شىڭداۋ كۇيى
ۇلى ءجۇزدىڭ ءبىر تاراۋى سيقىم رۋىنان شىققان باتىر تايلاق، تەك كۇشىمەن ەمەس، سونداي-اق اسقان سىبىزعىشى رەتىندە تانىلعان باتىر بولعان. ءبىر كۇنى تايلاقتىڭ اۋلىنا مەزگىلسىز كەزدە شاپقىنشىلار كەلىپ، جىلقىسىن ايداپ اكەتەدى. تايلاقتىڭ سەكەر جانە باراق اتتى ەكى ۇلى شاپقىنشىلاردى قۋىپ كەتەدى. باراق سوققىدان قازا تابادى، سەكەر جاۋىن جەڭىپ، اۋلىنا ورالادى. سەكەردىڭ قازا بولعان اعاسىن الىپ كەلە
جاتقانىن الىستان كورگەن سەكسەن جاستاعى اكەسى سىبىزعىسىن قولىنا الىپ ويناي باستايدى، ونىڭ ويىنىنان:
«سەكەر مەنەن باراعىم،
اينالايىن قاراعىم،
بىرەۋىڭنەن ايرىلىپ،
بۇگىلە جەرگە قارادىم»، —
دەگەن تايلاقتىڭ زارلى جوقتاۋى ەستىلگەندەي. سىبىزعىنىڭ ءۇنىن ەستىگەن باراقتىڭ ايەلى ءبىر جاماندىقتىڭ بولعانىن سەزەدى. «سىبىزعى ءۇنى قۇلاعىما كەلمەسە ەكەن» دەپ ول قاپالانادى. سىبىزعىنىڭ جوقتاۋىنا جينالعان جۇرت، تايلاققا كوڭىل ايتادى، ءبىراق ول ويناي بەرەدى، ويناي بەرەدى. الدەن ۋاقىتتان كەيىن قالجىراعان تايلاق، ەسىنەن ايرىلىپ، قۇلاپ تۇسەدى. ىقىلاس بۇل كۇيدى جاڭا بوياۋمەن ناقىشتاپ قوبىزعا سالادى.
You Might Also Like
-
ىقىلاس قوبىزشى جول ءجۇرىپ كەلە جاتىپ، ءبىر وزەننىڭ جاعاسىنداعى جالعىز اعاشتىڭ تۇبىنە توقتاعان ەكەن دەيدى. استىنداعى اتىن وتقا قويا بەرىپ، اعاشتىڭ كولەڭكەسىندە دەم الماق بولعان. كەنەتتەن شىرىلداپ بايەك...
-
جاپان دالادا ولەكسەگە قونىپ، جەمتىك شوقىعان قارعا بالاپاندارىنا اقىل ايتىپتى، دەپ باستالادى اڭىز. «بالاپاندارىم، مەن قارتايدىم! ءۇش ءجۇز جاسقا كەلدىم. ومىردە كوپتى كوردىم، كوپتەگەن نارسەلەرگە ك...
