InfoHub Logo

ساباقتىڭ تاقىرىبى: شورتانباي قاناي ۇلىنىڭ ءومىرى مەن شىعارماشىلىعى
ساباقتىڭ ماقساتى: اقىننىڭ ءومىرى مەن شىعارماشىلىعى جايلى ءبىلىمدى وزبەتىمەن مەڭگەرۋ

ساباقتىڭ مىندەتتەرى:
بىلىمدىلىك: ش. قاناي ۇلىنىڭ شىعارمالارىنىڭ تاقىرىپتىق - يدەيالىق وزەكتىلىگىن تانۋ، ءبىلۋ. جىرلارىن وقۋ، ءتۇسىنۋ. اقىن پوەزياسىنىڭ قۇندىلىعىن ۇعىنۋ.
تاربيەلىك: جاس ۇرپاقتى اقىن شىعارمالارىنداعى ادامگەرشىلىك، ورلىك، ادالدىق، پاتريوتتىق، ادىلەتتىلىك سياقتى ادامزات بويىندا بولۋى ءتيىس اسىل قاسيەتتەرگە تاربيەلەۋ.
دامىتۋشىلىق: شاكىرت ساناسىندا وزىندىك كوزقاراس، پىكىر قالىپتاستىرۋ.
وقۋشىلاردى ىزدەنۋگە، زەرتتەۋگە جەتەلەۋ. ءتىل بايلىعىن، پوەزياعا دەگەن سۇيىسپەنشىلىگىن دامىتۋ.

ساباقتىڭ ءتۇرى: ارالاس ساباق
ساباقتىڭ ءتيپى: ءوز بەتىنشە ءبىلىمدى مەڭگەرتۋ.
ساباقتىڭ ءادىس - تاسىلدەرى: سۇراق - جاۋاپ، ىزدەنۋ،
ساباقتىڭ كورنەكىلىگى: ينتەراكتيۆتى تاقتا، كەستەلەر، تىرەك سىزبالار

ساباقتىڭ بارىسى:
1/ ۇيىمداستىرۋ كەزەڭى.
ءى. قىزىعۋشىلىقتى وياتۋ
ءۇي تاپسىرماسى:
1. د. باباتاي ۇلى ءومىرى، شىعارماشىلىعى.
2. «و، اقتان جاس» ولەڭى بويىنشا قۇرعان جوسپارلارىن تەكسەرۋ، تالداۋ، ولەڭدى جاتقا سۇراۋ.
3. ىزدەنىس جۇمىستارى (قوسىمشا دەرەكتەر)
4. ارناۋ (شىعارماشىلىق جۇمىستار: ولەڭ، ەسسە، وي تولعاۋ، ءسوز جۇمباق ت. ب.)

سەزىنۋ ءبولىمى:
ىزدەنۋ كەزەڭى: وقۋلىقتان، ەلەكتروندىق وقۋلىقتان، ينتەرنەتتەن تومەندەگى سۇراقتارعا جاۋاپتار ىزدەيمىز. (ينتەراكتيۆتى تاقتا ارقىلى تومەندەگى سۇراقتار كورسەتىلەدى.)
1. شورتانباي ءومىر سۇرگەن زامان قانداي ەدى؟
2. ەل بيلەۋ جۇيەسىندە قانداي وزگەرىستەر بولدى؟
3. شورتانباي ءوز زامانىن نەگە «زار زامان» دەپ اتادى؟
4. بۇل ءوز داۋىرىنە ريزا بولماي، تۇڭىلۋدەن، ۇمىتسىزدىكتەن، سارى ۋايىمنان تۋعان با؟
5. شورتانبايدىڭ وسى ءبىر «زار زامان» دەگەن ءسوزى نە سەبەپتى كەيىنگى ءبىر تۇتاس ءداۋىردىڭ اتىنا اينالدى؟

وقۋشىلاردىڭ ءار سۇراق بويىنشا دالەلدى جاۋاپتارى تىڭدالادى.

