شىڭىراۋ (ح نۇسقا)
ىقىلاس قوبىزشى جول ءجۇرىپ كەلە جاتىپ، ءبىر وزەننىڭ جاعاسىنداعى جالعىز اعاشتىڭ تۇبىنە توقتاعان ەكەن دەيدى. استىنداعى اتىن وتقا قويا بەرىپ، اعاشتىڭ كولەڭكەسىندە دەم الماق بولعان. كەنەتتەن شىرىلداپ بايەك بولىپ، اعاشتى اينالا ۇشىپ جۇرگەن تورعايعا كوزى تۇسەدى. ىقىلاس اعاشتىڭ باسىنا كوز جىبەرسە، الگى اعاشتىڭ بۇتاعىندا ۇيا بار ەكەن، سودان باستارى قىلتيىپ-قىلتيىپ تۇرعان بالاپاندار كورىنەدى. ولار دا جانۇشىرا شىرىلدايدى. سويتسە، اعاشتىڭ بويىمەن ۇياعا قاراي جىلان ورمەلەپ بارا جاتىر ەكەن. بالاپاندارعا جانى اشىپ كەتكەن، ىقىلاس قامشىمەن جىلاندى ۇرىپ ءولتىرىپ، سۋعا تاستايدى. سول كەزدە قۇس تا ۇياسىنا جەتىپتى. سوندا ىقىلاس: «جىرتقىشتىڭ اتى جىرتقىش دەگەن وسى-اۋ. ادام دا، جىلان دا وزىنەن السىزگە زورلىق قىلادى. ومىردەگى وسىنداي قاراۋ-قياناتتىڭ قاسىرەتىن قوبىز كۇيىمەن حالىققا جەتكىزسەم» دەپ ويلاعان ەكەن.
You Might Also Like
-
ىقىلاستىڭ جاستاۋ كەزىندە اكەسى دۇكەن وزىمەن بىرگە قوياندى جارمەڭكەسىنە ەرتىپ بارىپتى دەيدى. ونىسى، ەل كورىپ، جەر تانىسىن دەگەن اكەلىك قامقورلىعى بولسا كەرەك.
-
ۇلى ءجۇزدىڭ ءبىر تاراۋى سيقىم رۋىنان شىققان باتىر تايلاق، تەك كۇشىمەن ەمەس، سونداي-اق اسقان سىبىزعىشى رەتىندە تانىلعان باتىر بولعان. ءبىر كۇنى تايلاقتىڭ اۋلىنا مەزگىلسىز كەزدە شاپقىنشىلار كەلىپ، جىلقى...
