InfoHub Logo

شىمشىق (لات. Carduelis spinus) – تورعايتارىزدىلەر وتريادىنىڭ قۇناق تۇقىمداسىنا جاتاتىن قۇس.

قازاقستاندا كوكشەتاۋ قىراتىندا تاراعان، كەيدە قارقارالى، كەنتايماقتارىندا كەزدەسىپ قالادى. شىرشالى جانە ارالاس ورمانداردى مەكەندەپ، سۋ ايدىندارىنا جاقىن جۇرەدى، قايىڭدى، قاندىاعاشتى توعايلاردا قورەكتەنەدى. قاناتىنىڭ ۇزىندىعى 70 مم، سالماعى 13 گ-داي. اتالىعى جاسىل سارعىش ءتۇستى، ونىڭ توبەسىندە ءبىر شوق قاۋىرسىن – “تاقياسى” (ايدارى) بولادى؛ قانات، قۇيرىق قاۋىرسىندارى قارا، ولارعا جول-جول بولىپ سارى قاۋىرسىندار ارالاسقان، باۋىرى اق. انالىعى مەن بالاپاندارىنىڭ ارقاسى جاسىل سۇرعىلت تارتقان، باۋىرى اقشىل. وتىرىقشى قۇس. ۇياسىن اعاش باسىنا سالادى. مامىر ايىندا 5 – 6 كوگىلدىر نە جاسىلداۋ جۇمىرتقا سالىپ، انالىعى 12 – 14 كۇن باسادى. بالاپاندارىن دا انالىعى 13 – 15 كۇندەي اسىرايدى. جىلىنا ەكى رەت بالاپان ورگىزەدى. وسىمدىك تۇقىمىمەن جانە جاندىكتەرمەن قورەكتەنەدى، ولاردىڭ زياندىلارىن جەپ پايدا كەلتىرەدى. شىمشىقتار جاقسى سايرايدى.

---