ويلاۋ ءبولىمى:
شورتانباي زارى
↓
«زار زامان»
«كەلەر زامان»
«جارلىنىڭ جانى بەرىك - ءتى»
«ءبىر ناسيحات ايتايىن»
«قالىقتاعان سۇڭقار ەم»
وسى ولەڭدەر نەنى دالەلدەۋ ءۇشىن جازىلعان؟

شورتانباي اقىننىڭ ويىنشا زاماندى ازدىرۋشىلار كىمدەر؟
زامان
ۇستەم تاپ ------------------- قوعام
حان --------------------------- وتارشىل - دىق ساياسات
بي ----------------------------- ساۋدا
ستارشىن -------------------- اقشا

شورتانباي نە سەبەپتى دىنگە سۇيەنىپ، قۇدايدىڭ قۇدىرەتىنە باس يۋگە شاقىرادى؟

اقىن زامان وزگەرىسىنە ساي ادام بويىندا قانداي قۇندىلىقتاردىڭ جوعالىپ، قانداي جامان قىلىقتاردىڭ شىعىپ جاتقانىنا قىنجىلادى؟

داپتەرمەن جۇمىس.
1.«زار زامانداعى» قايتالانعان ەپيفورا ءسوز. «زامان» ءسوزى
تالداۋ كەزەڭى: ولەڭ قۇرىلىسىنا تالداۋ جاساۋ. قىسقاشا تۇسىنىك بەرۋ، ەسكە ءتۇسىرۋ.
بايلار ۇرلىق قىلادى
كوزىنە مال كورىنبەي،
بيلەر جەيدى پارانى
ساقتاپ قويعان سۇرىندەي.
/كەزەكتى ۇيقاس /7 بۋىندى، 2بۋناقتى

2. شورتانباي ولەڭىندەگى مۇسىلمان دىنىنە بايلانىستى ەنگەن اراب سوزدەرىن ءتىزىپ جاز.
سالىستىرۋ جۇمىسى. (وقۋشىنىڭ قالاۋى بويىنشا)
دامىتۋ ءبولىمى:
1. دەڭگەيلىك تاپسىرما «دىبىستار سويلەيدى ستراتەگياسى»
ش - شورتانباي شىعارماشىلىعىندا شىندىق پەن سۇمدىق قاتار سۋرەتتەلەدى.
و - ورىستاردىڭ قازاقتىڭ شۇرايلى جەرىنە قونىستانۋىنا قارسى ءۇن قاتتى.
ر - رەاليستىك تۇرعىدان جىرلاپ، ومىرشەڭ ولەڭدەر تۋعىزعان.
ت - تارلان تالانتتىڭ تاعىلىمى مول.
ا - ارلى اقىن، ارمانى بيىك شىڭداردان.
ن - ناسيحاتتى، وسيەتنامالى جىرلار شورتانباي ەنشىسىندە.
ا - اقىن زامان وزگەرىسىنە ساي وزىندىك ءۇنىن قالىپتاستىرا بىلگەن تۇلعا.
ي – يگىلىكتى ىسىمەن حالقىنىڭ قالاۋلىسى بولا بىلگەن اقىننىڭ مۇراسى بىزگە ۇلگى - ونەگە.
2. «سوزدەن ءسوز تۋدىرۋ ستراتەگياسى» مۇسىلمانشىلىق – مال، لاق، سىم، ۇساق، قىلىش، ۇل، شام، لىق، سان، ىق، شۇلىق، ۇلىق، سال، مالشى ت. ب. (ءسوز تاپتارىنا ءبولىپ جازۋ)
3. ارناۋ (ارنايى دايىنداعان ۇيقاس تۇرلەرى ارقىلى ولەڭ شىعارۋعا ۇيرەتۋ)
جاڭا ساباقتى بەكىتۋ.
شورتانباي قانايۇلىن سەندەر قانشالىقتى تانىدىڭدار، قاي جاعىنان باعالادىڭدار. مىنا كەستەنى تولتىرۋ ارقىلى وزدەرىڭدى تەكسەرىڭدەر.

№--- شورتانباي قاناي ۇلى ------------------------ ءيا --------- جوق
1 اقىن
2 مەدرەسە بىتىرگەن
3 كۇرەسكەر اقىن
4 جىراۋ
5 زامان جىرشىسى
6 سىنشى
7 ءدىندار
8 ايتىسكەر اقىن
9 باتىر
10 شىنشىل رەاليست

قورىتىندىلاۋ.
وقۋشىلاردى باعالاۋ.
ۇيگە تاپسىرما بەرۋ. ش. قاناي ۇلى «زار زامان» ولەڭىنەن ءۇزىندى جاتتاۋ.
ىزدەنىس جۇمىستارى (ايتىسكەر اقىندىعى تۋرالى مالىمەتتەر جيناستىرىپ كەلۋ)
ارناۋ (اقىن مۇراسى جايلى ءوز شىعارماشىلىقتارىڭىز)