ءتۇسىندىردى ە. ساعادييەۆ ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا.
وسى ورايدا مينيستر لاتىن قارپىنە كوشۋ ۇدەرىسى ىرىكتەلگەن مەكتەپتەردە، ستۋدەنتتىك ورتادا جۇرگىزىلەتىنىن اتاپ ءوتتى. تەك وسىنداي تىڭعىلىقتى پىسىقتالعان شارالاردان كەيىن عانا ءبىرىنشى سىنىپقا دەيىنگى جانە ءبىرىنشى سىنىپ ۇستازدارىن دايارلاۋ باستالادى.
«بارلىق قاجەتتى دەگەن جۇمىستار ەسكەرىلگەننەن كەيىن عانا لاتىن گرافيكاسىنداعى قازاق ءتىلى ءالىپبيىن ءبىلىم بەرۋ جۇيەسىنە، مەكتەپتەردە ءارى ۋنيۆەرسيتەتتەردە ەنگىزۋدىڭ كەستەسىن تالقىلايمىز»، - دەپ ناقتىلادى مينيستر.
ونىڭ ايتۋىنشا، وسى ۇلكەن جۇمىستىڭ ءاربىر كەزەڭىن ۆەدومستۆو مۇعالىمدەرمەن، مەكتەپ ديرەكتورلارىمەن، ۋنيۆەرسيتەت پەداگوگتارىمەن، ساراپشىلارمەن تالقىلاپ، سايكەسىنشە ۇسىنىستار رەسپۋبليكالىق كوميسسياعا جولدانادى.
«بۇگىندە ستۋدەنتتىك ورتادا، جۋرناليستەر اراسىندا ەرىكتىلەردىڭ كەڭ شوعىرى پايدا بولعانىن بايقاپ وتىرمىز، سوندىقتان اپروباسيا بۇقارالىق سيپاتقا يە بولادى دەپ ويلايمىن»،-دەدى ە. ساعادييەۆ.
قازاقپارات
You Might Also Like
-
شىمكەنتتە ۇستازدار تەست تاپسىرۋدى باستادى. مۇعالىمدەردىڭ ءبىلىم دەڭگەيىن تەكسەرەتىن سىناق ناتيجەسىندە جوعارى بالل جيناعاندار ءپانارالىق وليمپيادالارعا ىرىكتەلەدى. ال، تومەن بالل جيناعاندارعا تاعى ءبىر...
-
№16 كوللەدج مكقك ساپا مەنەدجمەنتى جۇيەسى شىعارماشىلىق ىزدەنىس جۇمىس ءب-اب-ا-41/2017 دايىنداعان: يسكاندير ەراسىل جەتەكشى: يبراەموۆ ا
